Vestfirðingar líkja nýsamþykktu frumvarpi ríkisstjórnarinnar við stuðning við íslenska landsliðið

Víkingingur Gunnarsson, starfsmaður og einn af aðal talsmönnum laxeldisins á Vestfjörðum fagnar ákaft á facebooksíðu sinni, þeim mikla “sigri” laxeldisfyrirtækja með það að hafa fengið starfsleyfi sitt sem knúið var fram með handafli gegn faglefri úrskurðarnefnd umhverfisráðherra.

,,Mikið er gaman að sjá hvernig samstaða getur verið sterk ef allir leggjast á eitt. Samstaða vestfirðinga minnti mig á samstöðu íslenska landsliðsins í fótbolta.

Sveitarstjórnarfólkið okkar stóð upp og sagði hingað og ekki lengra. Íbúar vestfjarða allir sem einn.

Alþingi með atvinnunefnd og umhverfisnefnd sagði nei, meira að segja þær stofnanir sem um málin fjalla og margir aðrir um allt land. Í dag er ég stoltur og hef öðlast aftur trú á samfélagið okkar. ” Segir Víkingur Gunnarsson, um afgreiðslu þingsins sem að afgreiddi frumvarpið í skjóli nætur í gær.

Og hnekkti þar með úrskurði nefndarinnar. En málið hefur vægast sagt verið mjög umdeilt þar sem að hagsmunir laxeldis og mengunar og tjóna sem að eru óafturkræf gagnvart íslenska laxastofninum takast á.

Spurt hefur verið m.a. hví Sjálfstæðisflokkurinn hafi allt í einu hlaupið upp til handa og fóta fyrir þetta einstaka fyrirtæki. Á meðan að sami flokkur hafi gengið fremstur allra í því að leggja byggðir og störf í rúst, sem er innbyggð afleiðing í fiskveiðistjórnunarkerfinu. Í kvótakerfinu hafa Vestfirðir orðið hræðilega úti. Í þeim ósköpum öllum um áratuga skeið hafa tapast skip, heilu togararnir og þúsundir tonna af veiðiheimildum og margfalt fleiri störf en nú er verið að bjarga. Ekkert hefur verið gert til þess að bjarga þeim störfum undanfarna áratugi með neyðar frumvörpum og lagasetningum.

En Fréttatíminn hefur fjallað um málið líkt og aðrir fjölmiðlar enda fátt annað verið gert af hálfu ríkisstjórnar Katrínar Jakobsdóttur en að knýja fram lagasetningu.  Sem snérist um að fella niður og ógilda úrskurð úrskurðarnefndar Guðmunar Inga, umhverfis- og auðlindaráðherra. Fella faglegan úrskurð nefndarinnar úr gildi af pólitískum ástæðum, þar sem að umhverfismál verða augljóslega látin víkja fyrir fjárhagslegum hagsmunum.

Tengt efni: 

Laxeldi – Öskuhaugahagfræði

Springur ríkisstjórnin vegna laxeldismála á Vestfjörðum?

Ein af hverjum fimm laxveiðiám lokuð stangaveiðimönnum vegna laxeldis

Alþingi óskaði ekki eftir umsögn frá stærsta stangaveiðifélagi á Íslandi á heildar breytingum á ýmsum lagaákvæðum sem að varða fiskeldi 

Jón Þór Ólason formaður Stangaveiðifélags Reykjavíkur furðar sig á því og lýsir yfir vonbrigðum sínum vegna þessa í umsögn SVFR til Alþingis.

Í umsögn SVFR er farið vandlega yfir ýmsar lagagreinar og óskað eftir breytingum á þeim með rökum. Jafnframt er því beint til Alþingis, í lokaorðum umsagnarinnar að eðlilegast væri að Atvinnuveganefnd Alþingis færi frekar í heildar endurskoðun á löggjöf um fiskeldi í stað þess að ráðast í óvandaðar og umdeildar breytingar á núverandi löggjöf. Þess ber að geta að Jón Þór Ólason formaður SVFR er starfandi lögmaður.

Fréttatíminn hefur áður fjallað um áhrif laxeldis á veiðiár í Noregi þar sem að búið er að loka einni af hverjum fimm laxveiðiám vegna laxeldis.

,,Nú liggur fyrir Alþingi frumvarp til laga um breytingu á ýmsum lagaákvæðum sem tengjast fiskeldi. SVFR hefur þegar framsent Alþingi umsögn sína.

SVFR hefur ávallt lagst gegn sjókvíaeldi við Íslandsstrendur enda sýna bæði rannsóknir sem og reynsla annarra þjóða sem stunda laxeldi í opnum sjókvíum að ýmsir smitsjúkdómar, sníkjudýr og slysasleppingar munu óhjákvæmilega skaða lífríki í ám og vötnum hér á landi.

Er váin raunar meiri hér á landi þar sem heimilað hefur verið sjókvíaeldi á kynbættum laxi af norskum uppruna, einfaldlega vegna þess að norski laxinn er erfðafræðilega frábrugðinn íslenskum laxastofnum og erfðamengunin, sem er óhjákvæmileg, dregur úr hæfni villta laxins til að lifa af, fjölga sér, skemmir aðlögunarhæfni og eyðileggur ratvísina.

Hin óhjákvæmilega genablöndun eldislaxs af norskum stofni við villtan lax mun valda óbætanlegu tjóni. Því er mikilvægt að vandað sé til verka og að skammtíma pólitískir hagsmunir verði ekki látnir ráða för. Að mati SVFR hefði verið mun eðlilegra að samin yrði ný heildarlöggjöf um fiskeldi, standi vilji Alþingis virkilega að skapa sátt um þessi mál og gæta að náttúruverndarsjónarmiðum.”

Í formála umsagnar SVFR til Alþingis segir m.a. :,,

Hér er hægt að lesa umsögn SVFR í heild sinni og að neðan : umsogn_fiskeldi_svfr

https://www.frettatiminn.is/2018/22/04/ein-af-hverjum-fimm-laxveidiam-lokud-stangaveidimonnum-vegna-laxeldis/

Veitingahús merkja sig – ekki með lax úr sjóeldi

Á síðunni ,, Nei við laxeldi úr sjó” kemur fram að ,,veitingastaðir á Íslandi sem bjóða lax úr landeldi, séu farnir að aðskilja sig frá öðrum veitingastöðum sem framreiða norskan sjókvíaeldislax.

Fyrir erlenda ferðamenn er skilti sem stendur á   ,, We only serve salmon from sustainable land-based farming”.

,,Þeir sem láta sig málið varða ættu að leita að þessum miða.  ,,Við bjóðum aðeins lax úr sjálfbæru landeldi.” Segir á síðunni, en þar er hægt að finna margt um laxeldi, bæði hérlendis og erlendis.

Samnefnari yfir allt efni á síðunni er að talað er um þann skaða sem að laxeldi í sjó hefur valdið lífríkinu og þess m.a. getið að 680.000 laxar hafi sloppið í s.l. viku út í vilta náttúruna frá einu laxeldisfyrirtæki erlendis og almennt um skaðsemina sem að laxeldisfyrirtæki valda. Jafnframt er allt fréttaefni tengt laxeldi safnað saman á síðuna og m.a. um hundruða milljóna tap laxeldisfyrirtækja og sagt að ríkið hafi gefið laxeldisfyrirtækjum leyfi sem að hefðu kostað tugi milljarða í Noregi.

