„Við opnuðum Nokian stígvélabúðina fyrir tveimur árum og erum ánægð með viðtökurnar,“ segir Jóhannes Ingimundarson, eigandi verslunarinnar. „Barnafólkið í Breiðholtinu hefur verið duglegt að versla við okkur og búðin er hægt og rólega að vaxa og dafna.“ Jóhannes segir skemmtilega stemningu ríkja í Mjóddinni. „Hér á margt fólk leið hjá sem nýtir sér til að mynda þá miklu læknisþjónustu sem er í Mjóddinni. Fólk röltir gjarnan um á leið sinni og hnýtur um falleg stígvél fyrir sig sjálft, börn eða barnabörn.“
Skemmtileg stígvélatíska
Allar vörur frá Nokian eru unnar úr náttúrugúmmíi sem þolir mikið frost, án þess að springa. „Nokian stígvélin hafa verið framleidd í áratugi. Mikil vöruþróun hefur átt sér stað á síðustu árum, sem hefur skilað sér í fjölbreyttara úrvali,“ segir Jóhannes, sem getur greint ákveðna tískustrauma þegar kemur að stígvélum. „Það er liðin tíð að stígvél séu bara svört, allir regnbogans litir eru til og segja má að það sé komin ákveðin stígvélatíska hjá fólki í dag. Sum eru há, önnur lág, sum loðfóðruð og önnur ekki.“
Nytsamleg jólagjöf
Stígvél eru skemmtileg og nytsöm jólagjöf og segir Jóhannes þau henta öllum fjölskyldumeðlimum, börnum sem fullorðnum. „Stígvélin koma auk þess í skemmtilegum umbúðum og allir ættu að geta fundið stígvél við sitt hæfi.“
Unnið í samstarfi við Nokian stígvélabúðina
The post Stígvél í öllum regnbogans litum fyrir alla fjölskylduna appeared first on Fréttatíminn.