Heiðveig María Einarsdóttir er sjómaður og lögfræðingur og hefur ákveðið að fara gegn sitjandi formanni – Skilaði m.a. persónulega mótmælum vegna Veiðigjaldafrumvarps Ríkisstjórnarinnar. – ,,Frumvarpið er illa unnið og langt í frá boðlegt”
Hallarbylting í Sjómannafélagi Íslands – Kona fer fram á móti sitjandi formanni
Náttúrufræðistofnun Íslands hefur metið veiðiþol rjúpnastofnsins 2018. Niðurstöðurnar voru kynntar umhverfis- og auðlindaráðherra í bréfi þann 13. september sl. Ráðlögð rjúpnaveiði í haust er um 67 þúsund fuglar, en hún var á síðasta ári 57 þúsund fuglar. Stofnunin leggur áherslu á að hvergi verði slakað á í þeirri viðleitni að draga sem mest úr heildarafföllum rjúpunnar.
Viðkoma rjúpunnar var metin með talningum í tveimur landshlutum síðsumars. Hlutfall unga á Norðausturlandi reyndist vera 77%, sem er ágæt viðkoma og svipuð og í fyrra. Á Suðvesturlandi var viðkoman hins vegar ein sú lélegasta sem hefur mælst hér á landi en þar var ungahlutfall 68%. Líklegasta skýringin er að mikil úrkoma fyrri hluta sumars hafi grandað ungum langt umfram það sem venjulegt er. Útreikningar á afföllum fullorðinna fugla 2017–2018 sýna að þau voru þau lægstu sem mælst hafa í viðkomandi landshlutum frá upphafi, 23% á Norðausturlandi og 12% á Suðvesturlandi.
Niðurstöður rjúpnatalninga vorið 2018 gefa nokkuð eindregnar niðurstöður en víðast hvar fjölgaði rjúpum 2017 til 2018.
Reiknuð heildarstærð varpstofns rjúpu vorið 2018 var metin 293 þúsund fuglar, en var 173 þúsund fuglar 2017. Framreiknuð stærð veiðistofns 2018 er 758 þúsund fuglar miðað við 649 þúsund fugla 2017.
Í ljósi þess að stofnstærð er nær örugglega ofmetin í þessum útreikningum, jafnframt að viðkoma rjúpunnar hefur að öllum líkindum verið léleg bæði vestan lands og sunnan, þá er það skoðun Náttúrufræðistofnunar Íslands að varúðarreglan skuli gilda og miða reiknaða stofnstærð við viðkomuna líkt og hún mældist á Suðvesturlandi (hlutfall unga 68%) frekar en á Norðausturlandi (hlutfall unga 77%).
Útreikningar Náttúrufræðistofnunar á ráðlagðri veiði upp á 67 þúsund fugla miðast við að áhrif veiða séu ekki önnur en þau að veiðiafföll bætast að fullu við náttúruleg afföll.
Umhverfis- og auðlindaráðherra ákvað haustið 2013 að rjúpnaveiðitíminn yrði 12 dagar á ári fyrir tímabilið 2013–2015, þetta var síðan framlengt 2016. Náttúrufræðistofnun leggur til að þetta verði með óbreyttum hætti á þessu ári.
Bréf til umhverfis- og auðlindaráðherra, ásamt greinargerð um veiðiþol rjúpnastofnsins 2018 (pdf, 3,3 MB)
Svandís Svavarsdóttir heilbrigðisráðherra hefur veitt Hafnarfjarðarbæ heimild sem gerir kleift að fjölga hjúkrunarrýmum í bæjarfélaginu um 33 innan tveggja ára. Hjúkrunarrými á Sólvangi í Hafnarfirði verða þar með 93. Ráðherra kynnti Rósu Guðbjartsdóttur bæjarstjóra ákvörðun sína í Hafnarfirði. Ákvörðunin er liður í stórátaki stjórnvalda um uppbyggingu hjúkrunarrýma sem heilbrigðisráðherra kynnti fyrr á þessu ári með framkvæmdaáætlun til ársins 2023.
,,Áætlað er að nýtt 60 rýma hjúkrunarheimili sem verið er að byggja við Sólvang í Hafnarfirði verði tekið í notkun um næstu áramót. Forsvarsmenn Hafnarfjarðarbæjar leituðu til velferðarráðuneytisins fyrr á þessu ári og lýstu áhuga á því að nýta húsnæði gamla hjúkrunarheimilisins undir fjölgun hjúkrunarrýma. Þörf fyrir fleiri rými væri brýn, fjölgunin myndi styrkja rekstrarhagkvæmni hjúkrunarheimilis við Sólvang og þótt gera þyrfti endurbætur á gamla húsnæðinu myndi það útheimta mun minna fjármagn en ef um nýbyggingu væri að ræða. Svandís Svavarsdóttir heilbrigðisráðherra hefur sem fyrr segir fallist á tillögu Hafnfirðinga og tryggt aukið fjármagn til rekstursins sem nemur fjölguninni. Hún segist afar ánægð með frumkvæði Hafnfirðinga í þessu máli: „Þeir komu til mín með vel mótaða hugmynd sem unnt er að framkvæma hratt, hún er hagkvæm, hún er mikilvæg og þörf og hún fellur vel að áætlun stjórnvalda um átak í þessum efnum“ segir ráðherra.
Uppbygging sem hefur margvísleg áhrif til góðs
Svandís segir þá sókn sem hafin er til uppbyggingar hjúkrunarrýma á landsvísu hafa í för með sér margvísleg áhrif til góðs. „Eins og ég sagði þegar ég kynnti áætlun um fjölgun hjúkrunarrýma á góðum fundi um öldrunarþjónustuna sem haldinn var í Höfða síðastliðið vor, þá hefur þetta í fyrsta lagi áhrif á lífsgæði aldraðra sem eru á biðlistum eftir slíkum rýmum, oft við erfiðar og ófullnægjandi aðstæður. Þetta styrkir stöðu Landspítalans til að sinna sérhæfðri heilbrigðisþjónustu þar sem útskriftir sjúklinga ganga greiðar fyrir sig og aukið svigrúm skapast hjá heilsugæslu og sveitarfélögum til að sinna betur þjónustu við aldraða sem sannarlega geta verið heima með góðum stuðningi“ segir Svandís.
„Þessi ákvörðun er gríðarlega mikilvæg og jákvæð fyrir okkur hér í Hafnarfirði. Hér er brýnt hagsmunamál, sem við höfum talað fyrir um nokkurt skeið, að verða að veruleika sem og sú framtíðarsýn okkar að Sólvangur verði öflug öldrunarmiðstöð. Við erum þakklát fyrir þessa heimild ráðuneytisins og munum halda áfram að efla og styrkja þjónustu við aldraða hér í bæ“ sagði Rósa Guðbjartsdóttir bæjarstjóri í Hafnarfirði í dag þegar heilbrigðisráðherra kynnti ákvörðun sína í nýbyggingunni við Sólvang í dag.