Prófíl mynd síðunnar er af sýktum eldislöxum

,,Það fer mikið fyrir áróðri norskra fiskeldis-fyrirtækja í fjölmiðlum þessa dagana. Þar er dregin upp glansmynd af sjókvíaeldi með vafasömum hætti. Stærsta laxeldisfyrirtæki landsins tapaði sem nemur 2.100 milljónum í fyrra og hundruðum milljóna á fyrsta fjórðungi þessa árs. Að auki varð stærsta slys íslenskrar fiskeldissögu fyrir skömmu.  Sjókvíaeldi er hvorki umhverfisvænt né sýnir samfélagslega ábyrgð. Það er drifið áfram af hagnaðarvon með neikvæðum umhverfisáhrifum.” Segir m.a. á síðunni

Laxeldi – Öskuhaugahagfræði

Slysaslepping í laxeldinu í Tálknafirði

Tölvuárásir hafa staðið yfir á vef Fréttatímans s.l. þrjá sólarhringa eða frá því að farið var að fjalla um málefni laxeldis á Íslandi 

Árásirnar standa enn yfir og er notuð a.m.k. ein aðferð sem að kallast Brute Force árás.  Hún virkar þannig að notaðar eru t.d. 100 tölvur, oftast frá mörgum löndum og ólíkum heimsálfum, í einu til þess að gera árás til þess að ná lykilorði og yfirráðum yfir netþjóninum. 

Samkvæmt þeim upplýsingum sem að Fréttatíminn hefur, er um að ræða mjög dýra tölvuárás þar sem að kostnaðurinn er talinn hlaupa á milljónum króna.

Það má því ætla að sá aðili sem stendur á bak við árásina hafi töluvert fé til þess að ráða dýra tölvusérfræðinga víða um heim til verksins og engu er til sparað.

Allskonar aðferðir hafa verið reyndar við innbrotið og í myndlíkingu er hægt að segja að innbrotsþjófurinn sé við útidyrnar að reyna að komast inn á meðan við horfum á hann út um gluggann og bætum við fleiri vörnum við hurðina. Unnið er að því að komast að því hver ber ábyrgð á þessum ólöglegu og siðlausu aðgerðum.

Innbrot af þessu tagi eru til þess að reyna að brjótast inn í tölvukerfi og valda sem mestum skaða, jafnvel tortíma því.  Tölvuþrjótarnir náðu að komast í ysta lag kerfisins, svokölluðu FTP, sem olli því að vefurinn datt út í tíu mínútur.

Viðvörunarkerfi Fréttatímans fór í gang og lét vita fyrir u.þ.b. þremur sólarhringum að verið væri að reyna að brjótast inn í kerfið. Var þá þegar kallað út teymi til varnar og nú eru tekin öryggisafrit oft á dag og unnið dag og nótt að því að standast árásina.  Tölvuþrjótarnir nýta sér tímamismun og vinna mest að næturlagi að íslenskum tíma.

Tölvukerfi Fréttatímans er mjög vel varið fyrir hvers konar tölvuárásum tölvuþrjóta eða hakkara og hafa verið tekin skjáskot af aðgerðum þeirra sem að standa að baki árásunum.  IP tölur þeirra hafa verið skráðar og verða afhentar lögreglu til rannsóknar ásamt kæru.

Draga má þá ályktun að einhverjir aðilar þola ekki að málefni laxeldisfyrirtækja séu rædd.  Lítum við á að þessi tölvuárás sé tilraun til þess að þagga niður umfjöllun sem að einhverjum kann að þykja óþægileg ásamt aðför að tjáningarfrelsinu og frjálsri blaðamennsku.

Við vonum að tölvuþrjótunum og þeim sem standa að baki árásunum takist ekki ætlunarverk sitt.  Eins og staðan er núna þurfum við að einbeita okkur að því standast þessar árásir en þær hafa kostað okkur bæði mikinn tíma, vinnu og fjármuni.  Við munum því birta nýlegar greinar á forsíðu um óákveðinn tíma eða þar til við höfum komist fyrir þessar árásir.

Hér er hægt að lesa greinar um laxeldi

————————————————————————————————————————-

Helmingur þjóðarinnar les ferskar fréttir hjá fréttamiðlum á netinu – Athygli vekur að einungis 4% kváðust helst sækja fréttir í dagblöð

EKKI Í OKKAR NAFNI

Strætó er sagt nýta sér umdeilda þjónustu starfsmannaleigu í grein Sönnu Magdalenu Mörtudóttur um málefni Strætó bs. og aðstæður bílstjóra félagsins eru sagðar óboðlegar

,,Samkvæmt launaseðli fyrrverandi erlends bifreiðarstjóra, sem starfaði tímabundið hjá Strætó bs., sem ég hef undir höndunum, innheimti Strætó húsaleigu og flugmiða af viðkomandi sem fyrirtækið hafði ráðið í gegnum starfsmannaleigu. Húsaleigan var 70 þúsund krónur, fyrir að deila herbergi með öðrum.

Miðað við yfirlýsingu frá Strætó, sem fyrirtækið sendi frá sér eftir að ég hóf umræðu um slæma stöðu innflytjenda í láglaunastörfum og á leigumarkaði, er ekki hægt að gera ráð fyrir að Strætó leigi út rúmstæði fyrir starfsfólk sitt né rukki flugfar fyrir það til Íslands. Það má því gera ráð fyrir að Strætó hafi dregið af starfsmanninum rúmstæðisleigu og flugfargjöld og fært starfsmannaleigunni sem útvegar Strætó vinnuafl, líklega Elju en í yfirlýsingu Strætó kom fram að fyrirtækið skiptir við Elju. Þess má geta að flestir eigendur Elju eru starfsmenn dótturfélags Gamma; Heildar fasteignafélags.

Samkvæmt lögum frá 1930 er launagreiðanda skylt að greiða launafólki laun sín út í gjaldgengum peningum og honum er óheimilt að skuldajafna við launafólk nema um það sé sérstaklega samið. Þessi lög voru sett til að vernda launafólk, en fyrir þennan tíma, fyrir meira en 88 árum, nýttu margir eigendur fyrirtækja sér veika stöðu verkafólksins og náðu af þeim stórum hluta launanna aftur með húsaleigu, inneign í verslunum sem þeir ráku sjálfir og þar fram eftir götunum.

Þessi lög voru sett til að vernda launafólk fyrir því að eigendur fyrirtækja næðu launum þess til baka. Það er því óásættanlegt að atvinnurekandi sé að innheimta af launum fólks fyrir þriðja aðila.

Fyrirtæki innheimta fyrir skattinn, lífeyrissjóðinn og verkalýðsfélagið en þeim er ekki heimilt að taka af launum starfsfólks vegna skulda við fyrirtæki út í bæ. Jafnvel þótt starfsmaður skrifi undir samning sem heimilar slíkt, má færa fyrir því gild rök að vegna veikrar stöðu innflytjenda gagnvart leigusala og launagreiðanda séu slíkir samningar ómarktækir. Það er refsivert þegar fólk nýtir sterka stöðu sína gagnvart þeim sem veikar standa til að fá hina veikstæðu til að afsala sér réttindum.

Það er vegna þessarar veiku stöðu starfsfólks gagnvart Strætó og starfsmannaleigunni sem ég get ekki látið fylgja hér mynd af launaseðlinum. En ég tek það fram að umrædd manneskja starfar ekki lengur hér á landi.

Það hefur áður komið fram að starfsfólk í öðrum atvinnugreinum sem er ráðið í gegnum starfsmannaleiguna Elju sé rukkað um 75 þúsund krónur á mánuði fyrir rúmstæði (sjá frétt DV:http://www.dv.is/…/rukka-erlenda-starfsmenn-um-150-thusund…/). Með því að hrúga þannig erlendu verkafólki inn í íbúðir og annað húsnæði, tveimur og jafnvel fleiri í hvert herbergi eins og sjá má í fréttinni, innheimtir starfsmannaleigan margfalda húsaleigu miðað við það sem fengist fyrir húsnæðið ef það væri leigt einum aðila. Það hefur hins vegar ekki komið fram áður að Strætó bs., fyrirtæki í eigu okkar allra innheimtir þessa svívirðilega háu húsaleigu af bílstjórunum sem eru á lágum launum. Strætó er því virkur gerandi í níðingsskap starfsmannaleiga gagnvart bílstjórum Strætó.

