Svikapóstur látinn líta út eins og hann komi frá lögreglunni
Lögreglan varar við svikapósti sem að hefur farið víða í dag á netinu og fólk beðið um að mæta í skýrslutöku. Lítur út fyrir að sendandi póstsins vilji að móttakandinn smelli á vefslóð sem að færir móttakandann inn á vefsvæði sem að getur verið sýkt af vírusum t.d. til þess að brjótast inn í tölvur og stela upplýsingum þaðan.
,,Svikapóstur sem er látinn líta út fyrir að koma frá lögreglunni virðist vera að fara mjög víða í kvöld. Við biðjum fólk að opna póstinn alls ekki, en hann kemur að sjálfsögðu ekki frá lögreglu.
Slóðin sem fólk er beðið að opna er stafsett svipað og vefsvæði lögreglu, en er annar vefur og er mögulega sýktur af vírus. Mikilvægt að sem flestir vari sig á þessu og opni alls ekki slóð eða viðhengi.”
