Samkvæmt lögreglu er talið að maðurinn hafi að öllum líkindum látist af slysförum snemma um morguninn. Ekki er talið að maðurinn hafi látist um nóttina, eða kvöldið áður.
Mikill viðbúnaður var vegna málsins, en tveir sjúkrabílar mættu á vettvang. Fyrsta neyðarkall hljóðaði þannig að um meðvitundarlausan mann væri að ræða sem væri í skurði á vinnusvæði. Vegfarandi tilkynnti um manninn rétt eftir hálf níu í gærmorgun.
Þegar lögreglu bar að kom í ljós að maðurinn var látinn.
Ekki hefur verið tilkynnt hver maðurinn er, en samkvæmt upplýsingum frá lögreglu er um íslenskan karlmann að ræða.
Lögreglan getur ekki staðfest hvað kom fyrir, og er nú beðið bráðabirgðarniðurstöðu úr krufningu. Maðurinn fannst í skurði, en miklar framkvæmdir eru í gangi fyrir framan gömlu verbúðina. Vitni á staðnum sagði meðal annars lögregluna hafa tekið skýrslur af verkamönnum sem vinna við framkvæmdirnar.-vg