Grapevine gefur greinina út í blaði sínu til ferðamanna og er eitt helsta tímarit á Íslandi í þeim geira og er blaðinu dreift frítt í stóru upplagi til allra ferðamanna sem hingað koma

Kona sem kallar sig Loi Mag og starfar í kynlífsiðnaðinum á Íslandi – skrifaði grein í tímaritið Grapevine. Þar lýsir hún skoðunum sínum á starfinu, vanköntunum og því sem hún telur að væri heppilegast fyrir sig og fólk í sömu stöðu til að njóta sem mest ávinnings.

Íslensk stúlka sem selur kynlíf leysir frá skjóðunni – „Ég er ekki drusla – ég er hóra“

Er titill greinarinnnar og er höfundur sögð  vera fædd á Íslandi og að hún vinni í kynlífsiðnaðinum og sé „anti-client working class anarcha- feminist.“ eins og hún segir sjálf. Greinin er skrifuð á ensku og væntanlega fyrir ferðamenn sem koma til landsins en það er markhópur tímaritsins Grapevine – en hana má lesa þýdda á vefsíðunni : Menn.is 

Vændiskaupandi kvartar yfir of háu verði á konum á Íslandi – Ódýrari erlendis

,,Góð grein, af hverju eru sumir að agnúast út í það þótt stelpur eða strákar séu að selja sig? Sumir er feimnir og þora ekki reyna við hitt kynið og sumir fá ekki nógu mikið af kynlífi því segi ég. Áfram strákar og stelpur! En það er einn galli, því að hérna er stelpur eru allt of dýrar ég fer frekar út til að fá mér stelpur, það er ódýrara, svo er þetta bara svo gott.“ segir í kommenti við greinina, ritað af manni sem að greinilega er vanur vændiskaupandi.

Hér er skjáskot að neðan af síðunni menn.is en Grapevine gefur greinina út í blaði sínu til ferðamanna og er eitt helsta tímarit á Íslandi í þeim geira og er dreift frítt í stóru upplagi

,,Við Íslendingar erum stoltir yfir því að vera frábært land fyrir konur. En um leið og við blöndum pening við kynfrelsi, þá erum við um leið skítugar og auðveldar – og höfum eitthvað til að skammast okkar fyrir, aftur. Aggressívustu rifrildin sem ég hef átt á Íslandi í sambandi við vinnu mína, tengist „femínistum“ sem segja mér aftur og aftur að vinna mín sé nauðgun, að ég skilji það bara ekki, að ég sé „með of mikla áfallastreitu“ til að átta mig á því hvað sé að gerast og með því að „selja“ líkama minn, sé ég að færa réttindabaráttu kvenna aftur um marga áratugi.“ segir vændiskonan jafnframt í opinskárri grein sinni í blaðinu Grapevine sem leggur sig fram við að kynna land og þjóð fyrir ferðamönnum.  Við höfum áður fjallað um aukið vændi á Íslandi s.l. ár

Skjáskot af síðu Grapevine

The post Vændiskaupandi kvartar yfir of háu verði á konum – „Ég er ekki drusla – ég er hóra“ segir vændiskona appeared first on Fréttatíminn.is.

Íbúðafélagið sem ASÍ og BSRB stofnuðu hefur framkvæmdir

Fyrsta skóflustungan að 155 nýjum leiguíbúðum sem Bjarg íbúðafélag byggir var tekin í gær við Móaveg í Spönginni í Reykjavík.

Um er að ræða fyrsta byggingaverkefni Bjargs en félagið áformar umfangsmiklar framkvæmdir á næstu misserum. Reiknað er með að um 450 íbúðir verði komnar í byggingu hjá félaginu í lok árs þessa árs og rúmlega 1.000 til viðbótar á næstu þremur til fjórum árum.

