Ók ölvaður eftir göngustíg – Hnífaárás í heimahúsi

Lög­regl­an á höfuðborg­ar­svæðinu hafði af­skipti hafði af öku­manni sem ók eft­ir göngu­stíg í aust­ur­bæn­um (í hverfi 105) upp úr klukk­an 18 í gær. Ökumaður­inn er grunaður um ölv­unar­akst­ur og farþegi reynd­ist án land­vist­ar­leyf­is. Ökumaður laus eft­ir sýna­töku en farþeg­inn vistaður í fanga­geymslu.

Til­kynnt um lík­ams­árás í heima­húsi í Hafnar­f­irði um kvöld­mat­ar­leytið í gær­kvöldi. Meiðsli þolanda reynd­ust ekki al­var­leg en lagt var til hans með hnífi. Sak­born­ing­ur var hand­tek­inn á vett­vangi og vistaður í fanga­geymslu. Málið er í rann­sókn.

Alls voru 50 mál bókuð hjá lög­regl­unni á höfuðborg­ar­svæðinu frá klukk­an 17 til klukk­an 5 í morg­un. Fjór­ir voru vistaðir í fanga­geymslu.