Tilraunir til endurlífgunar karls og konu, à fimmtugsaldri, frá Bandaríkjunum, sem flutt voru frá Villingavatni á sjúkrahús í Reykjavík í gær, báru ekki árangur og voru þau úrskurðuð látin í gærkvöldi.
Að ósk aðstandenda verða nöfn þeirra ekki birt.
Rannsóknardeild lögreglunnar á Suðurlandi og tæknideild lögreglunnar á höfuðborgarsvæðinu annast rannsókn slyssins. Lögreglan á Suðurlandi þakkar öllum sem að málinu komu af einlægni fyrir þeirra framlag.
Fólkið var við veiðar í vatninu þegar konan virðist hafa misst jafnvægið og rekið frá landi og reyndi maðurinn þá að koma henni til aðstoðar en örmagnast á sundi. Sumarbústaðareigendur í nágrenninu brugðust skjótt við og náðu fólkinu upp úr vatninu og það var flutt með sjúkrabíl til Reykjavíkur. Endurlífgunartilraunir báru ekki árangur og voru þau úrskurðuð látin í gærkvöld.