Kerry Washington fékk viðurkenningu fyrir störf sín hjá samtökunum Baby2Baby á galakvöldverði samtakanna í Los Angeles í vikunni. Samtökin sjá börnum fyrir brýnustu nauðsynjum og hefur Washington tekið virkan þátt í störfum þess. Scandal stjarnan skartaði ljómandi húð og fallega bleikum vörum þegar hún tók við viðurkenningunni.
Leikkonan Jaime King var viðstödd galakvöldverðinn hjá Baby2Baby og var hárgreiðslan og förðunin óaðfinnanleg. Gyllt og rautt gefur tóninn fyrir förðunina sem koma skal þegar líða fer að jólum.
Jessica Alba var einnig meðal fjölda stjarna sem mætti á Baby2Baby galakvöldverðinn. Áhersla á augnhárin og rauður varalitur einkenndu förðun hennar. Stórir eyrnalokkar setja hátíðlegan svip á heildarútlitið.
Jennifer Lawrence var stórglæsileg á frumsýningu Hunger Games: Mockingjay Part 2 í vikunni. Svartur eyeliner og rauðar varir. Klassískt og hátíðlegt lúkk.
Dökk smokey förðun varð fyrir valinu hjá Rooney Mara þegar hún mætti á frumsýningu Carol, nýjustu myndar hennar og Cate Blanchett, fyrir skömmu.
Gríndrottningin og kjarnakonan Amy Schumer skartaði fallegum augnhárum og látlausum varalit þegar Glamour veitti konu ársins verðlaun, fyrr í mánuðinum.
Myndir/Getty Images
The post Tími glimmers og glamúrs nálgast appeared first on Fréttatíminn.