Og Strætó með viðskiptum sínum við Elju ber líka ábyrgð á því með hvaða hætti bílstjórarnir eru tældir til landsins. Samkvæmt yfirlýsingu Strætó hefur fyrirtækið átt í þriggja ára viðskiptum við Elju. Í auglýsingu á rúmensku vefslóðinni https://www.olx.ro/…/soferi-autobuz-islanda-cu-limba-englez… er dregin upp jákvæð mynd af starfinu. Þar stendur að í boði sé frábært atvinnutækifæri sem innihaldi rausnarlegan pakka með grunnmánaðarlaun upp á 2500 evrur útborgaðar (um 330 þús. kr.). Í auglýsingunni stendur að starfsfólkið muni starfa fyrir Ráðhús Reykjavíkur, sem er ekki satt. Einnig kemur fram að húsnæði, flugmiði og samgöngur frá flugvelli verði að fullu greiddar af vinnuveitenda en að það verði síðar dregið af launum án þess að það sé útskýrt frekar.

Í auglýsingunni kemur fram að starfsmannaleigan taki ekki neina þóknun af starfsfólki sínu. En starfsmannaleigan fær síðan vænar fjárhæðir frá Strætó bs. vegna þóknunar fyrir hvern starfsmann. Þetta er liður í ráðningarferlinu sem starfsmanna- eða mannauðsstjórar Strætó bs. ættu annars að vera að sjá um.

Til að fá 330 þúsund krónur útborgaðar þarf bílstjóri að hafa meira en 450 þúsund krónur í heildarlaun og til að ná því þarf sá að vinna mikið og mikið um kvöld og helgar. En þá á eftir að taka af honum leigu fyrir rúmstæðið og flugmiðana. Til að fá 330 þúsund krónur útborgaðar eftir húsaleigu þyrfti bílstjórinn að hafa um 575 þúsund krónur í heildarlaun, en það er nánast ómögulegt fyrir bílstjóra hjá Strætó að ná því. Auglýsing Elju gefur því aðra mynd af starfinu heldur en raunveruleikinn er.

Strætó er opinbert fyrirtæki. Það er í eigu okkar íbúanna í Reykjavík og sveitarfélaganna í kring og það er rekið á okkar ábyrgð. Það lýsir því hversu vel niðurbrot á réttindum og kjörum verkafólks er langt gengið þegar opinber fyrirtæki greiða starfsfólki sínu lág laun og plokka síðan af því stóran hluta sem frádráttarlið af launum. Þannig er opinbert fyrirtæki í raun orðinn hluti af vef ófyrirleitinna einkafyrirtækja.

Strætó bs., opinbert félag okkar íbúanna á höfuðborgarsvæðinu, er orðið að innheimtufyrirtæki fyrir hræGAMMA sem nota sér neyð efnalítilla einstaklinga. Eflaust réttlæta stjórnendur Strætó þetta með því að þeir séu ekki að brjóta nein lög í trausti þess að þannig sé búið um samninga sem starfsfólkið er látið skrifa undir. En það má einu gilda. Stjórn og stjórnendur Strætó hafa enga heimild til að draga fyrirtæki okkar allra inn í ömurlega fjárplógsstarfsemi sem gerir út á neyð erlends verkafólks í skjóli lélegrar verndar íslenskra stjórnvalda og því hversu sein verkalýðshreyfingin hefur verið að bregðast við þróun á íslenskum vinnumarkaði í átt að aukinni misneytingu og kúgun.

Upp á síðkastið hefur mikil umræða átt sér stað um brotastarfsemi gagnvart erlendu starfsfólki og nú hefur komið í ljós að Strætó skiptir við fyrirtæki sem þar hefur verið nefnt. Ég fordæmi framkomu Strætó bs. gagnvart starfsfólki sínu og hvet alla eigendur Strætó að gera það sama, alla íbúa á höfuðborgarsvæðinu.

Ég krefst þess að Strætó borgi starfsfólki sínu þau laun sem það hefur unnið sér inn og hætti allri innheimtu fyrir hönd starfsmannaleiga og leigusala. Alla síðustu öld barðist verkafólk fyrir réttindum sínum og frelsi frá kúgun fyrirtækjaeigenda. Þegar opinber fyrirtæki á borð við Strætó tekur þátt í því að brjóta þessi réttindi niður verðum við að standa upp og segja stopp. Engan níðingsskap gagnvart erlendu starfsfólki í láglaunastörfum, og allra síst í okkar nafni.” Segir Sanna Magdalena Mörtudóttur í grein sinni á facebook.

Helmingur þjóðarinnar les ferskar fréttir hjá fréttamiðlum á netinu – Athygli vekur að einungis 4% kváðust helst sækja fréttir í dagblöð

Dæmigert haustveður um allt land

,,Gengur í austan hvassviðri um allt land með morgninum, jafnvel að það slái í storm undir Eyjafjöllum síðdegis, og því þörf á aðgæslu ef ferðast er þar um. Með þessu fylgir nokkur rigning, einkum SA-lands.

Þetta er því dæmigert haustveður, hvass vindur og rigning, en engar viðvaranir eru í gildi þegar þetta er ritað í morgunsárið. Með þessum skilum fylgir gusa af hlýju lofti og upp úr hádegi er útlit fyrir 8 til 13 stiga hita um landið S-vert.  Í kvöld dregur úr bæði vindi og úrkomu, en áfram verður hellirigning SA-til fram á nótt.

Á morgun er útlit fyrir mun hægari vind, úrkomulítið veður og líklega léttir til fyrir norðan. Það bætir síðan í vind og úrkomu A-lands annað kvöld.” Segir á veðurstofa Íslands. 

Veðurhorfur á landinu
Austan 13-20 m/s og rigning með morgninum, en slydda eða snjókoma til fjalla fram að hádegi. Lægir um allt land í kvöld og dregur víða úr úrkomu, en áfram rigning SA-til. Hiti 0 til 7 stig, en 8 til 13 stig S-lands eftir hádegi.
Austan 5-13 m/s á morgun, skýjað og úrkomulítið, en hægari vindur N-lands og léttir til. Norðaustlægari annað kvöld með rigningu um landið austanvert, 10-15 m/s með SA-ströndinni. Hiti 3 til 8 stig.
Spá gerð: 11.10.2018 05:01. Gildir til: 12.10.2018 00:00.

Veðurhorfur á landinu næstu daga
Á laugardag:
Norðvestan og vestan 5-10 m/s á N-verðu landinu með rigningu á köflum, en slyddu til fjalla. Suðvestlægari sunnantil, skýjað og víða þurrt. Hiti 1 til 7 stig, mildast SA-til.

Á sunnudag og mánudag:
Hæg suðlæg átt og skýjað með köflum, en stöku skúrir eða slydduél um sunnanvert landið. Hiti 0 til 7 stig, svalast i innsveitum.

Á þriðjudag:
Snýst í austan- og norðaustanátt með rigningu eða slyddu austast, annars þurrt. Hiti 0 til 5 stig að deginum, en sums staðar frost inn til landsins.

Á miðvikudag:
Útlit fyrir norðlæga átt og kólnandi veður með éljum, en úrkomulítið SV-til.
Spá gerð: 11.10.2018 08:03. Gildir til: 18.10.2018 12:00.

