Aðventukransarnir verða sífellt fjölbreytilegri og var það svo sannarlega raunin þegar Rakel Hlín Bergsdóttir, eigandi Snúrunnar, fékk nokkra valinkunna einstaklinga til að virkja ímyndunaraflið og setja saman sína eigin aðventukransa. Efniviðurinn var fjölbreytt vöruúrval Snúrunnar, auk þess sem blómabúðin 4 árstíðir sá fyrir greni, lifandi blómum og ýmsu öðru smádóti.
Berglind Guðmundsdóttir, matarbloggari á Gulur, rauður, grænn og salt gerði sinn krans með einfaldleika í huga. „Þetta er svona „less is more“ krans, ekki mikið verið að taka áhættu hér en fullkominn í gerð fyrir fólk með fimm þumla.“
Berglind er algjört jólabarn og eru notalegar samverustundir með sínum nánustu það besta við aðventuna að hennar mati. „Annars er svo margt æðislegt við jólin. Kertaljós, ilmur af kryddum, bakstur, bæjarrölt, spilakvöld, smörrebröd, tónleikar og svona gæti ég lengi talið.“ Berglind reynir því að lengja aðventuna eins og hún getur og er fyrir löngu byrjuð að spila jólalög. „Það er eitthvað við þessa árstíð sem er svo dásamlegt.“
Unnið í samstarfi við Snúruna
The post Aðventukrans fyrir fólk með fimm þumalputta appeared first on Fréttatíminn.