Íbúðir í fyrsta áfanga verða meðal annars í Reykjavík, á Akranesi og Akureyri. Þá á félagið í viðræðum við sveitafélög víðar á landinu. Næstu byggingarframkvæmdir, á eftir Móavegi, hefjast svo strax í apríl við Urðarbrunn í Úlfarsársdal en þar verða byggðar 83 íbúðir. Reiknað er með að fyrstu íbúðirnar við Móaveg verði afhentar í júní 2019 og fyrstu íbúðirnar í Úlfarsársdal skömmu síðar.

Íslenskir aðalverktakar munu sjá um byggingu fjölbýlishúsanna í Spönginni, Verkfræðistofan Mannvit sér um verkfræðihönnun og arkitekt er Yrki arkitektar.

Hagsýni, skynsemi og gæði eru höfð að leiðarljósi við hönnun íbúðanna til að halda leiguverði lágu og er þar m.a. horft til fermetrafjölda. Íbúðir eru því ekki stórar, um verður að ræða 45 fermetra tveggja herbergja íbúðir, 70 fermetra þriggja herbergja íbúðir, 85 fermetra fjögurra herbergja íbúðir og 100 fermetra fimm herbergja íbúðir.

Bjargi er ætlað að skapa tekjulægri hópum öruggt og gott húsnæði. Íbúðir félagsins verða því afar mikilvæg viðbót inn á húsnæðismarkaðinn.

Opnað verður fyrir skráningu á biðlista vegna íbúðanna á heimasíðu Bjargs í apríl á slóðinni.

Björn Traustason, framkvæmdastjóri Bjargs: „Við hjá Bjargi fögnum þessum mikilvæga áfanga. Næstu skóflustungur bíða okkar handan hornsins og krefjandi verkefni framundan hjá félaginu.“

Gylfi Arnbjörnsson, stjórnarformaður Bjargs og forseti ASÍ: „Það sem er að gerast hér í dag er bara byrjunin á gríðarstóru verkefni. Íbúðafélagið Bjarg mun hefja byggingu og hönnun 600 íbúða á þessu ári og alls klára um 1.500 íbúðir á næstu fjórum árum. Þetta er mikilvægt átak í húsnæðismálum þeirra tekjulægstu og mun að auki stuðla að lækkun leiguverðs á almennum markaði með því að draga úr eftirspurn. ASÍ er stolt af því að hafa komið þessu verkefni af stað.”

Elín Björg Jónsdóttir, stjórnarmaður í Bjargi og formaður BSRB: „Í dag fögnum við stórum áfanga þegar framkvæmdir við fyrstu íbúðir Bjargs af mörgum eru að hefjast. Það er gleðilegt að sjá samtakamátt verkalýðshreyfingarinnar virkjaðan til að taka á brýnum vanda á húsnæðismarkaði, vanda sem margir okkar félagar þekkja allt of vel. Við þurfum að halda vel á spöðunum svo uppbyggingin verði hröð og sem flestir fái öruggt þak yfir höfuðið sem fyrst.“

Dagur B. Eggertsson borgarstjóri: „Samstarf um byggingu þúsund leiguíbúða á viðráðanlegu verði með verkalýðshreyfingunni í gegnum Bjarg eru gríðarlega mikilvægt, fyrir framtíðarleigjendur, borgina og húsnæðismarkaðinn. Það vill gleymast að þetta eru jafnmargar íbúðir og í síðasta stóra uppbyggingarátaki verkalýðshreyfingarinnar og borgarinnar í Breiðholti. Munurinn er sá að nú dreifast þessar lóðir um alla borg og við gerum ráð fyrir að byggingartíminn verði styttri. Það er stór dagur að hefjast handa á 155 fyrstu íbúðunum hér í Grafarvogi.“

Bjarg er hús­næðis­sjálf­seigna­stofn­un, stofnuð af ASÍ og BSRB. Félagið er rekið án hagnaðarmark­miða og er ætlað að tryggja tekju­lág­um fjöl­skyld­um á vinnu­markaði aðgengi að hag­kvæmu, ör­uggu og vönduðu íbúðar­hús­næði í lang­tíma­leigu. Um er að ræða leigu­heim­ili að danskri fyr­ir­mynd sem standa munu til boða þeim félagsmönnum aðildarfélaga ASÍ og BSRB sem eru undir ákveðnum tekju- og eignamörkum, skilgreindum í lögum um almennar íbúðir.