Braggamálið svokallaða verður alltaf meira tortryggilegt eftir því sem að kafað er dýpra. Vigdís Hauksdóttir sagði í gær að hún gæti ekki lengur treyst upplýsingum frá Ráðhúsinu, því að hún hefði fengið rangar upplýsingar um rúmlega hundrað milljóna króna reikning. Hún sagði jafnframt að það væri ekki eðlilegt að borgin rannsakaði sig sjálfa og að ekkert traust geti nú verið um slíka rannsókn þar sem að svo margir aðilar væru vanhæfir.

Vigdís sagði að bæði borgarlögmaður og innri endurskoðandi sem að m.a. sitja borgarráðsfundi, væru algerlega vanhæfir og að það væri slæmt að Dagur B. Eggertsson gæti ekki mætt í Kastljós og svarað fyrir málið sem framkvæmdastjóri í þessu braggamáli.

Borgarlögmaður hefur t.d. ekki veitt umbeðnar upplýsingar um málið síðan 2017 og að allt starfsfólk í ráðhúsinu sitji við sama borð þegar að kemur að þessu máli. Þess vegna væri það nauðsynlegt að fá óháðan rannsóknaraðila til þess að rannsaka allt málið og fjármál borgarinnar almennt.

Þórdís Lóa Þórhallsdóttir mætti fyrir hönd borgarinnar en þar sem að aðkoma hennar er lítil að málinu og það að Dagur B. Eggertsson mætt ekki í viðtalið, varð til þess að fátt var um svör af hálfu borgarinnar.

En Þórdís Lóa tók þó undir með Vigdísi að skoða þyrfti fjármál borgarinnar en varðist þó þeirri hugmynd að til þess væri fenginn óháður og hlutlaus aðili og lagði áherslu á að best væri að borgin rannsakaði sig sjálf með sinni eigin innri endurskoðun sem að Vigdís telur vanhæfa.

Fjáraustur hafi verið úr borgarsjóði og á vitorði allra sem að málinu koma en engin hafi gert nokkurn hlut til þess að stöðva bruðlið. Þá var einnig rætt að það væri lenska að allar kostnaðaráætlanir hjá ríki og borg stæðust ekkert og kostnaður gæti verið margfalt hærri með blessun pólitíkusa.

Nýjasta dæmið um bruðlið varðandi braggann í Nauthólsvík eru sérinnflutt strá frá Danmörku upp á tæpa milljón krónur auk væntanlegs kostnaðar við kaupin, sem að vaxa víða á Íslandi og hefðu ekki þurft að kosta krónu.

Vigdís Hauksdóttir sem að er mikil garðyrkjumanneskja, færði Einari Þorsteinssyni smekklegan vönd af hinum umdeildu stráum, sem að átti erfitt með að leyna brosi sínu yfir fáránleika málsins.

Helmingur þjóðarinnar les ferskar fréttir hjá fréttamiðlum á netinu – Athygli vekur að einungis 4% kváðust helst sækja fréttir í dagblöð

Hæstiréttur staðfestir ólögmæti innflutningstakmarkana á fersku kjöti

Hæstiréttur dæmdi í dag að íslenska ríkið hefði brotið gegn þjóðréttarlegum skuldbindingum sínum samkvæmt EES-samningnum með því að halda við lýði banni við innflutningi á fersku kjöti hingað til lands. Fyrirtækið Ferskar kjötvörur ehf. fór í mál við ríkið og krafðist skaðabóta þar sem fyrirtækinu var ekki heimilað að flytja hingað til lands lífrænt ferskt nautakjöt frá Hollandi á árinu 2014.

Hæstiréttur tók undir með málatilbúnaði fyrirtækisins um að sú synjun hefði farið gegn skuldbindingum íslenska ríkisins samkvæmt EES-samningnum sem leiddi til bótaskyldu ríkisins gagnvart fyrirtækinu. Námu bæturnar andvirði kjötsins og flutningskostnaði. Þá var ríkið dæmt til að greiða fyrirtækinu málskostnað á báðum dómstigum.

Niðurstaða dómsins er því í fullu samræmi við fyrri ábendingar SVÞ – Samtaka verslunar og þjónustu, en samtökin hafa háð áralanga baráttu fyrir afnámi þessara takmarkanna. Upphaf málsins má rekja til kvörtunar samtakanna til Eftirlitsstofnunar EFTA (ESA) frá árinu 2011 þar sem ESA, og síðar einnig EFTA-dómstóllinn og Héraðsdómur Reykjavíkur, komust að sömu niðurstöðu,að núgildandi innflutningstakmarkanir á fersku kjöti frá öðrum EES-ríkjum séu andstæðar EES-samningnum.

Ferskar kjötvörur ehf., aðildarfyrirtæki SVÞ, stefndi íslenska ríkinu og krafðist skaðabóta vegna tjóns sem það varð fyrir sökum synjunar á heimild til að flytja til landsins ferskar lífrænt ræktaðar nautalundir frá Hollandi. Krafðist fyrirtækið þess að aflað yrði ráðgefandi álits EFTA-dómstólsins til að fá úr því skorið hvort íslensk löggjöf væri í samræmi við EES-samninginn. Var fallist á þá beiðni og var niðurstaða dómstólsins að bannið samræmist á engan hátt skuldbindingum íslenska ríkisins samkvæmt EES-samningnum. Niðurstaða Héraðsdóms Reykjavíkur, í nóvember 2018, var á þá sömu. Þrátt fyrir skýra niðurstöðu dómsins var málinu áfrýjað til Hæstaréttar af hálfu íslenska ríkisins og kvað rétturinn upp dóm sinn fyrr í dag. Í dómi sínum fyrr í dag staðfesti Hæstiréttur dóm Héraðsdóms Reykjavíkur og vísaði til forsenda hans í niðurstöðu sinni.

SVÞ fagna niðurstöðu Hæstaréttar sem er lokaáfangi í baráttu samtakanna sem hófst með kvörtun SVÞ árið 2011. Að sama skapi gagnrýna SVÞ tregðu stjórnvalda að bregðast við rökstuddum og málefnalegum niðurstöðum dómstóla í málinu. Skora samtökin á stjórnvöld og Alþingi að taka á málinu í samræmi við þjóðréttarlegar skuldbindingar íslenska ríkisins. Er það krafa SVÞ að innflutningur á fersku kjöti, sem unnið er í samræmi við strangar samevrópskar kröfur og undir eftirliti annarra EES-ríkja, verði heimilaður hér á landi í samræmi við EES-löggjöfina.

Brottfarir erlendra farþega frá Íslandi um Keflavíkurflugvöll í september síðastliðnum voru tæplega 232 þúsund talsins samkvæmt talningum Ferðamálastofu og Isavia í Flugstöð Leifs Eiríkssonar eða um 28 þúsund fleiri en í september á síðasta ári.

Fjölgunin nam 13,6% á milli ára sem er álíka og í maí og mun meiri en mælst hefur aðra mánuði ársins.

Bandaríkjamenn voru fjölmennastir í september eða ríflega þriðjungur og fjölgaði þeim um 43,7% milli ára.

Af 32 þjóðernum sem talin eru sérstaklega var fjölgun frá 19 löndum. Að Bandaríkjamönnum frátöldum munar mest um Spánverja, Kínverja og Pólverja. Fækkun var frá nokkrum lykilmörkuðum á borð við Bretland, Þýskaland og Frakkland.

Frá áramótum hefur um 1,8 milljón erlendra farþega farið úr landi um Keflavíkurflugvöll sem er 5,5% fjölgun miðað við sama tímabil í fyrra.

Bandaríkjamenn ríflega þriðjungur

Á grafinu hér að ofan má sjá tíu fjölmennustu þjóðernin í september. Brottfarir Bandaríkjamanna voru 35,5% af heild en þeir voru 43,7% fleiri í ár en á síðasta ári.

Næstfjölmennastir voru Þjóðverjar eða 7,0% af heild í ár en þeir voru 7,5% færri en árið 2017. Þar á eftir komu Bretar eða 5,8% af heild en þeim fækkaði um 14,3% milli ára. Samanlagt voru 10 fjölmennustu þjóðernin 72,4% af heildarfjölda.

