Ófölsuð mynt – Mönnunum sleppt úr haldi
Rannsókn Lögreglunnar á höfuðborgarsvæðinu á meintri peningafölsun í kjölfar handtöku tveggja manna í bankaútibúi í Reykjavík í gærmorgun er að mestu lokið.
Málið telst upplýst og hefur mönnunum, sem báðir eru erlendir ríkisborgarar og ekki búsettir hérlendis, verið sleppt úr haldi. Rannsókn lögreglu leiddi í ljós að ekki var um falsaða mynt að ræða.
Mennirnir voru handteknir eins og áður sagði í gær, í bankaútibúi í Reykjavík en starfsmanni bankans fannst mennirnir vera grunsamlegir.