The post 155 nýjar íbúðir – Ódýr leiga og 1.500 íbúðir á markað appeared first on Fréttatíminn.is.

Valdimar Tómasson er ljóðaunnendum að góðu kunnur. Hann hefur sent frá sér ljóðabækur undanfarin ár sem að hafa hlotið miklar vinsældir og sem dæmi má nefna að þá var síðasta ljóðabók Valda, eða Ljóða-Valda eins og sumir kjósa að kalla hann, uppseld. Þurfti að prenta ítrekað ný eintök enda ljóðin hans einstaklega vel ort og djúp. 

Hér fer Valdimar með ljóðið um heimskuna sem að byrjar svona

Ó, kæra heimska, ég krýp við þína skör,
ég kom í fóstur til þín barn að aldri.
Tryggð þín líkist fornum göfgum galdri
og glöð þú jafnan stýrir minni för.

Dvalið við dauðalindir 

Kyrrlátur og svalandi
mun kvöldblær dauðans
anda
á augnlok mín.
Og þögnin dvelja
undir þaki mínu.   —

Spor mín liggja til dauðans
og þrá mín
þekkist við hann

Lífið hverfist
í laufvana greinar
og nákaldan næturblæ.

Meðal ljóðabóka sem að Valdimar hefur gefið út eru, Dvalið við dauðalindir, Enn sefur vatnið og Sonnettugeigur. Sjálfur hefur Valdimar sagt að sonnetan þyki erfið viðureignar en hún hafi alltaf heillað sig engu að síður og svo lesendur hans þegar að hann fór að gefa þær út í ljóðabókum sínum. „Sonnettan hefur lengi höfðað til mín og ég hreifst frekar ungur af þessu formi í sonnettum Þorgeirs Þorgeirssonar þar sem hann kom með beitta hugsun og vel tilsniðið form.“ segir Valdimar.

Að lokum er hér ljóð eftir Valdimar úr ljóðabókinni; Enn sefur vatnið

Undarleg tilvera

Ungur missti ég þig                                                                                                     en öðlaðist umferðarreyk

og götunnar gný                                                                                                          og tómleikinn fyllti veröld mína.

Hola drauma efnisins                                                                                                  elur brjóst mitt.

Fíflskapur torga                                                                                                       fóstra mig.

The post Valdimar Tómasson ljóðskáld appeared first on Fréttatíminn.is.

Það er ýmislegt sem að ber fyrir augu á vefi veraldar og sumt of gott til að vera satt

En svo koma stundum tilboð sem að eru alveg sönn eins og það sem að blaðamaður rakst á, í einni virtustu kauphöll á hinu íslenska Facebook. Hver hefur ekki heyrt um mennina sem að keyptu milljarða málverk á Flóamörkuðum, það gerist víst daglega um allan heim.

Sautján milljarðar á 2.000 krónur – Gjöf en ekki sala!

Á brask og brall er boðið upp á að fá hvorki meira né minna en 17.000.000.000 í seðlum, á aðeins 2.000 krónur. Fyrir þá sem að hafa dreymt um að verða milljarðamæringar, þá er tækifærið lokins komið og á ekki bara silfurfati, heldur á gullfati!

Það eru ekki allir sem að geta státað sig af því að eiga 17 milljarða í seðlum. Oftast, eins og við þekkjum á Íslandi, eru milljarða eignir oftast í ónýtum uppblásnum hlutabréfum eða í ofmetnum fyrirtækjum sem að selja vonir og væntingar á alheims markaði. Eða þá í “ponsí“ bréfum eða öðrum bólu fjárfestingakostum eins og við þekkjum svo vel, ný staðin upp úr allsherjar ponsí-fyllerýi og hruni.

Nei, hér erum við að tala um beinharða seðla og ekkert kjaftæði, hver getur tapað á því?

