Stormviðvörun – ( Gult ástand )
Frá veðurfræðingi á Veðurstofu Íslands: Í dag og á morgun stefnir í að verði óvenju hvass vindur miðað við árstíma og hafa gular viðvaranir verið gefnar út af því tilefni. Dagurinn í dag heilsar þó með þurru og tiltölulega rólegu veðri.
Búist er við suðaustan stormi (meira en 20 m/s) í vindstrengjum á Breiðafirði, Vestfjörðum og á Miðhálendinu síðdegis og í kvöld. Einnig má búast við snörpum vindhviðum undir Hafnarfjalli. Heldur hægari vindur um tíma í nótt.
Á mánudag er búist við suðvestan hvassviðri eða stormi með snörpum vindhviðum norðvestantil á landinu og á Miðhálendinu. Ferðalöngum, einkum þeim sem eru á farartækjum sem taka á sig vind, er því bent að fylgjast vel með veðri.
Lægð er stödd við suðurodda Grænlands og þokast hún til norðausturs og sendir okkur rakt loft og stífan vind sem ágerist eftir hádegi. Seint í dag má búast við sunnan strekkingi eða allhvössum vindi með rigningu og súld og enn hvassara staðbundið á vestanverðu landinu í kvöld.
Á Norður- og Austurlandi verður hins vegar hægari vindur í dag og þurrt og bjart veður með hita að 20 stigum þar sem best lætur.
Á morgun snýst síðan í hvassa suðvestanátt og má búast við varasömum hviðum á svæðinu frá Snæfellsnesi norður og austur að Tröllaskaga. Suðvestanáttinni fylgja skúrir, en á austanverðu landinu verður léttskýjað og má búast við að hiti þar fari yfir 20 stig í hnjúkaþey og sólskini.
Frá þriðjudegi og fram eftir vikunni er útlit fyrir rólegri vind, en áttin áfram suðlæg og einhver væta viðloðandi á sunnan- og vestanverðu landinu.
Faxaflói
S 13-20 og snarpar vindhviður undir fjöllum. (Gult ástand)
S 15-20 m/s og snarpar vindhviður í Hvalfirðinum og undir Hafnarfjalli. Ferðalöngum, einkum þeim sem eru á farartækjum sem taka á sig vind, er því bent að fylgjast vel með veðri.
Breiðafjörður
Stormur (>20 m/s) sunnudagskvöld (Gult ástand)
SA stormur með snörpum vindhviðum. Á Snæfellsnesi, Skarðsströnd og Gilsfirði. Ferðalöngum, einkum þeim sem eru á farartækjum sem taka á sig vind, er því bent að fylgjast vel með veðri.
Vestfirðir
Stormur (>20 m/s) á sunnudagskvöld (Gult ástand)
S og SA stormur með snörpum vindhviðum. Lægir nokkuð upp úr miðnætti um tíma. Ferðalöngum, einkum þeim sem eru á farartækjum sem taka á sig vind, er því bent að fylgjast vel með veðri.
Strandir og Norðurland vestra
S stormur með snörpum vindhviðum á Holtavörðuheiði sunnudagskvöld. (Gult ástand)
S stormur (>20 m/s) með snörpum vindhviðum á Holtavörðuheiði á sunnudagskvöld. Lægir líklega um tíma seinni part nætur. Ferðalöngum, einkum þeim sem eru á farartækjum sem taka á sig vind, er því…
Miðhálendið
SA og síðan SV stormur (Gult ástand)
SA stormur á sunnudagskvöld og síðan SV stormur á mánudag með snörpum vindhviðum. Ferðalöngum, einkum þeim sem eru á farartækjum sem taka á sig vind, er því bent að fylgjast vel með veðri.
Veðurhorfur á landinu
Vaxandi sunnan- og suðaustanátt í dag, 10-18 m/s vestantil seinnipartinn með súld eða rigningu, sums staðar hvassara í vindstrengjum við fjöll. Hægari vindur á Norður og Austurlandi og bjartviðri. Sunnan 15-23 á norðvestanverðu landinu seint í dag og í kvöld. Heldur hægari um tíma þar í nótt.
Suðvestan 13-23 á morgun, áfram hvassast norðvestantil með snörpum hviðum og einnig á Miðhálendinu. Víða skúrir, en léttskýjað austanlands.
Hiti 10 til 20 stig, hlýjast á Austurlandi.
Veðurhorfur á höfuðborgarsvæðinu
Gengur í sunnan 10-15 m/s seinnipartinn með súld og rigningu. Suðvestan 8-15 á morgun og skúrir. Heldur hægari annað kvöld. Hiti 8 til 12 stig.