Árshátíð Stjórnarráðsins afboðuð, vegna viðkvæmni gagnvart því að horfa um farinn veg – Lögðu fram beiðni um að bann yrði lagt við því að árshátíðin yrði haldin umrætt kvöld
Árshátíð Stjórnarráðsins, sem halda átti 6. október næstkomandi, hefur verið afstýrt vegna þess að daginn ber upp á sama dag og Ísland hrundi efnahagslega og það upplýst í sjónvarpsávarpi Geirs H. Haarde
Katrín Jakobsdóttir, forsætisráðherra, og Lilja Alfreðsdóttir, menntamálaráðherra, töldu að dagsetning árshátíðarinnar þann 6. október n.k. væri ekki við hæfi.
En þann dag, fyrir tíu árum öðluðust neyðarlögin gildi og þann 10. október hélt Geir H. Haarde sjónvarpsávarp þar sem hann bað guð að blessa Ísland, sem að er táknrænt upphaf efnahagshrunsins á Íslandi.
Skipulagning árshátíðarinnar flyst ár hvert á milli ráðuneyta og í ár var það menntamálaráðuneytið sem að á að halda utan um hana. Árshátíðinni hefur þess vegna verið frestað fram á næsta vor.
Ráðherrarnir lýstu báðir yfir andstöðu við fyrirhugaða dagsetningu og lögðu fram beiðni þess efnis að bann yrði lagt við því að árshátíðin yrði haldin umrætt kvöld, skv. heimildum Fréttablaðsins.
Hér má sjá hið fræga ávarp er Geir H. Haarde, formaður Sjálfstæðisflokksins bað guð að blessa Ísland