Líkamsárás í Garðabæ – lögregla leitar vitna
Lögreglan á höfuðborgarsvæðinu hefur enn til rannsóknar árás á stúlku í Garðabæ fimmtudaginn 23. ágúst sl.
Nokkrar ábendingar hafa þegar borist vegna málsins en lögregla óskar nú sérstaklega eftir að ná tali af manni sem var á gangi með ljósan hund og konu sem var að skokka í bleikri peysu á göngustígnum neðan við og meðfram Gullakri og Góðakri í Garðabæ milli klukkan 14.10 og 14.30 sl. fimmtudag.
Þessir einstaklingar og aðrir sem telja sig geta veitt upplýsingar um málið eru beðnir um að hafa samband í síma 444-1000, senda póst á abending@lrh.is eða senda einkaskilaboð á fésbókarsíðu lögreglunnar.
Image may be NSFW.
Clik here to view.
Árásin átti sér stað á svæðinu við Arnarnesmýri, nánar tiltekið á göngustígum neðan við og meðfram Gullakri og Góðakri í Garðabæ.
Þeir sem að voru á ferli á svæðinu á milli klukkan 14 og 15 og kunna að hafa orðið vitni að árásinni, eða geta veitt upplýsingar um málið, eru vinsamlegast beðnir um að hafa samband við lögregluna.