Hafnarfjarðarbær er skráður eigandi gamla Sólvangshússins og hefur bæjarfélagið sótt um fjármagn til nauðsynlegra endurbóta á því svo unnt sé að reka þau 33 hjúkrunarrými sem um ræðir. Kostnaðaráætlun vegna framkvæmdanna hljóðar upp á tæpar 600 milljónir króna. Fallist Framkvæmdasjóður aldraðra á umsókn bæjarfélagsins gæti framlag úr sjóðnum numið allt að 40% kostnaðarins. Stefnt er að því að hefja endurbætur á húsnæðinu strax og nýja hjúkrunarheimilið verður tekið í notkun um næstu áramót.” Segir í kynningu á málinu hjá Hafnarfjarðabæ.
Landsstjórn og þingflokkur Framsóknarflokksins funduðu á Hellu um helgina. Fundurinn er liður í flokksstarfinu og hluti undirbúnings fyrir fyrirhugaðan miðstjórnarfund í nóvember.
Farið var yfir áherslumál þingflokks og landsstjórnar. Áherslan verður á húsnæðismálin, kjaramálin, málefni barna, menntamál og fjölskyldna. Mótun stefnu í málefnum aldraðra er í farvatninu, vinna skal áfram að bættum kjörum öryrkja og leggja áherslu á forvarnir í öllum aldurshópum
Fundurinn lagði áherslu á að innleiða svissnesku leiðina og að afnema verðtryggingu.
Byggðamál eru í brennidepli og mikilvægi íslensks landbúnaðar, matvælaöryggi er þjóðinni dýrmætt og ljóst að dómur hæstaréttar kallar á viðbrögð við innflutningi á hráu kjöti. Íslensk stjórnvöld þurfa að taka upp viðræður við Evrópusambandið um matvælalöggjöf.
Eigendastefna opinberra fyrirtækja þarf að vera gagnsæ og þjóna þörfum landsmanna betur.
Fundurinn lagði ríka áherslu á mikilvægi samgangna, þær eru grunnur að velferð þjóðarinnar og framþróunar atvinnulífs. Nú hefur verið lögð fram fjármögnuð samgönguáætlun, með stefnumótun til framtíðar, sem nauðsynlegt er að fylgja eftir svo árangur náist.
Fréttatíminn fjallaði um umræður um verðtrygginguna á Alþingi á dögunum:
,,Þann 12. September sl. boðaði Náttúrufræðistofnun Íslands til samráðsfundar þar sem farið var yfir ástand rjúpnastofnsins og metin áhrif veiðistjórnunar.
Þar kom fram að sjaldan hefur veiðistofn rjúpu verið stærri frá upphafi talninga og mat kynnti NÍ ráðleggingar sínar um að veiða 89.000 rjúpur. Í rökstuðningi NÍ kom fram að ljóst væri eftir að sölubann var sett á rjúpu, að fjöldi veiðidaga skipti ekki lengur máli. Sóknin væri sú sama.
Veiðimenn sýndu ábyrgð og stunduðu hóflegar veiðar. Góður samhljómur var á fundinum og engin ágreiningur.
13. september, tæpum sólarhring eftir samráðsfundinn, sendir NÍ svo umhverfisráðherra tillögur sínar og er þá skyndilega komin á þá skoðun að beita skuli varúðarreglu og að veiðiþol rjúpnastofnisn sé nú 67.000 fuglar.
Dægursveifla ráðgjafar NÍ er því 22.000 fuglar. Og þrátt fyrir að í greinargerð með ráðgjöf sinni komi skýrt fram að fjöldi veiðidaga hafi engin áhrif á veiðar vill NÍ samt sem áður EKKI leggja til fjölgun veiðidaga.
Athygli vekur að stofnunin kýs nú að nota ekki gögn um viðkomu rjúpnastofnsins á NA-landi, eins og ætíð, enda gagnasafnið þar miklu stærra og þar af leiðandi áreiðanlegra. Í stað þess ákveður NÍ að breyta til og nota viðkomu frá suðvesturlandi til að reikna út veiðiþolið.
Rökstuðningur NÍ er að sökum slæmrar tíðar á SV-landi í sumar sé rétt að beita varúðarreglu. Að mati SKOTVÍS er hér um hentistefnu en ekki vísindalega veiðistjórnun að ræða. Að beita varúðarreglu þegar ljóst er að veiðstofn rúpu hefur sjaldan verið stærri frá því að markvissar talningar hófust, getur ekki verið trúverðugt.
Er réttlætanlegt að beita “varúðarreglu” þegar stofninn er í hámarki og rjúpu fjölgar um allt land? Að mati SKOTVÍS þá er verið að gengisfella varúðaregluna með slíkri hentistefnu.
SKOTVÍS furðar sig á þessari breytingu á aðferðafræði frá fyrri útreikningum varðandi veiðiþolið. Hvað breytist á einum sólarhring? Hvaða nýju gögn komu fram sem ekki voru kynnt á fundinum?
SKOTVÍS hreinlega skilur ekki ráðgjöf NÍ sem lítur framhjá eigin niðurstöðum hvað varðar fjölda veiðdaga.
SKOTVÍS hefur annan skilning á eðli samráðsfunda, þeir eiga að vera vettvangur sátta, upplýsinga og samráðs. NÍ hefur algerlega brugðist trausti skotveiðimanna með þessari framkomu og verður erfitt að vinna það upp aftur.
SKOTVÍS telur talsvert rúm vera fyrir fjölgun veiðidaga en sættir sig við fjölgun á 12 dögum í 18 á þessu hausti. Veiðidagar á rjúpu voru 68 fyrir 2003.
SKOTVÍS minnir á að félagið talaði mjög fyrir núverandi veiðikortakerfi, byrjaði fræðslu fyrir veiðimenn, hefur ávalt haft siðareglur sínar til grundvallar allri veiði og hvatt til hófsamra veiða.
SKOTVÍS studdi einnig sölubann á rjúpu dyggilega enda langstærsti þátturinn í núverandi veiðistjórnun á rjúpu.
Þrátt fyrir þessa annmarka á ráðgjöf NÍ hvetur SKOTVÍS veiðimenn til að veiða hóflega nú í haust, ganga vel um veiðislóð, hirða upp notuð skothylki, bæði sín og annara.
Góður skotveiðimaður kynnir sér lög og reglur og siðareglur SKOTVÍS áður en haldið er til veiða, kemur vel fram og er veiðimönnum til sóma.
SKOTVÍS skorar á ráðherra og stjórnvöld að hefja sem fyrst vinnu við stjórnunar-og verndaráætlanir fyrir veiðistofna og sérstaklega rjúpuna.”
Landhelgisgæslan sendi varðskipið Þór og þyrlu til aðstoðar lögreglunni á Vestfjörðum til að hafa uppi á áhöfn skútu sem lagði úr höfn á Ísafirði í nótt. Ekki liggur ljóst fyrir hver ástæða eftirfararinnar er en heimildir eru fyrir því að þyrla Landhelgisgæslunnar hafi nú þegar fundið skútuna í Faxaflóa og talið er að henni hafi verið stolið.
Skútunni verður væntanlega snúið til hafnar, en ljóst er að mikill viðbúnaðu er þegar að bæði þyrla og skip landhelgisgæslunnar eru send í slíka eftirför. Lögreglan og landhelgisgæslan hafa ekki viljað tjá sig meira um málið að svo stöddu
Landhelgisgæslan sendi varðskipið Þór og þyrlu til aðstoðar lögreglunni á Vestfjörðum til að hafa uppi á áhöfn skútu sem ber nafnið Inook og lagði úr höfn á Ísafirði í nótt. Heimildir herma að þyrla Landhelgisgæslunnar hafi nú þegar fundið skútuna og að hún eigi að koma til hafnar á Rifi á Snæfellsnesi og talið er að henni hafi verið stolið.