Auglýsingin hljóðar svona: ,,Viltu verða Milljarðamæringur ?
Til sölu 4 Zimbabwe dollarar samtals 17 milljarðar – Orginal, notaðir seðlar.
Verð 500 kr. stk. seljast minnst 4 saman á 2.000 kr.  Tilvalið að bæta við í afmælis pakkan, eða bara fyrir þig sjálfa/sjálfann ef þú vilt vera milljarðamæringur. Ef þú vilt kaupa sendu mér þá póst.“

Hér er greinilega hægt að gera góð kaup. En í denn þegar að Robert Múgabe forseti Zimbabwe var blankur eða þ.e.a.s. Seðlabankinn sem að gaf út seðlana. Þá var herjað á bankann að sanna innistæður m.a. í gulli. Þá dó Múgabe ekki ráðalaus, lét búa til helling af “gullstöngum“ úr járni og spreyjaði svo stangirnar með gull spreyji. Já, það er víst ekki allt gull sem glóir segir einhver staðar.

En ansi eru þeir nú fallegir seðlarnir! Og 17 milljarða finnur maður ekki á hverju strái og alveg er það öruggt að þeir eru þyngdar sinnar virði í gullinu frá Zimbabwe!

The post Viltu verða Milljarðamæringur ? – Þá er tækifærið núna! 17 milljarðar á 2.000 kr. appeared first on Fréttatíminn.is.

Trúðurinn neitar að taka þátt í að veiða og sleppa! ,,Heimskulegt að veiða fisk, til að sleppa aftur“

,,Heimskulegt að veiða fisk til að sleppa aftur“ – Trúðurinn neitar að veiða fisk og sleppa!

Veiðifélagi hans leggur mikið upp úr því að veiða og sleppa eða eins og hann segir á ensku í myndbandinu ,, Catch and release“ “veiða og sleppa.“ Frank Hvam svarar að bragði ,,“Jeg arbejder altså efter Catch and eat“ eða, “veiða og borða“ – Frank Hvam,,

Frank Hvam, betur þekktur sem Trúðurinn í dönsku þáttunum, Clown neitar hins vegar að sleppa fisknum og færir fyrir því rök um að það sé beinlínis heimskulegt að vera að veiða fisk til þess eins að sleppa honum aftur. Alveg eins og á Íslandi, þá eru menn í veiðiferðum stundum ekki alveg sammála um hvort eigi að veiða og sleppa eða ekki og gaman að velta þessum vinkli upp núna á sunnudegi í lok febrúar þegar að styttist í veiði vertíðina.

Trúðurinn er harður á sinni skoðun: „Jeg arbejder altså efter catch and eat“ – Frank Hvam,,

The post ,,Heimskulegt að veiða fisk til að sleppa aftur“ – Trúðurinn neitar að veiða og sleppa! appeared first on Fréttatíminn.is.

Jón Þór nýr formaður Stangaveiðifélags Reykjavíkur

Á aðalfundi SVFR í gær var Jón Þór Ólason kjörinn formaður félagsins. Auk venjulegra aðalfundarstarfa var Edda Dungal sæmd gullmerki félagsins og er hún vel að því komin.

Fimm sóttust eftir þremur stjórnarsætum og náðu kjöri þeir Hrannar Pétursson sem kemur nýr inn í stjórnina, Rögnvaldur Örn Jónsson og Hörður Birgir Hafsteinsson.

Þorsteinn Ólafs tók þessar myndir á fundinum í gær.

The post Jón Þór nýr formaður Stangaveiðifélags Reykjavíkur appeared first on Fréttatíminn.is.

Yfirvöld í Florida hafa ákveðið að fresta tímabundið ákvörðun fylkisstjórnarinnar frá ársbyrjun um að skylda alla erlenda ökumenn til að hafa alþjóðlegt ökuskírteini

Fram kemur í yfirlýsingu frá umferðaryfirvöldum í Florida að ákveðið hafi verið að draga nýju kröfurnar um alþjóðlegt ökuskírteini til baka tímabundið á meðan kannað sé hvort kröfurnar brjóti í bága við Genfarsamninginn um umferð á vegum, sem er alþjóðlegur samningur sem Bandaríkin eiga aðild að.

