Góð veiði í Hraunsfirði

Sergio Bjarni Magnusson skrapp í Hraunsfjörðinn og náði ágætum afla eftir aðeins tvær klukkustundir við veiðar.

,,Hraunsfjörðurinn er fullur af fiski, ég var að nota króka #14, strípa ca. 5cm í einu og svo bíða.  Það var rosalega gott veður og hitastigið nánast eins og í sumarlöndum.“  Segir Sergio Bjarni og hlær.

Hann var einnig að veiðum í Þingvallavatni í byrjun mánaðarins og fékk þá líka væna veiði.

Vorveiðin hefur víða verið góð í ár og tíðin almennt fín sérstaklega sunnan heiða.