Alla vega er ljóst að þeir sem að sigla skútunni nú, hafa viljað fela slóð sína, þar sem að skútan er enn skráð í höfn í Ísafirði og hefur verið skráð þar síðan í sumar. Líklegast hafa þeir sem að nú sigla skútunni slökkt á staðsetningarbúnaði hennar til þess að komast óséðir þangað sem ferð þeirra var heitið. En við bíðum frekari upplýsinga.
Lof mér að lifa er íslensk heimildarmynd í tveimur hlutum þar sem kafað er ofan í sögurnar og atburðina á bak við kvikmyndina Lof mér að falla. Í heimildarmyndinni sem að sýnd var í kvöld á RÚV, kemur fram að neysla fíknefna er orðin miklu harðari en áður og fjallað er um málefni tengd fíkniefnum á Íslandi í dag.
Þá kemur fram að ungir krakkar byrja oftast í að reykja gras en eru svo farin að sprauta sig fljótlega og jafnframt er bent á fjölda dauðsfalla ungmenna vegna ofskömtunnar. Rætt er við konur sem að myndin Lof mér að falla er byggð á og m.a. sýnd staða þeirra í dag og sýnt þegar að þær blanda fíkniefnaskömmtum og sprauta sig í æð.
Þá kemur ein stúlka fram og segir að kostnaðurinn við fikniefnaneysluna séu 20-25.000 krónur á dag og að hún fjármagni neysluna sína með vændi.
Áberandi er hve mikið er talað um að mikið magn sé af læknadópi sem er lyfseðilsskilt eins og t.d. Rítalín, róandi töflur og fleiri þekkt lyf sem eru á markaði á götum borgarinnar.
Í heimildarmyndinni er fylgst með fólki í hörðum heimi fíknar sem tengist kvikmyndinni Lof mér að falla, sterkum böndum. Leikstjórn er í höndum Sævars Guðmundssonar og umsjón í höndum Jóhannesar Kr. Kristjánssonar. Framleiðendur heimildarmyndarinnar eru þeir Jóhannes Kr. Kristjánsson, Sævar Guðmundsson, Júlíus Kemp og Ingvar Þórðarsson. Í kynningu myndarinnar er varað við því að atriði í myndinni geta vakið óhug.
Tengt efni:
Jack Hrafnkell Daníelsson heldur úti vefsíðunni Skandall.is – Sannleikurinn er sagna bestur. Og þar eru ansi hressandi pistlar sem að vekja mann ágætlega á mánudagsmorgni, því að þar er töluð hrein og bein íslenska og hlutirnir sagðir beint út. Ólíkt mörgum öðrum miðlum, þá er ekkert verið að skafa utan af hlutunum og þeir eru bornir á borð eins og þeir eru og hér er t.d. nýjasta greinin á vefnum þar sem að fjallað er um pólitíkina í dag :
Nú er liðið rúmt ár síðan hún sagði þessi orð og enn bíða fátækir eftir að hún efni loforðið sem hún gaf þeim í aðdraganda síðustu kosninga.
Hún hefur í raun ekkert lagt til eftir að henni tókst að svíkja og ljúga sig í stól forsætisráðherra því það frumvarp sem Halldóra Mogensen flutti og stjórnarandstaðan lagði fram núna á haustþinginu situr í velferðarnefnd og bíður þar afgreiðslu eftir fyrstu umræðu. Opið er fyrir umsagnir til 18. okt og ætlar Halldóra þá að koma því á dagskrá nefndarinar en í svari við fyrirspurn sem henni var send sagði hún að erfitt væri að spá um hvenær það yrði tekið til annarar umræðu því hvernig og hve lengi meirihlutinn í nefndinni reyndi að stoppa það af eða tefja að það komist á dagskrá, það er að segja VG, Sjallar og Framsókn.
En Kata gerir ekkert nema það sem Bjarni Ben skipar henni og VG að gera.
Lagt var fram bráðabirgðafrumvarp á alþingi um rekstrarleyfi fiskeldisfyrirtækja en úrskurðarnefnd umhverfis og auðlindarmála hafði fellt úr gildi nokkur starfsleyfi slíkra fyrirtækja á sunnanverðum Vestfjörðum.
Það tók aðeins rúman sólarhring að keyra þau lög í gegn á alþingi.
Hvers vegna er hægt að hygla fyrirtækjum með þessum hætti?
Að keyra í gegn lög á núll einni en réttlætis og mannréttindamál sem snýr að fátækasta fólkinu landinu situr í nefndum og starfshópum mánuðum og árum saman án þess að nokkuð gerist til að bæta stöðu þeirra meðan nefndarmenn maka eigin krók með þrásetunni?
Ef það væri raunverulegur vilji til að laga kjör þessara hópa þá væri það lítið mál, tæki ekki nema sólarhring eins og dæmin sanna.
Bara það að Katrín Jakobsdóttir og VG hafa verið algjörlega steindauð í þessari ríkisstjórn að öðru leiti en því að kvitta þegjandi og hljóðalaust upp á allt sem kemur frá sjallamafíunni þá verður bara að segjast alveg eins og er að annar eins aumingi, ræfill, svíðingur og svikar hefur aldrei áður setið í stól forsætisráðherra á íslandi.
Megi Katrín Jakobsdóttir og aumingjarnir í þingflokki Vinstri Grænna hafa ævarndi skömm fyrir svikin við kjósendur sína og þjóðina alla.
Það væri óskandi að þessi ríkisstjórn liðaðist í sundur sem allra fyrst og VG þurkaðist endanlega út af alþingi.” Segir í grein á forsíðu á vefsíðunni skandall.is í dag.
BSRB leggst alfarið gegn því að tryggingagjald sé lækkað án þess að búið sé að lengja fæðingarorlof og hækka hámarksgreiðslur til foreldra. Þetta kemur fram í umsögn bandalagsins um fjárlagafrumvarp næsta árs, sem send var Alþingi í dag.
Í umsögninni er ítrekuð sú afstaða bandalagsins að fylgja verði eftir niðurstöðu meirihluta starfshóps um breytingar á fæðingarorlofskerfinu. Þær voru að greiðslur í fæðingarorlofi verði óskertar að 300 þúsund krónum og að fæðingarorlofið verði lengt úr níu mánuðum í tólf. Þá telur BSRB að hækka þurfi hámarksgreiðslur úr sjóðnum í 650 þúsund krónur, sem er í samræmi við niðurstöðu hópsins þegar upphæðin hefur verið uppreiknuð á verðlag ársins 2018.
Þá telur BSRB einnig mikilvægt að það bil sem verður á milli fæðingarorlofs og dagvistunarúrræða fyrir börn, svokallað umönnunarbil, verði brúað.
Sé fyrirhuguð lækkun tryggingargjalds á kostnað þessara breytinga á fæðingarorlofskerfinu og dagvistunarmálum leggst BSRB alfarið gegn lækkuninni.
