Félag íslenskra bifreiðaeigenda, FÍB,  sendi bréf út til allra íslensku olíufélaganna í febrúar sl. þar sem óskað var eftir tilboðum um sérkjör af eldsneyti og rekstrarvörum bifreiða. Þetta erindi var í samræmivið fyrri umleitanir FÍB um bætt kjör fyrir félagsmenn.

Tilboð bárust frá öllum olíufélögunum og tók stjórn FÍB afstöðu til þeirra tilboða sem bárust. Niðurstöður urðu þær að ákveðið var að ganga til samstarfs við Atlantsolíu en fyrri samningur var einnig við sama olíufélag.

Nýr samningur FÍB og AO tryggir félagsmönnum betri eldsneytiskjör en áður. Hæsti afsláttur verður 15 krónur á lítra á valinni stöð, ef keyptir eru 150 lítrar eða meira í mánuði. Þeir sem kaupa undir 150 lítum á mánuði fá 13 krónu afslátt á lítra á valinni stöð. Félagsmenn sækja um lykil á www.fib.is.  FÍB/AO lykilinn er síðan sendur í pósti til félagsmanns. Dælulykillinn er ókeypis.

Bensínstöðvar Atlantsolíu eru eftirtaldar: Akureyri við Glerártorg og við Baldursnes hjá BYKO. Borgarnesi. Hafnarfjörður við Hafnarfjarðarhöfn og við Kaplakrika. Hveragerði. Kópavogur við Búðakór, við Kópavogsbraut og BYKO Breiddinni. Mosfellsbær. Reykjanesbær. Njarðvík. Reykjavík við Bíldshöfða, í Skeifunni, við Skúlagötu, við Sprengisand og í Öskjuhlíð. Selfossi. Stykkishólmi og Egilsstöðum við Fagradalsbraut 1.