Eftirlýsing – Ef einhverjir þekkja til aðilanna, eru þeir beðnir um að hringja í lögregluna
Lögreglan á höfuðborgarsvæðinu óskar eftir að ná tali af einstaklingunum á meðfylgjandi mynd vegna máls sem hún hefur til meðferðar, og eru þeir vinsamlegast beðnir um að hafa samband við lögreglustöðina á Hverfisgötu 113-115 í Reykjavík í síma 444 1000.
Myndin er vissulega óskýr, en þó má ætla að klæðaburður viðkomandi geti mögulega hjálpað til við að bera kennsl á þá sem þarna eru á ferð.
Ef einhverjir þekkja til aðilanna, eða vita hvar þá er að finna, eru hinir sömu einnig beðnir um að hringja í lögregluna, en upplýsingum má jafnframt koma á framfæri í tölvupósti á netfangið gudrun.jack@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.