Í umsögn BSRB er einnig lögð áhersla á að dregið verði úr skerðingum í bótakerfum. Bent er á að mikið hafi dregið úr útgjöldum til barnabóta undanfarin ár og nú sé nægt svigrúm til að hækka grunnfjárhæðir án þess að hækka skerðingarprósentur á móti.
Þá er gerð athugasemd við að vaxta- og húsnæðisbætur sitji eftir þrátt fyrir miklar hækkanir á húsnæðisverði og húsaleigu. Bandalagið leggur áherslu á að húsnæðisstuðningur verði veittur óháð búsetuformi þannig að leigjendur fái sambærilegan stuðning og eigendur húsnæðis fá í formi vaxtabóta.
Bent er á í umsögn BSRB að almennt hefur dregið stórlega úr bótum á undanförnum árum og að það hafi haft alvarlegar afleiðingar. „ Þær hækkanir lágmarkslauna sem samið hefur verið um í kjarasamningum á undanförnum árum hafa því ekki skilað sér með þeim hætti sem til var ætlast heldur hafa skattahækkanir og lækkun bóta valdið því að ráðstöfunartekjur tekjulægstu hópanna hafa aukist minna en annarra,“ segir meðal annars í umsögninni.
Svandís Svavarsdóttir heilbrigðisráðherra kynnti í dag ákvörðun sína um að veita 57 milljóna króna framlag til Heilsugæslu höfuðborgarsvæðisins til að fjölga sérnámsstöðum í heimilislækningum um fimm. Á fjárlögum þessa árs eru 300 milljónir króna ætlaðar til að efla þverfaglega þjónustu heilsugæslunnar.
Heilsugæsla höfuðborgarsvæðisins leitaði til ráðuneytisins í sumar með ósk um viðbótarfjárveitingu í þessu skyni. Nú eru 46 læknar í sérnámi í heimilislækningum eftir umtalsverða fjölgun í sumar með þrettán nýjum námsstöðum. Af þeim eru 30 á Heilsugæslu höfuðborgarsvæðisins, 8 á Heilbrigðisstofnun Norðurlands, 6 á Heilbrigðisstofnun Suðurlands og hinir tveir eru á heilbrigðisstofnununum á Austurlandi og Suðurnesjum.
Þörf fyrir að fjölga sérnámsstöðum í heimilislækningum er tvíþætt. Annars vegar er fjölgun sérfræðinga í heimilislækningum mikilvæg til að fylgja eftir áherslum stjórnvalda um eflingu heilsugæslunnar og aukið hlutverk hennar innan heilbrigðiskerfisins.
Hins vegar er meðalaldur starfandi sérfræðinga í heimilislækningum fremur hár og stór hópur þeirra mun fara á eftirlaun á næstu árum.
Þróunarmiðstöð heilsugæslu – aukin áhersla á þverfaglega þjónustu
Svandís sagði frá ákvörðun sinni varðandi sérnámsstöðurnar í húsakynnum Þróunarmiðstöðvar heilsugæslunnar sem sett var á fót í sumar í samræmi við þá áherslu að efla og þróa heilsugæsluþjónustu um allt land. Þróunarmiðstöðin starfar innan Heilsugæslu höfuðborgarsvæðisins en hefur það hlutverk að leiða faglega þróun allrar heilsugæsluþjónustu í landinu, hvort sem hún er veitt af hinu opinbera eða einkarekin.
Svandís segir ánægjulegt að sjá hvernig aðgerðir til að efla heilsugæsluna eru farnar að skila sér. Það sé til að mynda staðfest með nýrri skýrslu Embættis landlæknis um Heilsugæslu höfuðborgarsvæðisins: „Þar er sérstaklega getið um góðan árangur varðandi bætt aðgengi að heilsugæslunni, stóraukna sálfræðiþjónustu fyrir börn og ávinninginn af því að setja á fót hjúkrunarvakt á öllum stöðvum stofnunarinnar. Ég er verulega ánægð með þennan árangur og það gleður mig að finna metnaðinn hjá stjórnendum og starfsfólki stofnunarinnar til að vinna stöðugt að bættri þjónustu við notendur.“
Svanhvít Jakobsdóttir, forstjóri Heilsugæslu höfuðborgarsvæðisins segir að engin ein aðgerð til eflingar heilsugæslunnar sé mikilvægari en sú að fjölga námsstöðum og tryggja þannig framtíðarmönnun læknisþjónustu heilsugæslunnar. Þetta er mjög mikilvægur stuðningur við heilsugæsluna og mikilvægur áfangi í eflingu hennar.
Á fjárlögum þessa árs voru samþykktar 300 milljónir króna til að styrkja þverfaglega þjónustu heilsugæslunnar, meðal annars með framlögum til Þróunarmiðstöðvar heilsugæslunnar. Samkvæmt fjárlagafrumvarpi næsta árs verður áfram unnið að eflingu heilsugæslunnar og framlög til heilsugæslu á landsvísu aukin um tæpan milljarð króna. Þar af er um 650 milljóna króna framlag ætlað til að fjölga geðheilsuteymum og fjölga stöðugildum sálfræðinga. Áfram verður unnið að því að styrkja hlutverk heilsugæslunnar sem fyrsta viðkomustað sjúklinga, meðal annars með áherslu á aukna teymisvinnu, forvarnir og fræðslu.
„Ég tel að birting fjárhagsupplýsinga allra skattgreiðenda á vefnum tekjur.is feli í sér ómaklega aðför að stjórnarskrárvörðum rétti almennings til friðhelgis einkalífs. Með starfrækslu vefsins er að mínu mati farið út fyrir heimildir þeirra ákvæða sem hafa legið að baki opinberri umfjöllun um laun og skattgreiðslur Íslendinga í gegnum árin. Í ljósi þess tel ég rétt að sýslumaðurinn á höfuðborgarsvæðinu leggi lögbann við vinnslu Viskubrunns ehf. á fjárhagsupplýsingum Íslendinga og að félaginu verði gert að afmá upplýsingarnar af vefsíðu sinni, tekjur.is. Í kjölfarið sé svo hægt að takast á við um lögmæti lögbannsins fyrir dómstólum.
Sterk rök má færa fyrir því að sala á aðgangi að gagnagrunni sem inniheldur upplýsingar um skattgreiðslur allra landsmanna sé lögbrot. Persónuvernd hefur áður fallist á að birting upplýsinga úr skattskrá Ríkisskattstjóra, mjög svipuð þeirri sem á sér stað á tekjur.is, sé ólögmæt.
Þá verður að hafa í huga að ákvæði það sem Viskubrunnur ehf. ber fyrir sig, 2. mgr. 98. gr. tekjuskattslaga, var lögfest fyrir tíma internetsins. Um er að ræða ákvæði sem felur í sér takmörkun á borgaralegum réttindum og því sé rétt að skýra það þröngt, þannig að gildissvið ákvæðisins sé takmarkað sem mest. Enn fremur hefur réttarvernd almennings gagnvart notkun á persónuupplýsingum þeirra verið styrkt til muna með tilkomu nýrra laga um Persónuvernd.