Samsetning farþega hefur breyst verulega síðustu ár, einkum vegna fjölgunar Bandaríkjamanna. Þannig hefur þeim fjölgað úr 15 þúsundi árið 2014 í um 82 þúsund í ár, sem er nærri sexföldun.

Dregið hefur úr fjölgun

Sé tímabilið frá áramótum skoðað (janúar-september) í samanburði við sama tímabil nokkur ár aftur í tímann má glögglega sjá að dregið hefur verulega úr þeirri fjölgun sem verið hefur síðustu ár. Á myndinni hér að ofan má sjá samanburð fjögur ár aftur í tímann, sem sýnir þetta vel. Frá áramótum hefur verið 5,5% fjölgun en á sama tíma fyrir ári var hún 28,1%. Næstu tvö tímabil þar á undan hafði fjölgun á milli ára verið á bilinu 28-34% milli ára.

17% fjölgun frá stærsta markaðssvæðinu

Sé breytingin skoðuð nánar eftir mörkuðum á tímabilinu janúar til september má sjá að dregið hefur úr fjölgun frá öllum mörkuðum í samanburði við fyrri ár. Norðurlandabúum fækkar um 9% frá því í fyrra, Bretum um 8% og Mið- og Suður-Evrópubúum um 5%. N-Ameríkönum fjölgar hins vegar um 17% frá því í fyrra og þjóðernum sem flokkast undir “annað” um 13% en þar undir eru meðal annars Austur-Evrópuþjóðir, Asíubúar, Ástralir og Nýsjálendingar. Nánari skiptingu þess hóps má sjá á skífuritinu hér neðar á síðunni.

Breytt samsetning

Þegar hlutfallsleg samsetning brottfara er skoðuð á tímabilinu janúar til september síðastliðin fimm ár má sjá að samsetningin hefur breyst nokkuð eins og sjá má af grafinu hér að ofan. Hlutdeild Norður-Ameríkana hefur aukist ár frá ári en hún mældist 35,5% árið 2018. Norðurlandabúar hafa verið í kringum 7-9% af heild síðastliðin tvö ár en hefur minnkað með árunum. Sama má segja um Breta og Mið- og Suður-Evrópubúa en hlutdeild þeirra hefur jafnframt minnkað með árunum. Hlutdeild þeirra sem falla undir ,,annað“ hefur hins vegar aukist með árunum.

Betri greining með fjölgun þjóðerna í talningu

Sá hópur sem hefur stækkað hvað mest samanstendur af ,,öðrum þjóðernum“ en þar á meðal eru Asíuþjóðir. Til að fá betri mynd af samsetningu farþega var þjóðernum í talningum fjölgað úr 17 í 32 í júní á síðasta ári, en þar var meðal annars bætt við Hong Kong-búum, Indverjum, Suður-Kóreumönnum, Singapúrbúum og Taívönum. Niðurstöður úr talningum sýna að 8% farþega það sem af er ári má rekja til Asíubúa og 6% til Austur-Evrópubúa.

Ferðir Íslendinga utan

Um 58 þúsund Íslendingar fóru utan í september í ár eða 1,1% fleiri en í september 2017. Samtals voru brottfarir Íslendinga á tímabilinu janúar til september um 503 þúsund talsins eða 8,8% fleiri en á sama tímabili árið 2017.

Leiðrétting vegna ferðamannatalningar í ágúst

Eins og áður var greint var frá kom í ljós villa í talningu ISAVIA á fjölda brottfara ferðamanna frá Keflavíkurflugvelli í ágúst sem Ferðamálastofa birti 7. september síðastliðinn. Nemur skekkjan um 15 þúsund erlendum brottfararfarþegum og skýrist af bilun í tölvubúnaði sem heldur utan um talningarnar.

Þannig voru brottfarir erlendra farþega frá Íslandi um Keflavíkurflugvöll í ágúst síðastliðnum um 291 þúsund talsins eða um sjö þúsund fleiri en í ágúst á síðasta ári.

Bandaríkjamenn voru langfjölmennastir í ágúst í ár og fjölgaði þeim verulega frá árinu áður eða um 30,6%. Fækkun var í brottförum Þjóðverja, Frakka, Breta og Kanadamanna, næstfjölmennustu þjóðernanna í ágúst en hún var á bilinu 10-22%.  Frétt um fjölda ferðamanna í ágúst hefur verið leiðrétt í samræmi við nýjar tölur. Sjá nánar

Öryrkjar sviknir um 24 milljarða króna

Guðmundur Ingi Kristinsson, þingmaður Flokks fólksins, sagði öryrkja svikna um 24 milljarða króna, vegna krónu-á-móti-krónu skerðinga, í umræðum um málefni öryrkja á Alþingi í dag.

Hann ræddi einnig um alvarlega stöðu hópsins, þar sem margir glíma við fátækt. Þetta ætti einkum við konur og fór svo hörðum orðum um hugmyndir stjórnvalda um starfsgetumat sem ætti neyða upp á fólk sem skiptimynt fyrir réttlæti.Ekkert í ísskápnum

„Það getur verið snúið fyrir fatlaðan einstakling að reyna að koma sér fram úr rúmi og fara fram í eldhús til þess að fá sér morgunmat. En til hvers að leggja það erfiði á sig ef ekkert er til í ísskápnum lengur?” sagði Guðmundur í upphafi ræðu sinnar en hann var málshefjandi í sérstakri umræðu um málefni öryrkja á Alþingi í dag.

Hann benti á að fátækt, svelti, væri ekki bara hjá öryrkjum heldur einnig mörgum eldri borgurum þessa lands, fólki sem ef til vill ætti rétt fyrir húsaleigu.

Brot á stjórnarskrá

„Þessi meðferð á veiku fólki er ekkert annað en klárt brot á stjórnarskrá. Það er stórfurðulegt að engin rauð ljós skuli blikka og ekkert skuli vera gert til þess að koma þessum málum í lag,” bætti Guðmundur við. Þetta væri brot á stjórnarskrá og staða mála væri þingmönnum og ráðherra til háborinnar skammar. „Þó að við þingmenn og ráðherrar höfum það gott þurfum við ekki að svelta aðra.”

Skerðingar bitna verst á konum

Guðmundur ræddi krónu-á-móti-krónu skerðingu, en Öryrkjabandalag Íslands hefur lengi barist gegn þeirri óréttlátu og ómannúðlegu skerðingu.

„Hvað þýðir króna á móti krónu skerðing? Það þýðir að ef þér eru réttar einhverjar bætur, laun, styrkir, með vinstri hendinni kemur sú hægri og rífur þær allar af þér og meira til. Það þýðir að ef þú átt eign einhvers staðar og færð smátekjur af henni þá eru þær teknar af þér. Hverjir lenda verst í þessu af öryrkjum? Jú, það eru konur. Það er með ólíkindum að þetta skuli vera svona enn í dag. Ég veit ekki hvort þetta er sýn þeirra sem þessi lög settu, en okkur ber að breyta þessu,” sagði Guðmundur.

Hann vísaði í lögfræðiálit sem stjórn ÖBÍ lét vinna og sagði það sýna svart á hvítu að þetta væri stjórnarskrárbrot. „Þetta er mismunun. Það dugir ekki fyrir velferðarráðherra eða nokkurn annan í þessari ríkisstjórn að segja að ekki sé um að ræða stjórnarskrárbrot vegna þess að það er búið að leiðrétta þetta hjá öldruðum.”

