Karlmaður braut gegn barni í Austurbæjarskóla í Reykjavík á miðjum skóladegi fyrr í þessum mánuði. Maðurinn laumaði sér inn í skólann og lokkaði þar stúlku í fimmta bekk með sér upp á loft skólans. Þar þuklaði hann á telpunni og hafði í frammi kynferðislega tilburði, þar til henni tókst að hlaupa á brott og láta kennara vita. Greint er frá þessu í Morgunblaðinu, þar sem fram kemur að rannsókn málsins sé langt komin.
Fram kemur að móðir stúlkunnar segir að eina hugsunin sem hafi komist að hjá dóttur hennar á meðan á þessu stóð hafi verið ,,ekki frjósa.“ Starfsfólk skólans fann manninn fljótlega en honum hafði áður tekist að flýja af vettvangi og voru kennsl borin á hann og hann handtekinn nokkru síðar.
Rannsókn málsins er á lokastigi og búið er að taka skýrslu af öllum sem komu að málinu.
The post Karlmaður laumaði sér í skóla og braut gegn telpu appeared first on Fréttatíminn.