Verði ekki fallist á lögbann verður tekið til skoðunar að leita álits dómstóla á því hvort vegi hærra, réttur almennings til friðhelgis einkalífs eða réttur almennings til þess að starfrækja gagnagrunn á internetinu sem inniheldur upplýsingar um laun og skattgreiðslur skattgreiðenda.“
Samkeppniseftirlitið hefur nú til skoðunar kaup Árvakurs hf. og 365 miðla hf. á Póstmiðstöðinni ehf., en með samrunanum hyggjast samrunaaðilar sameina dreifikerfi sín fyrir dagblöð, tímarit og fjölpóst undir fyrirtækinu Póstmiðstöðinni sem þeir hyggjast reka sem dótturfélag.
Árvakur er útgáfufélag Morgunblaðsins og Torg ehf. dótturfélag 365 miðla er útgáfufélag Fréttablaðsins. Um er að ræða stærstu dagblöð landsins. Póstmiðstöðin er félag sem starfar á sviði dreifingar, m.a. dagblaða og fjölpósts. Póstmiðstöðin er dreifingaraðili Fréttablaðsins og annarra miðla. Landsprent ehf. er dótturfélag Árvakurs og hefur m.a. sinnt dreifingu Morgunblaðsins og annarra miðla.
Samrunaaðilar hafa lýst sig reiðubúna til þess að tryggja aðgang þriðju aðila að dreifikerfi Póstmiðstöðvarinnar. Hefur Samkeppniseftirlitið kynnt samrunaaðilum frummat sitt vegna samrunans og gefið þeim færi á því að leggja til skilyrði sem myndu leysa þau samkeppnislegu vandkvæði sem annars leiða af samrunanum. Hjálagðar tillögur samrunaaðila að skilyrðum sem unnt væri að setja samrunanum bárust þann 12. október 2018.
Samkeppniseftirlitið leitar nú sjónarmiða hagsmunaaðila við tillögum samrunaaðila. Með tilkynningu þessari kallar Samkeppniseftirlitið eftir sjónarmiðum allra aðila sem telja sig eiga hagsmuna að gæta, t.d. núverandi viðskiptavina framangreindra dreifingaaðila, keppinauta fjölmiðla Árvakurs og 365 miðla og öðrum þeim sem eiga einhvers konar viðskipti á þessu sviði eða sjá á markaðnum viðskiptatækifæri. Þá er einnig kallað eftir sjónarmiðum neytenda.
Áréttað skal að Samkeppniseftirlitið hefur ekki tekið afstöðu til framlagðra tillagna samrunaaðila.
Nýju gögnin koma úr gagnabanka þar sem að giftar konum notuðu framhjáhaldssíðuna AshleyMadison.com en sú netsíða er stefnumótasíða sem er eingöngu notuð við það að skoða möguleika og skipuleggja framhjáhöld.
Hin nýja rannsókn sýnir að helsta ástæða þess hjá konum sem halda framhjá er að þær eru yfirleitt óánægðar með sambönd sín, sagði Eric Anderson, prófessor sem rannsakar m.a. málefni sem snúa að karlmennsku og kynhneigð við háskólann í Winchester í Englandi.
,,Fólk heldur að framhjáhald sé merki um mikil vandræði í sambandinu,” sagði Anderson. En þessi söguskýring kemur að mestu úr sófum hjá sálfræðingum, eftir að konan hefur framkvæmt framhjáhaldið” bætti hann við.
Þegar þú gerir eitthvað sem er mjög ósiðsamlegt, þá býrðu til afsakanir. Afsökunin verður t.d.: Jæja, maðurinn minn fullnægir mér ekki vel, ó, það er vandamál í sambandinu, “sagði Anderson, sem er aðal sérfræðingurinn þegar að kemur að AshleyMadison.com
Þótt einmanaleiki sé jafnvel normið í nútíma samfélagi, er hórdómur nokkuð algengur, meðal allt að 33% karla og 25% kvenna í Bandaríkjunum. Að minnsta kosti eitt framhjáhald utan sambands á einhverjum tímapunkti í lífi fólks, samkvæmt rannsókn frá 2011 í tímaritinu Archives of Sexual Behavior.
En vangaveltur um afhverju fólk heldur framhjá eru ekki alltaf ljósar. Mest áberandi þátturinn er að menn eru ótrúir vegna þess að þeir vilja meiri kynferðislega fjölbreytni. En konur halda framhjá til þess að fá tilfinningalegar þarfir sínar uppfylltar, sagði Anderson. Og sumar rannsóknir benda til þess að konur sem eru óánægðar með sambönd sín eru mun líklegri til að halda framhjá.
En réttlætingar og afsakanir eftir framhjáhöld geta verið mjög frábrugðnar upphaflegum ástæðum þeirra í raun og veru segir Anderson.
Konur missa áhugann á kynlífi með makanum, því lengur sem þær eru í sambandi með honum, samkvæmt rannsókn frá árinu 2012 í tímaritinu Kynlíf og hjúkrunarfræði. Þannig að það kann að vera að, eins og menn, eru konur í framhjáhaldinu að leitast eftir því að auka kynferðislega reynslu sína og upplifanir.
Anderson og samstarfsmenn hans fengu aðgang að reikningum og skilaboðum sem send voru af 100 giftum, gagnkynhneigðum konum sem skráðu aldur sinn á milli 35 og 45 ára.
Flestar kvennanna skiptust á nokkrum skilaboðum með hugsanlegum bólfélaga áður en þeir tóku upp samskipti í síma eða þá luku samtalinu varanlega. Þær vissu ekki að ég var að lesa skilaboð þeirra”, sagði hann sem gerði Anderson kleift að læra sjálfstætt um atferli kvennana .
Um það bil 66% kvennanna sögðu að þær væru að leita að rómantík og ástríðu sem var alltaf þáttur í kynlífi þeirra áður. Engin af konunum vildu fara frá maka sínum.
Þó niðurstöðurnar séu takmarkaðar við aðeins eina framhjáhalds vefsíðu sem hjálpar fólki til þess að halda framhjá. Þá benda niðurstöðurnar til þess að margir konur sem eru ótrúar séu ekki algerlega óánægðar með maka sínum, sagði Anderson
Tilfinningar eða skynsemi?
Flestar konur vildu aðeins eitt viðhald og leituðust eftir tilfinningalegum tengslum, sagði Anderson. ,,Þær þurftu ástarsambandi, en karlar eru tilbúnir til að eiga fleiri viðhöld sem að snérust bara um kynlíf.
Það er líklegast vegna þess að konur þurfa meiri tilfinningalega tengingu til að njóta kynlífs, eða að þær séu einfaldlega skynsamar og velja sér það að hafa eitt viðhald,”sagði hann.
Ef þú ert ekki með marga karlmenn í takinu, þá eru mun minni líkur á að framhjáhaldið komist upp.” sagði Anderson..
,,Markmið Markmið með gerð kjarasamninga milli VR og atvinnurekenda er að rétta hlut þeirra lægst launuðu og auka ráðstöfunartekjur allra félagsmanna. VR leggur áherslu á að sanngirni verði höfð að leiðarljósi við endurskoðun launaþáttar kjarasamninga. Því er mikilvægt að brugðist verði við því misræmi sem sjá má í launaþróun þeirra hæst launuðu í þjóðfélaginu og annarra starfsmanna á vinnumarkaði, sem m.a. má rekja til ákvörðunar kjararáðs árið 2016.