24 milljarðar teknir

Guðmundur fjallaði einnig um áhrifin af skerðingunni á öryrkja í heild:

„Síðan er annað í þessu dæmi. Það er verið að segja að leggja eigi fram 4 milljarða á næstu áramótum. Þvílíkt örlæti. Þeir gleyma að segja frá því að þeir eru búnir að taka, með því að svíkja öryrkja um krónu á móti krónu skerðingar, 24 milljarða. Þannig að þeir ætla að halda eftir 20 milljörðum og segja: Við látum ykkur fá 4 milljarða; rosalega góðir.”

Öryrkjar neyddir í starfsgetumat

Guðmundur Ingi gagnrýndi vinnbrögð stjórnvalda. Þessi skerðing hefði verið leiðrétt hjá eldri borgurum, en annað ætti við um öryrkja:

„Það er vonlaust að segja, þegar þetta var leiðrétt hjá eldri borgurum, eftir á að öryrkjar fái ekki þá leiðréttingu vegna þess að þeir hafi ekki viljað kyngja starfsgetumatinu, starfsgetumati sem rifist hefur verið um í á annan tug ára. Það gengur ekki upp að setja þetta í samhengi, starfsgetumat kemur krónu á móti krónu skerðingu ekki við og hefur aldrei gert. Það er strikað yfir stjórnarskrána og mannréttindi og mismunun með því einu að segja: Þið viljið ekki kyngja starfsgetumati sem okkur þóknast og þá fáið þið ekki leiðréttingu, þá brjótum við á ykkur, brjótum gegn stjórnarskrá og lögum,” sagði Guðmundur Ingi og var mikið niðri fyrir.

Hann spurði Ásmund Daða Einarsson, félags- og jafnréttismálaráðherra, hvort hann myndi sjá til þess að krónu-á-móti-krónu skerðingin yfðir afnumin um næstu áramót. Einnig hvort ráðherrann myndi sjá til þess að öryrkjar fái afturvirkar leiðréttingar á krónu á móti krónu skerðingu frá 1. janúar 2017? Svo spurði hann hvort ráðherrann teldi krónu-á-móti-krónu skerðingin væri brot á 65. gr. stjórnarskrárinnar sem bannar mismunun?

Krabbameinsfélagið hefur á undanförnum árum staðið á bak við sölu á bleiku slaufunni ofl. og í dag er bleiki dagurinn og í tilefni af því, deilir Fréttatíminn efni Krabbameinsfélagsins. En allir þekkja einhvern sem hefur fengið krabbamein og jafvel innan sinnar eigin fjölskyldu

Svona varð Bleika slaufan til

Stuðningur þinn er mikilvægur

Úlfar Eysteinsson matreiðslumeistari látinn, 71 árs að aldri.

Úlfar stofnaði veitingastaðinn Þrír frakkar við Baldursötu 1. mars 1989 og hefur hann verið rekinn af fjölskyldu Úlfars síðan þá.

Úlfar sérhæfði sig ávallt í fiskréttum og var fagmaður fram í fingurgóma en vinsældir veitingastaðarins undir stjórn Úlfars er heimsfræg enda sækja bæði innlendir sem erlendir viðskiptavinir staðinn margrómaða.

Við vottum aðstandendum Úlfars samúðar

Sigurður Páll Jónsson, fulltrúi Miðflokksins í Atvinnuveganefnd Alþingis hefur krafist fundar í Atvinnuveganefnd eins fljótt og verða vill

Ástæðan er sú fyrirætlan ráðherra að færa málaflokk matvæla og landbúnaðar undir skrifstofu alþjóðamála í atvinnuvegaráðuneytinu og þar með að veikja og draga úr vægi landbúnaðar í ráðuneytinu

Þá vekur nýfallinn dómur Hæstaréttar ýmsar spurningar.

Þar var komist að þeirri niðurstöðu að íslenska ríkið hafi ekki frjálsar hendur um setningu reglna um innflutning á hrárri kjötvöru, heldur sé bundið af ákvæðum í viðauka EES-samningsins.

Nauðsynlegt sé að fulltrúar bænda og ráðherra landbúnaðarmála upplýsi nefndina um stöðu mála.” Segir í fréttatilkynningu Miðflokksins.

Hæstiréttur staðfestir ólögmæti innflutningstakmarkana á fersku kjöti

Iceland með hæsta verðið en Bónus það lægsta

Iceland er dýrasta matvöruverslunin samkvæmt nýrri verðkönnun ASÍ sem framkvæmd var 10. október sl. en í 60% tilfella eða 53 af 89 var Iceland með hæsta verðið. Bónus var oftast með lægsta verðið eða í 54 tilfellum af 89 eða 61% tilfella.

Illa verðmerkt hjá Nettó

Lélegar verðmerkingar var víða að finna í verslun Nettó í könnuninni eða í 18% tilvika en slíkt kemur í veg fyrir að neytendur geti tekið upplýsta ákvörðun við innkaup.

Í þriðjungi tilfella var munurinn á hæsta og lægsta verði í könnuninni yfir 60%, í 16% tilfella yfir 90% verðmunur en í 53% tilfella var verðmunurinn yfir 40%. Mestur verðmunur var á hreinlætisvörum, grænmeti og ávöxtum og ýmis konar þurrvörum.

Iceland með hæsta verðið en Bónus það lægsta
Mikill verðmunur var á flestum þeim vörum sem kannaðar voru. Í 8 tilfellum af 89 var yfir 120% verðmunur og í 7 tilfellum yfir 90% verðmunur. Iceland er sem fyrr sú verslun sem oftast er með hæsta verðið eða í 60% tilfella en þar á eftir kemur Hagkaup með hæsta verðið í 21 tilfelli af 89 eða í 23% tilfella. Bónus var oftast með lægsta verðið eða í 53 af 89 tilfellum eða í 61% tilfella en Fjarðarkaup var næst oftast með lægsta verðið eða í 13 tilfellum.

Lélegar verðmerkingar grafa undan samkeppni
Athygli vekur hversu oft vantaði verðmerkingar í Nettó en samkvæmt lögum ber fyrirtækjum að verðmerkja allar vörur, annaðhvort á vörunni sjálfri eða með hillumerkingu eða skilti við vöruna. Verðmerkingar eru afar mikilvægar til að stuðla að heilbrigðum markaði en nauðsynlegt er að verðmerkja vörur svo að neytandi átti sig á samhenginu milli vöru og verðs. Lélegar verðmerkingar gera neytendum erfitt fyrir að taka upplýsta ákvörðun og grafa þannig undan samkeppni.

Mestur verðmunur á hreinlætisvörum og þurrvörum
Mesti verðmunurinn er á hreinlætisvörum en sem dæmi má nefna að 175% verðmunur var á dömubindum en lægst var stykkjaverðið á þeim í Costco á 12 kr. en hæst í Iceland á 34 kr stk. Þá var 118% verðmunur á hæsta og lægsta verði á 50 rykklútum frá Takk, dýrastir voru þeir í Kjörbúðinni Garði á 649 kr. en ódýrastir í Bónus á 298 kr.
235% verðmunur var á kílóverðinu á Neutral Storvask þvottaefni en hæst var það í Hagkaup, 1332 kr. en lægst í Bónus Árbæ, 398 kr. Mikill verðmunur var einnig á ýmsum þurrvörum en þar má nefna að 90% verðmun á kílóverði á Cheerios, lægst var það í Bónus, 864 kr. en hæst í Iceland, 1643 kr.

Verðkönnunin í heild sinni

Um könnunina
Í könnuninni var hilluverð á 89 vörum skráð niður en það er það verð sem neytandinn hefur upplýsingar um þegar hann ákveður hvort hann ætli að kaupa viðkomandi vöru. Ef afsláttur er tekinn fram á hillu er hann tekinn til greina. Könnunin var framkvæmd á sama tíma í öllum verslunum en þær eru: Bónus Árbæ, Nettó Búðakór, Krónan Lindum, Hagkaup Kringlunni, Iceland Vesturbergi, Fjarðarkaup, Costco og Kjörbúðin Garði. Í könnuninni er einungis gerður samanburður á verði en ekkert mat er lagt á gæði eða þjónustu viðkomandi verslana.

