Ljósmæður kolfelldu kjarasamning við ríkið með 70% atkvæða
Ljósmæður kolfelldu kjarasamning við ríkið. Hátt í 70% greiddu atkvæði á móti samningnum. Formaður samninganefndar ljósmæðra segir að nefndin hafi strax fundið fyrir ónánægju félagsmanna með samninginn sem skrifað var undir 29. maí, þá höfðu samningar verið lausir í níu mánuði.
Skv. frétt sem kemur fram á RÚV í dagm þá var atkvæðagreiðslu um samninginn lokið á miðnætti í gær en hafði þá staðið í eina viku. Kjörsóknin var 87% og 70% þeirra greiddu atkvæði á móti. 3,3% skiluðu auðu.
Ljósmæður hafa verið samningslausar í níu mánuði. Á þriðja tug ljósmæðra sögðu upp í kjölfar launadeilunnar. Engin hefur dregið uppsögnina til baka og ekki er ólíklegt að fleiri segi upp í kjölfar þess að samningurinn var felldur. Að óbreyttu taka uppsagnir 19 þeirra gildi fyrsta júlí og hinna fyrsta ágúst.
Tengdar fréttir :
Þingmenn fá 45% hækkun – Vinstri stjórnin lýsir yfir ómöguleika á launahækkun ljósmæðra
Ómöguleiki að hækka laun ljósmæðra – Myndi setja fordæmi í kjaraviðræðum