Aðkoma stjórnvalda VR telur mikilvægt að gera kjarasamning til þriggja ára.
Friður á vinnumarkaði skapar svigrúm til leiðréttingar á kjörum hinna lægst launuðu og tækifæri fyrir launafólk, atvinnurekendur og stjórnvöld til að endurskoða þá grundvallarþætti sem félagsmenn VR líta til sem forsendu mannsæmandi lífs – húsnæðiskerfið, skattakerfið og velferðarmálin.
Ljóst er að stjórnvöld þurfa að koma að gerð kjarasamninga á almennum vinnumarkaði, m.a. með því að endurskoða persónuafslátt og tekjutengingar með hagsmuni hinna lægst launuðu í huga.
Félagsmenn VR gera kröfu um skattleysi lægstu launa, lækkun vaxta og afnám verðtryggingar á neytendalán. Launaliður kjarasamninga VR gerir þá kröfu að lágmarkslaun fyrir dagvinnu dugi fyrir mannsæmandi lífi en lægstu laun eru í engum takti við það sem þarf til lágmarksframfærslu. VR telur mikilvægt að taka sérstakt tillit til stöðu þeirra sem hafa lægstu launin og leggur því til samið verði um krónutöluhækkun.
VR gerir kröfu um kr. 42.000 hækkun frá og með 1. janúar 2019 þannig að lágmarkslaun verði kr. 342.000. Öll laun hækki um kr. 42.000. VR gerir kröfu um kr. 42.000 hækkun frá og með 1. janúar 2020 þannig að lágmarkslaun verði kr. 384.000. Öll laun hækki um kr. 42.000. VR gerir kröfu um kr. 41.000 hækkun frá og með 1. janúar 2021 þannig að lágmarkslaun verði kr. 425.000. Öll laun hækki um kr. 42.000. VR gerir kröfu um að orlofs- og desemberuppbætur hækki í samræmi við almennar launahækkanir samkvæmt kjarasamningi.
Endurskoðun taxta kjarasamninga Mikilvægt er að taka taxtakerfi kjarasamninga VR og atvinnurekenda til gagngerrar endurskoðunar en nánast allir grunntaxtar í samningum eru undir lágmarkstekjutryggingu. VR gerir þá kröfu að launataxtar endurspegli laun á vinnumarkaði og að enginn taxti verði undir lágmarkslaunum. Laun starfsfólks undir 20 ára aldri VR krefst þess að breytingar á launatöxtum byrjunarlauna í kjarasamningum 2015 verði afturkallaðar og að launataxtar byrjunarlauna verði færðir til sama horfs og áður, þ.e. að byrjunarlaun miði við 18 ára aldur en ekki 20 ára, í samræmi við lög nr. 86 frá 2018 um jafna meðferð á vinnumarkaði.
Stytting vinnuvikunnar Vinnutími á Íslandi er mun lengri en í nágrannalöndum okkar og mun lengri en kveðið er á um í kjarasamningum. Afleiðingar langs vinnutíma og meira álags á vinnumarkaði má m.a. sjá í fjölgun veikindatilfella. VR gerir þá kröfu að vinnuvika félagsmanna verði stytt, án launaskerðingar í 35 stundir. Til að slík stytting skili sér í styttri viðveru starfsfólks á vinnustað eða við vinnu er mikilvægt að tryggja sveigjanleika í útfærslu styttingar á hverjum vinnustað fyrir sig. Lífeyrisréttindi Í kjarasamningi Alþýðusambands Íslands og Samtaka atvinnulífsins frá 21. janúar 2016 var samið um að hækka mótframlag atvinnurekenda í lífeyrissjóði úr 8% í 11,5%. VR gerir þá kröfu að launafólk hafi fullt val um ráðstöfun þessarar hækkunar í séreignarsparnað, samtryggingu eða til niðurgreiðslu húsnæðislána.
Veikindaréttur VR gerir þá kröfu að launagreiðslur vegna veikinda og slysa verði samræmdar og launagreiðslur vegna vinnuslysa verði þær sömu og vegna veikinda, þ.e. að launafólk fái greidd föst og reglubundin laun. Jafnframt gerir félagið þá kröfu að skerðingar vegna aldurs á bótum fyrir varanlega örorku verði felldar niður enda ganga þær gegn ákvæðum laga nr. 86 frá 2018 um jafna meðferð á vinnumarkaði. VR leggur áherslu á að veikindaréttur vegna barna nái til barna og ungmenna allt að 18 ára aldri. Þá leggur VR til að veikindaréttur vegna barna verði útvíkkaður til að mæta veikindum maka og foreldra félagsmanna. Þessi krafa hefur lengi verið uppi á borðum samtaka launafólks en verður æ brýnni m.a. í ljósi þess að lífaldur hefur lengst. Þá ítrekar VR þá kröfu félagsins að allur kostnaður vegna komugjalda og læknisvottorða verði greiddur af atvinnurekanda, ef hann óskar eftir vottorði vegna veikinda.
Réttindi eldra starfsfólks á vinnumarkaði Fara þarf sérstaklega yfir stöðu starfsfólks 70 ára og eldri á vinnumarkaði sem ekki greiðir lengur iðgjald í lífeyrissjóð og fær heldur ekki mótframlag atvinnurekenda. VR gerir þá kröfu að atvinnurekendur tryggi að mótframlag atvinnurekenda í lífeyrissjóð skili sér í hækkun launa til eldra starfsfólks eða verði ráðstafað á annan þann hátt sem er í samræmi við vilja þess. Húsnæðismál VR leggur áherslu á að brugðist verði við þeim bráða húsnæðisvanda sem margt launafólk býr við. Samkvæmt tölum Íbúðalánasjóðs frá því í september sl. hefur vísitala íbúðaverðs hækkað um 99% frá því í janúar árið 2011 og vísitala leiguverðs um 91%.
Framboð nýrra íbúða á viðráðanlegu verði er ekki í takt við eftirspurnina og framboð leiguíbúða er nánast ekkert. Fáir geta staðið undir þeim miklu hækkunum sem einkennt hafa húsnæðismarkaðinn á Íslandi á síðustu árum. Við þessu verður að sporna og auka húsnæðisöryggi. VR leggur til að stofnað verði óhagnaðardrifið húsnæðisfélag og verði fjámögnun þess tryggð í kjarasamningi. Slíkt félag gæti verið fyrsta skrefið að þjóðarsátt á húsnæðismarkaði þar sem stjórnvöld og sveitarfélög sem og fyrirtæki og fólkið í landinu taki höndum saman.
Starfsmenntamál Síðustu ár hefur verið unnið að fagnámi á framhaldsskólastigi fyrir starfandi verslunarfólk og er það í samræmi við kröfur VR fyrir síðustu kjarasamninga. Námið mun byggja á einstaklingsbundnu raunfærnimati þar sem kunnátta og hæfni er metin til framhaldsskólaeininga á móti kenndum áföngum en auk þess verður hluti námsins á vinnustað í verklegum brautaráföngum. Haustið 2019 er fyrirhugað að bjóða námið sem tilraunaverkefni í samstarfi við fyrirtæki í smásöluverslun sem verði síðan grundvöllur að innleiðingu þess fyrir verslunarfólk sem uppfyllir skilyrði námsins.
