Vestan hvassviðri eða stormur á Höfuðborgarsvæðinu, Faxaflóa og Suðurlandi
Vestan 15-23 m/s, hvassast við ströndina. Varasamt fyrir ökutæki sem taka á sig mikinn vind. Fólk hugi að lausamunum. Hvassviðri eða stormur á Höfuðborgarsvæðinu, Faxaflóa og á vestanverðu Suðurlandi
Við Húnaflóa er 995 mb lægð sem hreyfist lítið, en við SA-ströndin liggur önnur 994 mb lægð á leið austur. Á milli Færeyja og Noregs er 1017 mb hæðarhryggur á austurleið.
Í dag hafa gengið skil yfir landið. Suðaustan allhvass eða hvass vindur og rigning víða og sums staðar slydda í fyrstu, en lægði og stytti upp víðast hvar er leið á daginn. Vaxandi vestlæg átt undir kvöld um landið vestanvert og bætti í úrkomu. Mest mældist 33.6 mm úrkoma á Ölkelduháls og hæst fór hitinn í 11.1 stig á Sámsstöðum. Annars var hitinn yfirleitt 1 til 8 stig.
Veðurhorfur á landinu
Gengur í vestan 15-23 suðvestan- og sunnanlands í kvöld og vætusamt, en mun hægari vindur í öðrum landshlutum og þurrt að kalla á Norðurlandi.
Vestlæg eða breytileg átt 5-13 á morgun. Sums staðar slydda eða rigning með köflum á norðanverðu landinu, en þurrt að kalla sunnantil. Hiti 1 til 8 stig.
Veðurhorfur á landinu næstu daga
Á miðvikudag:
Gengur í austan og norðaustan 13-20 með rigningu eða slyddu, fyrst sunnanlands. Hiti 1 til 8 stig, mildast syðst.
Á fimmtudag:
Snýst í hvassa norðanátt með slyddu eða snjókomu á norðanverðu landinu, rigningu með austurströndinni, en yfirleitt þurrt sunnanlands. Hiti frá frostmarki í innsveitum fyrir norðan, upp í 7 stig syðst. Hægari og úrkomuminna um kvöldið.
Á föstudag:
Hæg vestlæg eða breytileg átt og víða bjart veður, en él á stöku stað við ströndina. Kalt í veðri.
Á laugardag:
Gengur í hvassa suðaustanátt með rigningu eða slyddu, einkum sunnan- og vestanlands. Hlýnar í veðri.
Á sunnudag:
Útlit fyrir suðlæga átt með skúrum eða éljum, en léttir víða til á Norður- og Austurlandi.
Spá gerð: 01.10.2018 08:23. Gildir til: 08.10.2018 12:00