Umferðaryfirvöld í Florida fresta fullnustu á brotum vegna breytinga á kafla 322.04 um ökuréttindi á meðan farið er yfir lagalegar forsendur breytinganna og hvort þær brjóti í bága við alþjóðalög.

Lögð er áhersla á að erlendir gestir í Florida séu með gild ökuskírteini frá sínu heimalandi og að ekki sé skylda að hafa alþjóðlegt ökuskírteini en ráðlagt að hafa það til að koma í veg fyrir misskilning.

The post Yfirvöld í Florida fresta kvöðum um alþjóðleg ökuskírteini appeared first on Fréttatíminn.is.

Fréttatíminn skoðar alltaf annað slagið hvað hin ýmsu fyrirtæki eru að bjóða upp á, bæði hérlendis og erlendis. Bæði af forvitni og svo til þess að upplýsa lesendur

 World Class býður upp á frábæra þjónustu í þeim 14 líkasræktarstöðvum sem að eru á þeirra vegum auk 6 sundlauga. Við skoðuðum málið um helgina.

Við skoðuðum t.d. hvað fyrirtækið hefur upp á að bjóða og það er óhætt að segja að ef að maður  vill bæta heilsuna og koma sér í betra form, þá er World Class málið!

Það ættu a.m.k. allir að finna eithvað við sitt hæfi varðandi hreyfingu og hægt er að skoða mjög fjölbreytt úrval líkamsræktar:  HÉR  – En boðið er upp á opna tíma –

Einnig er hægt að sækja einkatíma hjá World Class, fyrir þá sem kjósa, úrvalið er ótrúlega mikið!

Upplagt er að nýta sér barnagæsluna á meðan tekið er á því, en World Class býður upp á góða þjónustu fyrir fjölskyldufólk og börnin í góðum höndum á meðan foreldrar njóta þess að geta áhyggjulaust notið þeirrar þjónustu sem að þeir kjósa hverju sinni.

Svo er líka hægt að panta tíma hjá nudd og snyrtistofunni þegar að þannig ber undir og jafnvel dekurpakka svona spari en maður getur t.d. gefið slíkan munað í gjöf því að boðið er upp á gjafabréf.  ,, Fyrir og eftir meðferðir fá gestir tækifæri til að endurnæra líkama og sál í Betri stofu Lauga. Fyrsta flokks heilsulind þar sem slökunar- og lækningarmáttur íslenska vatnsins er í hávegum hafður.“

Á Laugar Café er hægt að fá hádegisverð og kvöldverð ásamt fjölbreyttu úrvali léttra heilsurétta, samloka og drykkja allan daginn.          Til dæmis má nefna Booztbarinn þar sem finna má mikið úrval af skyr- og próteindrykkjum ásamt safa gerðum úr ferskum ávöxtum og grænmeti.

Boðið er upp á rétt dagsins alla virka daga, frá kl. 11:30-14:00, ásamt súpu. Áhersla er lögð á fersk hráefni og hóflegt verð. Réttur dagsins kostar kr. 1.990,-

Hádegismatseðillinn á virkum dögum samanstendur af fiskrétti og kjúklingarétti ásamt grænmeti og súpu. Í hádeginu (kl. 11:30-14.00) á laugardögum er ávallt á boðstólnum kjötréttur, ásamt sósu og öllu tilheyrandi ´a la Bjössi´ ásamt kjúklingarétti.

Laugar Café býður upp á kvöldverð á virkum dögum frá kl. 17:30 – 20:00, þar sem boðið er upp á þriggja rétta kvöldverð, kjúkling og fisk. Verð kr. 1.990,-
Einnig er hægt að fá rétti af matseðli Betri stofunnar á þessum tímum.

