Robert Mugabe, fyrrum forseti Simbabve, var jarðsettur í dag í heimaþorpi sínu Kutama. Mugabe lést á sjúkrahúsi í Singapúr þann sjötta september vegna veikinda. Hann var 95 ára en Mugabe var við völd í Simbabve í 37 ár þar til hann var sviptur forsetaembætti árið 2017 þegar herinn steypti Mugabe af stóli.
Robert Mugabe var frelsishetja Simbabve í nýlendustríði gegn Bretum á síðari hluta tuttugustu aldar. Þegar leið á valdatíma hans, varð hann mjög umdeildur fyrir stjórnarhætti og þá leiddi efnahagsstjórn hans til einhverrar mestu óðaverðbólgu í veröldinni. 
The post Robert Mugabe jarðsettur í dag appeared first on Fréttatíminn.