Stórglæsileg landbúnaðarsýning

Mikill fjölda gesta var við opnun landbúnaðarsýningarinnar „Íslensks landbúnaðar 2018“ sem að fram fer í Laugardalshöll um helgina og var formlega opnuð í dag. Sýningin er öll hin glæsilegasta og yfir 100 fyrirtæki sem að kynna vörur og þjónustu á sýningunni og margt athyglivert að sjá.

Ólafur M. Jóhannesson hjá Ritsýn ehf. er framkvæmdastjóri landbúnaðarsýningarinnar „Íslensks landbúnaðar 2018“ en hann hefur haldið fjölmargar sýningar í gegnum tíðina, meðal annars Sjávarútvegssýninguna 2016 og síðast Stóreldhúsið 2017 þar sem fagaðilar í veitingageiranum báru saman bækur sínar. Ólafur hefur metnaðarfullar áætlanir en hann hefur á síðustu mánuðum rætt við fjölda fyrirtækja og hagsmunaaðila innan landbúnaðarins.

Ólafur sagði við formlega opnun sýningarinnar í dag að hann hefði ekki órað fyrir því hve góð og mikil þáttaka myndi verða og jafnframt benti hann á að það væri ekki sjálfsagt að þjóðir gætu státað af þeim hreinleika og gæðum á matvælum eins og íslendingar geta gert með stolti.

Hér sést Birgir Þórarinsson, þingmaður Miðflokksins gæða sér á gröfnu geitarkjöti sem að bragðaðist mjög vel í kynningu hjá Matís sem er einn af fjölmörgum aðilum á sýningunni

„Sýningin verður að uppistöðu kynning á sölu- og þjónustuaðilum landbúnaðargeirans en líka blanda af fræðslu og fyrirlestrum um greinina,“ segir Ólafur sem er þessa dagana ásamt samstarfsfólki sínu að hefja sölu á sýningarplássi í Laugardalshöllinni, bæði inni og á útisvæði. Að sögn Ólafs eru viðtökurnar góðar og ekki við öðru að búast en að sýningin verði myndarleg.

Guðni Ágústsson flutti ræðu við opnunina og þakkaði öllum sem að sýniningunni komu og því mikla verki sem að búið væri að inna af hendi en þess má geta að Ólafur vann í 14 mánuði við að undirbúa sýninguna.

Guðni fór yfir stöðu landbúnaðarins, hreinleika við matvælaframleiðsluna og hversu mikilvægir bændur væru þjóðinni. Hann minntist einnig á landbúnaðarsýningar sem að hann sótti sem ungur maður og að lokum var hrópað fjórfalt húrra fyrir opnuninni og formaður bændasamtakanna setti svo sýninguna formlega.

„Markmið sýningarinnar er meðal annars að kynna fjölbreytni íslensks landbúnaðar og hreinleika matvælaframleiðslunnar. Að kynna fyrir bændum og öðrum gestum tæki og tól til landbúnaðar og hvers kyns rekstrarvörur og aðrar vörur sem til þarf,“ segir Ólafur í viðtali við Bændablaðið.

Margt var um manninn strax við opnun í dag í Laugardalshöll og opið verður alla helginaGunnar Bender hjá Sportveiðiblaðinu er með veiðikynningu og áskriftartilboð á Sportveiðiblaðinu

Lifandi tónlist og kór voru á meðal skemmtiatriða

G.Á Húsgögn voru á meðal sýnenda en á svæðinu er margt að sjá og bás við bás

,,Á árum áður voru haldnar glæsilegar landbúnaðarsýningar í Laugardalshöllinni. Fræg er sýningin frá 1968 sem var vel sótt af borgarbúum og bændum. Á næsta ári verða 50 ár frá þeirri sýningu. Mynd / Agnar Guðnason”

Þar sem umfjöllun í fjölmiðlum um „Braggann“ hefur að einhverju leiti beinst beint að mér og mínu fyrirtæki og ég jafnvel sakaður um þjófnað þá langar mig að koma á framfæri eftirfarandi upplýsingum:

• Það var leitað til mín vegna þessa verkefnis eftir að það hafði verið bent á mig. Ég sóttist ekki sjálfur í að fá þetta verk og hef engin tengsl við neinn stjórnmálaflokk né á vini innan stjórnsýslu Reykjavíkurborgar.

• Ég var aldrei beðinn um að gera fast verðtilboð í verkefnið. Engin útboðsgögn lágu fyrir og engar forsendur voru fyrir hendi til að geta gert tilboð enda var hönnun samhliða framgangi á verkinu.

• Ég var beðinn um að gefa tilboð á grunni tímakaups sem ég gerði. Það tilboð var samþykkt og fóru mín samskipti fram við verkefnastjóra verksins sem vann í umboði Reykjavíkurborgar. Engin yfirvinna hefur verið innheimt vegna verksins né sér verkfæragjald – það var hluti af tímakaupi.

• Verktími framkvæmda var frá október 2016 – júní 2018 eða 21 mánuður. Það var samt ekki unnið samfleytt þann tíma þar sem ég fór í annað verkefni í júlí og ágúst 2017. Í lok júní 2018 ákváðum við að fara í önnur verkefni þar sem ekki var búið að klára að hanna glugga í Náðhúsi og hvernig frágangur á þakkanti ætti að vera háttað. Ekki var hægt að halda framkvæmdum inni í Náðhúsi áfram fyrr en húsinu hefði verði lokað almennilega.

• Nákvæm skipting milli vinnu og efnis er:
o Vinna: 66.371.384 kr. með 24% VSK
o Efni: 39.148.059 kr. með 24% VSK
o Samtals 105.519.444 kr. með 24% VSK

• Kostnaður vegna vinnu er fyrir um 5 smiði að jafnaði – ég var með undirverktaka.

• Með öllum reikningum sem ég sendi Reykjavíkurborg fylgdu ítarlegar tímaskýrslur vegna vinnu ásamt AFRITI af öllum reikningum vegna efniskaupa sem ég svo innheimti til baka í reikningum til Reykjavíkurborgar. Borgin er því með ljósrit af reikningum vegna efniskaupa og getur séð nákvæma sundurliðun á efni ásamt við hvaða byrgja var verslað.

• Efniskaupin dreifast yfir tímabil verksins, okt 2016 – jún 2018, eftir framgangi þess. Ég sóttist ekki eftir að efniskaup færu í gegnum mitt fyrirtæki. Hæsti staki reikningurinn vegna efniskaupa sem fór í gegnum Smiðurinn þinn var 2.641.820 kr með 24% VSK en mest var þetta samtala minni reikninga. Efnisþörf lá ekki fyrir í byrjun verkefnis og tel ég því að erfitt hefði verið að bjóða þau út í einni heild.

• Það voru haldnir verkfundir einu sinni í viku með verkefnastjóra verksins, fulltrúa frá borginni og fulltrúa frá HR. Öllum hefði átt að vera ljóst staða verksins á hverjum tíma og ábyrgð fulltrúa Reykavíkurborgar að miðla þeim upplýsingum áfram innan stjórnsýslunnar.

• Engar ákvarðanir voru teknar nema í samráði við verkefnastjóra og fulltrúa Reykjavíkurborgar. Allar framkvæmdir og vinna af minni hálfu voru gerðar að þeirra beiðni.