Laugar Café er umfram allt aðgengilegur staður sem er öllum opinn og tilvalið er að koma þar við eftir gönguferð í Laugardalnum, góðan sundsprett, átök í heilsuræktinni eða eiga notalega stund í Betri stofunni þar sem einnig er veitingastofa með úrvali rétta af matseðli ásamt drykkjum. World Class leggjur sig fram um að geta þjónað öllum, hvort sem þú vilt grípa með þér bita eftir æfingu eða verja góðum tíma á staðnum.

Tilvalið er fyrir fyrirtæki og aðra hópa að koma í Laugar og njóta matar og drykkjar á Laugar Café þar sem bjóðið er upp á fundaraðstöðu á 2. hæð. Einnig eru settir saman hópmatseðla fyrir þá sem vilja. Nú er bara að skella sér í ræktina, dekrið og hollustuna enda styttist í sumarið og gott að vera vel á sig kominn og ekki eftir neinu að bíða   > www.worldclass.is

Hér má finna alla staðina hjá World Class á einni síðu

The post World Class býður upp á frábæra þjónustu appeared first on Fréttatíminn.is.

ASÍ fundar með SA og stjórnvöldum

Fulltrúar samninganefndar ASÍ hafa að undanförnu, og nú síðast í dag, fundað með SA og stjórnvöldum vegna þeirrar stöðu sem upp er komin vegna endurskoðunar kjarasamninga.

Fulltrúar ASÍ í forsendunefnd telja að forsendur kjarasamninga sé brostnar, en þegar sú staða kemur upp ber aðilum að leita viðbragða hjá gagnaðila og/eða stjórnvöldum til að kanna hvort vilji sé til þess að koma til móts við aðila vegna forsendubrestsins.

Nú er beðið viðbragða við þessum málaleitunum en endanleg afstaða til framhaldsins verður tekin á miðvikudaginn.

The post ASÍ fundar með SA og stjórnvöldum appeared first on Fréttatíminn.is.

Breytingar á hluthafahópi Arion banka

Viðskipti með hlutabréf í Arion banka hf. sem tilkynnt var um í þarsíðustu viku hafa gengið í gegn. Kaupskil ehf. hafa keypt 13% hlut ríkisins í Arion banka og er íslenska ríkið því farið úr hluthafahópi bankans. Jafnframt hefur Arion banki keypt 9,5% af eigin hlutabréfum. Uppgjörsdagur þessara viðskipta var í dag, eða fimm dögum síðar en fyrirhugað var, og breyttist því kaupverð hinna seldu hluta lítillega í samræmi við skilmála samnings Kaupskila og íslenska ríkisins. Fyrir hlut sinn í Arion banka fær íslenska ríkið 23,5 milljarða króna.

Alls 24 íslenskir fjárfestingarsjóðir í rekstri hafa bæst í hluthafahóp Arion banka með samtals 2,54% hlutafjár, en eignarhlutur hvers sjóðs er undir 1%. Tveir hluthafar bankans hafa jafnframt aukið hlut sinn í bankanum, Trinity Investments (Attestor Capital LLP) um 2,0% og alþjóðlegi fjárfestingarbankinn Goldman Sachs um 0,8%. Kaupskil seldu jafnframt um 1,84% af fyrirliggjandi hlut sínum í Arion banka í þessum viðskiptum.

Hluthafar Arion banka hf. sem eiga eignarhlut yfir 1% – 26. febrúar 2018

Kaupskil ehf. 55,57%
Trinity Investment Designated Activity Company (Attestor Capital LLP ) 12,44%
TCA New Sidecar III s.à r.l. (Taconic Capital Advisors UK LLP) 9,99%
Arion banki hf. 9,50%
Sculptor Investments s.à r.l. (félag tengt Och-Ziff Capital Management Group) 6,58%
ELQ Investors II Limited (Goldman Sachs International) 3,37%
Að auki eiga 24 íslenskir fjárfestingarsjóðir samtals 2,54% hlut.