VR gerir þá kröfu að nám þetta verði metið til launa. Þá gerir VR jafnframt kröfu um að félagsmenn með erlent ríkisfang fái að sækja íslenskunám á vinnutíma og án launaskerðingar. Aðrar kröfur Starfsfólk í ferðaþjónustu VR ítrekar mikilvægi þess að fara sérstaklega yfir kjör starfsfólks í ferðaþjónustu. Brýnt er að taka sérkjarasamning vegna starfsfólks í gestamóttöku hótela og gististaða til gagngerrar endurskoðunar og gera sérkjarasamning um laun og önnur réttindi annars starfsfólks í greininni. Skilgreina verður störfin og tryggja að þekking og kunnátta starfsfólks, sem gerð er krafa um í atvinnugreininni, skili sér í hærri launum.
VR gerir þá kröfu að … Áunnin réttindi félagsmanns færist óskert milli atvinnurekenda. Hér er um að ræða rétt félagsmannsins vegna veikinda og orlofs sem hann hefur áunnið sér á vinnumarkaði. Sveigjanleiki í orlofstöku verði aukinn til að koma til móts við kröfur félagsmanna um vetrarfrí en sú krafa er orðin hávær meðal félagsmanna VR. 1. maí verði stórhátíðardagur. Ágreiningur, sem uppi hefur verið varðandi ávinnslu orlofs eftir 5 ára starf hjá fyrirtæki, verði leystur. Atvinnurekendur auki stuðning sinn við heilsueflingu starfsfólks í forvarnarskyni, enda er slíkt beggja hagur. Aukinn sveigjanleiki verði veittur starfsfólki sem er nærri starfslokum, til dæmis með styttri vinnutíma, sveigjanlegri viðveru eða heimild til að halda áfram vinnu fram yfir lífeyrisaldur. Lágmarksvinnutími á virkum dögum verði 4 klst. eins og um helgar og aldrei verði greitt fyrir skemmri tíma, þó unnið sé skemur.
Uppgjörstímabil mánaðarlauna verði þannig að ekki standi eftir meira en ein vika ógreidd í hverjum almanaksmánuði. Launagreiðslur á rauðum dögum verði settar inn í kjarasamning með skýrari hætti en nú er. Farið verði sérstaklega yfir réttarstöðu starfsfólks sem er á bakvöktum, bæði hvað varðar greiðslur og útköll. Vinnustaðalýðræði verði innleitt á vinnustaði þannig að starfsfólk fái fulltrúa í stjórnir fyrirtækja. Allt launafólk beri vinnustaðaskírteini, óháð atvinnugrein.
Að öðru leyti er vísað til sameiginlegra krafna Alþýðusambands Íslands.
Í áliti Umboðsmanns Alþingis var Reykjavíkurborg ávítt fyrir þá stöðu sem upp er komin í málaflokki heimilislausra og utangarðsfólks. Í álitinu er sagt að Reykjavíkurborg hafi ekki tryggt utangarðsfólki aðstoð við vandamálum sínum með fullnægjandi hætti: „Þegar þessi atriði og umgjörð við úrlausn á húsnæðisvanda utangarðsfólks hjá Reykjavíkurborg séu virt heildstætt, skorti á að Reykjavíkurborg tryggi utangarðsfólki, svo fullnægjandi sé, aðstoð við lausn á bráðum húsnæðisvanda í samræmi við ákvæði laga nr. 40/1991, eins og þau verða túlkuð í ljósi 1. mgr. 76. gr. stjórnarskrárinnar og fjölþjóðlegra mannréttindareglna. Umboðsmaður komst einnig að þeirri niðurstöðu að reglur Reykjavíkurborgar um félagslegar leiguíbúðir og sérstakar húsaleigubætur fullnægi ekki kröfum sem gera verður til skýrleika reglna um skilyrði sem í reynd eru sett fyrir úthlutun húsnæðis.“
Fólk kom skilaboðum til þessa hústökufólks sem er í Ráðhúsinu, um að það óskaði ekki lengur eftir starfskröftum þess þar sem að það hefur brugðist á svo marga vegu. Ekki bara í þessum málum, heldur svo mörgum öðrum.
Það er sárt að þurfa að horfa upp á það að lýðræðið er fótum troðið af valdasjúku fólki sem er hústökufólk í stjórnarráði borgarinnar. Fólki sem að grætur krókudílatárum yfir nýrri stjórnarskrá og kemur alltaf fram sem úlfar í sauðagærum þegar að á reynir. Ekki vantar smjaðrið fyrir kosningar, þar sem að þetta pakk býður sig eins og hórur á götuhorni og lofar öllu fögru bara ef það fær greiðslu, sem er atkvæðið. Bara svo það geti verið í vellaunuðu fríi og notið allra lífsins gæða á kostnað okkar. Þetta fólk er þarna fyrst og fremst fyrir sig en ekki heimilislausa eða aðra og hræsnin kemur svo fram í öllu viðmóti þessa fólks sbr. svör ”formanns velferðarráðs og borgarfulltrúa Samfylkingarinnar”
„Ég held að þessi fundur muni ekki breyta neinu, en gott er að setja nýja borgarfulltrúa inn í málið.“ .
Höf. Jón Gunnarsson, frkv.stj.
Utanlandsferðir Þeim hefur fjölgað jafnt og þétt síðustu ár sem ferðast til útlanda í sumarfríinu. Nær 62% ferðuðust til útlanda í sumar en þegar fyrst var spurt fyrir átta árum hafði aðeins þriðjungur Íslendinga ferðast til útlanda um sumarið. 
Íbúar höfuðborgarsvæðisins ferðuðust frekar til útlanda í sumar en íbúar landsbyggðarinnar. Fólk sem hefur lokið framhalds- eða háskólaprófi ferðaðist einnig frekar til útlanda en fólk sem hefur ekki framhaldsmenntun að baki. Loks er fólk líklegra til að hafa ferðast til útlanda í sumar eftir því sem það hefur hærri fjölskyldutekjur.
Sú undantekning er þó á, að hópurinn með lægstu fjölskyldutekjurnar er einnig nokkuð líklegur til að hafa farið til útlanda, en sú hefur ekki verið raunin í fyrri mælingum.
Ferðalög innanlands
Rúmlega 69% Íslendinga ferðuðust innanlands í sumar. Færri landsmenn ferðuðust innanlands síðustu fjögur sumur en sumrin 2010 – 2012.
Ingvar Smári Birgisson, lögfræðingur og formaður Sambands ungra sjálfstæðismanna, krafðist í gær lögbanns á tekjur.is eins og sagt var frá hér á Fréttatímanum.
En á vefnum er hægt er að fletta upp tekjum og skattaupplýsingum allra Íslendinga 18 ára og eldri, gegn greiðslu áskriftargjalds og er Viskubrunnur ehf. rekstaraðili síðunnar.
Athygli vekur að ekkert er minnst á í skilmálum á vefnum tekjur.is um að fólk fái endurgreiðslu komi til þess að lögbann verði sett á og engar tilkynnigar hafa komið fram á vefsíðunni um það atriði.