• Framkvæmdirnar við Nauthólsveg 100 skiptast í 3 hús ásamt tengibyggingu, samtals um 450 fm. Ekki virðast allir átta sig á að um fleiri byggingar en Braggann sé að ræða né umfangi framkvæmdanna. Hér fyrir neðan er stiklað á stóru yfir þá verkþætti sem snúa að okkur smiðunum. Þetta er ekki tæmandi listi yfir framkvæmdirnar.

o Braggi:
 Bragginn var endurbyggður frá grunni ef frá er talinn einn endagafl. Steyptir voru sökklar, fyllt inn í sökkla, botnplata steypt ásamt hinum endagaflinum. Hiti settur í botnplötu, settir upp bogastálbitar, bragginn svo klæddur og einangraður. Settir í gluggar, kvistir, hurðir og annar frágangur sem fylgir nýbyggingu. Byggt var tæknirými við hliðina á Bragganum fyrir rafmangstöflur, vatnsinntak og loftræstingu.

o Tengibygging:
 Byggð frá grunni með sökklum, botnplötu, veggjum og þaki. Í tengibyggingu eru 5 salerni, tvær ræstikompur og starfsmannaaðstaða. Allt sem viðkemur tengibyggingunni er nýtt.

o Skemma:
 Skipt var um alla glugga í Skemmunni og söguð voru göt fyrir hurðum. Skipt var alveg um þak, yleiningar settar ásamt pappa og bárujárni. Skemman var einangruð og klædd að innan. Settar voru hljóðdempandi plötur í loftið. Byggt var útskot frá Skemmu frá grunni sem stendur til að nota sem símaherbergi í Frumkvöðlasetri. Byggt var fullbúið eldhús sem hluti af veitingarrekstri sem fer fram í Bragganum.

o Náðhús:
 Einn veggur steyptur upp á nýtt, settar stálsúlur utan á húsið til að bera upp þakið. Settir voru límtrésbitar í loftið, nýjar sperru og nýtt þak. Ekki var búið að hanna glugga sem eiga að koma efst í Náðhúsið né hvernig frágangur á þakkkanti á að vera. Húsinu var því lokað með krossviðsplötum tímabundið þar sem hvorki hönnun né teikningar lágu fyrir í júní 2018.

Ég vil einnig taka það fram að ég skil gagnrýni á verkefnið sem slíkt og það hefur sannarlega farið mikið fram úr upprunalegri áætlun. Hins vegar finnst mér að sú gagnrýni eigi að beinast að stjórnsýslunni og þeim sem tóku ákvarðanir, ekki verktökum sem voru að sinna vinnunni sinni og höfðu að öðru leiti ekkert um verkefnið að segja.

Mér finnst það leitt þegar fréttir eru settar upp með villandi hætti eða jafnvel rangar. Nafnið mitt hefur persónulega verið dregið fram og látið líta út eins og ég sé á einhvern hátt óheiðalegur og vil ég því segja þetta:

• Ásökunum um að ég hafi dregið verkefnið á langinn til að „hala inn sem mestu“ þar sem verkefnið var unnið í tímavinnu vísa ég alfarið á bug. Ég hafði engan hag af því, er með nóg af verkefnum og hef þurft að láta aðra kúnna bíða þar sem þetta verkefni hefur dregist á langinn.

• Haldið hefur verið fram að tímaskriftir í verkefninu hafa verið frjálslegar, ss. skráðir fleiri tímar en voru í raun unnir. Því neita ég alfarið! Hver einasti tími rukkaður var sannarlega unnin og vísa ég öllum ásökunum um annað á bug.

• Ég hef aldrei unnið fyrir Reykjavíkurborg áður og hef engan áhuga á að vinna fyrir Reykjavíkurborg aftur.

Með kveðju,
Sigfús Örn Sigurðsson
Smiðurinn þinn slf.

Helmingur þjóðarinnar les ferskar fréttir hjá fréttamiðlum á netinu – Athygli vekur að einungis 4% kváðust helst sækja fréttir í dagblöð

Nýtt Sportveiðiblað kynnt á landbúnaðarsýningunni

Nýtt tölublað Sportveiðiblaðsins er nýkomið úr prentvélunum og fer í dreifingu í vikunni.

Sportveiðiblaðið er með bás á landbúnaðarsýningunni sem að stenur nú um helgina og við ræddum við Gunnar Bender og konu hans Maríu Gunnarsdóttur sem að stóðu vaktina og ræddu við áhugasama veiðimenn og konur.

,,Það er búin að vera rosalega mikil traffík á sýningunni og bara alveg stappað í dag af fólki, við höfum fengið fjöldan allan af gestum á bás okkar og bjóðum alla velkomna til okkar á básinn okkar sem er númer A9.

Við erum að kynna nýútkomið Sportveiðiblað og fleira. Fólk hefur verið að koma í áskrift hjá okkur hér á sýningunni en við erum að gefa út þrjú til fjögur Sportveiðiblöð á ári og höfum tryggan hóp áskrifenda. Hægt er að óska eftir áskrift af Sportveiðiblaðinu HÉR

Viðar Egilsson fluguhnýtari situr og hnýtir alla helgina á básnum hjá okkur og hefur það vakið mikla lukku og athygli og veiðimenn hafa komið og gefið sig á tal við hann og horft á hann hnýta flugur.,, Sagði Gunnar Bender.

,,Nýja blaðið er stútfullt af skemmtilegu efni. Þar ber hæst viðtal við Ingu Lind Karlsdóttur fjölmiðlakonu, Ragnar Hólm Ragnarsson veiðilistamanns, Pál í Veiðisafninu á Stokkseyri, Halldór Gunnarsson sem veiddi 400 punda Blue Merlin í Mexíkó og Kalla Lú á Langárbökkum.

Einnig er kíkt á 40 ára afmælishátíð Skotvís og lesnar eru veiðisögur úr Straumfjarðará. Ef þú ert ekki þegar áskrifandi – geturðu skráði þig í snatri á heimasíðu okkar og fengið nýjasta tölublaðið sent heim!

Hér er Inga Lind Karlsdóttir með fyrsta eintakið af nýjasta tölublaði Sportveiðiblaðsins. Dreifing er komin á fullt og því stutt í að áskrifendur fái blaðið inn um lúguna hjá sér.

Opnaði áfengisflösku í ÁTVR og drakk á staðnum og annar á gangi reykjandi jónu

Í hádeginu í dag var lögreglu tilkynnt um karlmann í annarlegu ástandi sökum ölvunar sem hafði komið inn í áfengisverslun í miðborginni og opnaði þar áfengisflösku og drakk úr henni án þess að greiða fyrir.

Var karlmaðurinn handtekinn enda var ekki hægt að ræða við hann sökum ástands.

Var hann vistaður í fangaklefa og verður rætt við hann þegar að hann verður kominn í eðlilegt ástand aftur.

Þá hafði lögreglan afskipti af karlmanni sem var á rölti inn í hverfi í Hafnarfirði reykjandi meinta kannabisjónu. Auk þess fannst á honum önnur meint jóna og verður hann kærður fyrir vörslu og meðferð ávana- og fíkniefna.

Laust fyrir hádegi var tilkynnt um að farið hafi verið inn í ólæsta bifreið í miðborginni og eitthvað af verðmætum stolið úr henni og stuttu síðar var tilkynnt um þjófnað á bifreið í hverfi 104.

Kl. 11:49 var óskað eftir aðstoð lögreglu og sjúkraliðs í Kópavogi, vegna karlmanns sem hafði fallið af hesti í hverfi 201 í Kópavogi og var karlmaðurinn fluttur á slysadeild til skoðunar og aðhlynningar.

Um klukkan þrjú í dag var svo kvenmaður handtekin vegna gruns um akstur undir áhrifum ávana- og fíkniefna. Var hún að auki ökuréttindalaus þar sem hún hafði verið svipt þeim fyrir nokkru. Fékk hún svo að fara frjáls ferða sinna að lokinni skýrslu- og blóðsýnatöku.