Quantcast
Channel: Fréttatíminn
Viewing all articles
Browse latest Browse all 7652

Hvers vegna þessi blinda trú á “sérfræðinga”?

$
0
0

Hvers vegna þessi blinda trú á “sérfræðinga”?

Í Silfri RÚV í gærmorgun urðu nokkrar umræður um orkupakka 3. Athyglisvert var að hlusta á tal og vísun sumra þingmanna í álit og mat “sérfræðinga”.

Fengum við ekki athyglisverða reynslu af álitsgerðum sérfræðinga fyrir hrun um stöðu íslenzku bankanna?

Það er staðreynd að það komu a.m.k. tvær álitsgerðir sem íslenzkir sérfræðingar áttu aðild að um stöðu bankanna síðustu misserin fyrir hrun, þar sem þeir voru taldir trausts verðir.

Það er líka staðreynd að í einhverjum slíkum tilvikum var kostnaður við þessar álitsgerðir greiddur af bönkunum sjálfum eða samtökum, sem störfuðu á þeirra vegum.

Þetta var ekki einsdæmi hér heldur alþekkt víða á Vesturlöndum og gert að umtalsefni eftir að fjármálakreppan var skollin á. Og þar kom einnig til umræðu hvernig nöfn þekktra háskóla voru notuð til að gefa slíkum skýrslum gæðastimpla.

Nú er vísað í álitsgerðir sérfræðinga varðandi þriðja orkupakkann. Í einhverjum tilvikum er þar um að ræða fólk, sem á einhvern bakgrunn í störfum fyrir ESB eða tengda aðila.

Hvers vegna þurfa þingmenn að gera álit sérfræðinga að sínum skoðunum?

Geta þeir ekki lagt sjálfstætt mat á þá texta sem fyrir liggja? Eru þeir ekki kosnir til þess?

Það fyrsta sem ber að gera, þegar “sérfræðingar” tjá sig um slík mál er að kanna tengsl þeirra nú eða fyrr við ESB. Þá fyrst er hægt að leggja mat á það, hvort það er ástæða til að taka mark á því, sem þeir segja.” Segir Styrmir Gunnarsson, f.v. Ritstjóri Morgunblaðsins.


Viewing all articles
Browse latest Browse all 7652