En í 12. grein um skilmála segir að ,,Eftir að skráningar- eða áskriftargjald hefur verið greitt er ekki hægt að skila þjónustunni, né krefjast endurgreiðslu.” Rétt er hjá þeim sem að hyggjast kaupa þjónustuna að kynna sér málið frekar en að sjálfsögðu ættu forsvarsmenn vefsins að upplýsa um málið á vef sínum.
12. grein í skilmálum: Greiðslur, afhending og skil
Notandi greiðir skráningargjald fyrir aðganginn sem er afhentur á vefsvæði tekjur.is. Með skráningargjaldi fylgir aðgangur að vefsvæðinu í einn mánuð. Í framhaldi er greitt áskriftargjald fyrir hvern mánuð. Notandi hefur aðgang svo lengi sem áskriftargjald er greitt. Áskrift endurnýjast sjálfkrafa sé henni ekki sagt upp.
Eftir að skráningar- eða áskriftargjald hefur verið greitt er ekki hægt að skila þjónustunni, né krefjast endurgreiðslu. Hægt er að ganga frá greiðslu á vefsvæðinu tekjur.is með greiðslukortum.
Páll Bergþórsson sem er líklega elsti núlifandi veðurfræðingurinn (95 ára í ágúst s.l.) sem að enn birtir veðurspár. Hann spáir því á vef sínum að í dag, að það verði rigning meira og minna út vikuna og hitinn verði frá 5 til 9 stigum.
Páll birtir reglulega veðurspár á facebook vef sínum og ná þær yfir allt landið og vandað er mjög til verka. Hann notar vindstigin en ekki metra á sekúndu eins og þeir sem yngri eru. Algengt er að fólk kunni betur við að nota vindstigin því að það vandist því og kunni betur við þau en nýrri mælistikuna sem að innleidd var löngu síðar.
Hér er veðurspáin, eins og hún var birt á vef Páls Bergþórssonar í dag:
Félag atvinnurekenda og samstarfsfélagið SFÚ, Samtök fiskframleiðenda og útflytjenda, benda í umsögn til atvinnuveganefndar Alþingis á að ákvæði í frumvarpi um veiðigjöld, um aukið vægi aflaverðmætis í útreikningi veiðigjalda, ýti enn undir tvöfalda verðmyndun í sjávarútvegi, mismuni fyrirtækjum og hafi neikvæð áhrif á samkeppni í greininni.
Í frumvarpinu er samkvæmt greinargerð leitast við að „afmarka stofn veiðigjalds við borðstokk í stað þess að horfa til rekstrar í sjávarútvegi í heild.“ Í samræmi við það fær uppgefið aflaverðmæti aukið vægi við útreikning veiðigjalds, nái frumvarpið fram að ganga, sbr. ákvæði 5. greinar þess.
FA og SFÚ rifja upp að svokölluð tvöföld verðmyndun sé regingalli í íslenskum sjávarútvegi, en hún felst í því að í innri viðskiptum svokallaðra lóðrétt samþættra útgerðar- og fiskvinnslufyrirtækja er afli seldur á lægra verði frá útgerð til vinnslu en í viðskiptum á fiskmörkuðum, þar sem hið raunverulega markaðsverð myndast.
Verð er nánast án undantekninga lægra í viðskiptum ótengdra aðila en tengdra. Muninn má glögglega sjá á meðfylgjandi mynd, sem sýnir verð á 2-3,5 kg óslægðum þorski, annars vegar í innri viðskiptum tengdra aðila (Verðlagsstofa skiptaverðs) og hins vegar á fiskmörkuðum.
Rifjað er upp álit Samkeppniseftirlitsins frá 2012 um samkeppnishindranir í sjávarútvegi. Að mati SE hafa lóðrétt samþætt útgerðarfélög hvata til að gefa upp sem lægst verð á afla í innri viðskiptum á milli útgerðarhluta og vinnsluhluta fyrirtækisins. Eftir því sem verð á aflanum sem seldur er til fiskvinnslu í eigu útgerðarfyrirtækis er lægra þeim mun lægri verður launakostnaður viðkomandi útgerðar og hafnargjöld af lönduðum afla. Bæði aflahlutdeild sjómanna og hafnargjöld miðast við uppgefið aflaverðmæti. Af framangreindu leiðir einnig að minni sjávarafli fer um fiskmarkaði en ella, sem skekkir verðmyndun á mörkuðum.
Ýtir undir hvata til að gefa upp sem lægst verð
„Að mati SFÚ og FA mun þessi breyting ýta undir hvata lóðrétt samþættra sjávarútvegsfyrirtækja til að gefa upp sem lægst verð á lönduðum afla, með tilheyrandi afleiðingum fyrir tekjur sjómanna og hafnarsjóða og samkeppnisstöðu fiskvinnslna,“ segir í umsögn samtakanna. „Ákvæði frumvarpsins munu einungis ýta enn frekar undir tapaðan þjóðarhag byggt á sömu forsendum. Algjör aðalforsenda hlýtur að teljast að veiðigjald leggist jafnt á allar útgerðir fyrir sömu fisktegund. Aðilar ættu þannig alls ekki að geta haft áhrif á veiðigjald sem þeir greiða með því að selja vöruna gegn lægra verði. Það leiðir til óeðlilegrar samkeppni og eykur líkur á því að hámörkun þjóðarhags náist ekki.“
Bent er á að sé aflaverðmæti lagt til grundvallar útreiknings veiðigjalds muni álagning gjaldsins verða með óeðlilegum hætti. „Halla mun á þá aðila sem selja aflann til ótengdra aðila,“ segja FA og SFÚ.
Afsláttur af veiðigjaldi byggður inn í kjarasamninga?
Samtökin benda einni á að í síðustu kjarasamningum sjómanna hafi verið samið um að við útreikning uppgjörsverðs skyldi verð Verðlagsstofu skiptaverðs vera að lágmarki 25% lægra en markaðsverð (Reiknistofa fiskmarkaða). „Inn í kjarasamninga sjómanna er því búið að fela sjálfvirkan afslátt frá veiðigjaldi ef frumvarp þetta til laga nær fram að ganga,“
Að mati FA og SFÚ er afar varhugavert að samþykkja frumvarpið óbreytt vegna áhrifa þess á samkeppnisstöðu fiskvinnslna. Samtökin lýsa jafnframt furðu á að í þeim kafla greinargerðar frumvarpsins sem fjallar um úttekt á áhrifum þess, sé hvergi vikið að þessari stöðu eða áhrifum frumvarpsins á samkeppni yfirleitt.
Tilmæli samkeppnisyfirvalda
Samtökin meta það svo að óforsvaranlegt sé að samþykkja frumvarpið óbreytt, nema þá að löggjafinn geri um leið ráðstafanir til að hrinda í framkvæmd tilmælum Samkeppniseftirlitsins frá því í álitinu 2012, en þau voru eftirfarandi:
Hver var svo niðurstaðan? Jú, að búa til fátækrahverfi og fjölga þeim og redda liðinu bara tjöldum, bröggum eða einhverjum sambærilegum skýlum svo að það muni ekki frjósa í hel úti á víðavangi í haust. Um er að ræða 100 ára afturför, koma liðinu öllu á sama stað, og eyrnamerkja það sem fátæklinga í fátækrahverfum eins og var í byrjun síðustu aldar.