Karlmaður, sem er m.a. grunaður um innbrot, nytjastuld og umferðarlagabrot, var á föstudag í Héraðsdómi Reykjavíkur úrskurðaður í fjögurra vikna gæsluvarðhald, eða til 1. nóvember. Er það gert á grundvelli 1.mgr. 95.gr. l.nr. 88/2008, þ.e.a.s. talið er að hann hafi rofið, í verulegum atriðum, skilyrði skilorðsbundins dóms.
Maðurinn var handtekinn í íbúð í austurborginni fyrir helgina, en áður hafði hann virt að vettugi stöðvunarmerki lögreglu annars staðar í borginni og komist undan á bifreið, en við það tækifæri var maðurinn næstum því búinn að aka á lögreglumann sem ætlaði að stöðva för hans.
The post Fjögurra vikna gæsluvarðhald appeared first on Fréttatíminn.