​Í takt við samþykkt hluthafafundar Arion banka frá 12. febrúar, þar sem samþykkt var að greiða hluthöfum bankans 25 milljarða króna í arð, að frádregnum kaupum á eigin bréfum sem námu 17,1 milljarði króna, mun Arion banki greiða hluthöfum sínum 7,9 milljarða í arð, sem var skilyrtur við sölu Kaupskila á hlut í Arion banka. Arðgreiðslan og kaupin á eigin bréfum eru í samræmi við langtímamarkmiði Arion banka um að minnka umfram eigið fé bankans og er eignfjárhlutfall bankans áfram sterkt og vel yfir kröfum eftirlitsaðila.

Hlutur Kaupskila í arðgreiðslunni, 4,4 milljarðar króna, og söluandvirði 1,84% hlutafjár í bankanum, 3,3 milljarðar, rennur óskipt til íslenska ríkisins sem stöðuleikaframlag, samtals 7,7 milljarðar króna. Alls fær íslenska ríkið því í sinn hlut ríflega 31 milljarð króna vegna þessara viðskipta með hlutabréf í Arion banka og arðgreiðslunnar.

The post Breytingar á hluthafahópi Arion banka appeared first on Fréttatíminn.is.

Reykjavík Folk Festival fer fram í áttunda skipti í ár og verður haldin á KEX hostel (gamli nýló salurinn) dagana 1.-3. mars milli kl 20 og 23

Þetta er einlæg tónlistarhátíð þar sem við sköpum notalega stemmingu og nánd milli tónlistarmannsins og áheyrandans. Dagskráin í ár er fjölbreytt eins og áður, með vænum þverskurði þess sem er að gerast í þjóðlagatónlistarsenunni í dag.

Við höfum bæði fjölda nýrra listamanna í þjóðlagageiranum á borð við Árna Vil og Madz Mouritz í bland við gamalkunna og þjóðþekkta einstaklinga á borð við Pétur Ben, Láru Rúnars, Teit Magnússon, Myrru Rós og okkar eina sanna Bjartmar Guðlaugs.

Sömuleiðis fáum við smakk af erlendri þjóðlagaflóru, en við fáum bæði Madz Mourits sem hefur getið sér gott orð í heimalandinu sínu Danmörku, auk þess sem grískt kaffihúsaband mun byrja föstudagskvöldið, undir dyggri stjórn Ásgeirs Ásgeirssonar buzukileikara.

Nánari upplýsingar fást hér:
Listamenn reykjavík folk festival. 
reykjavikfolkfestival@gmail.com

The post Reykjavík Folk Festival fer fram 1.-3 mars appeared first on Fréttatíminn.is.

Ásmundur Einar Daðason félagsmálaráðherra segir niðurstöðu könnunar ráðuneytisins sýna að Bragi Guðbrandsson, forstjóri Barnaverndarstofu, hafi ekki brotið af sér í starfi

Það kom fram í svari Ásmundar Einars á Alþingi í dag en það voru þingmennirnir Þorsteinn Víglundsson, hjá Viðreisnar og Halldóra Mogensen þingmaður Pírata og formaður velferðarnefndar sem spurðu ráðherra hvers vegna ríkisstjórnin tók ákvörðun um að mæla með framboði Braga til barnaréttarnefndar Sameinuðu þjóðanna.

The post Bragi braut ekki af sér í starfi, segir Ásmundur Einar Daðason félagsmálaráðherra appeared first on Fréttatíminn.is.

Rússar eru ólympíumeistarar í íshokkí karla

Leikurinn einkenndist af mikilli baráttu beggja liða og létu menn finna vel fyrir sér. Leikurinn var jafn, spennandi og skiptust bæði lið á að skora. Þótt Rússar hafi þótt sigurstranglegri fyrir fram enda höfðu þjóðverjar tapað fyrstu tveimur leikjunum í riðlakeppninni en komið síðan til baka af miklum krafti og komist í úrslitaleikinn.

Þegar hálf sekúnda er eftir af fyrsta leikhluta skorar Voinov fyrir Rússa

Um miðjan annan leikhluta jafna Þjóðverjar, með marki Felix Schultz

Síðan í seinasta leikhluta verður allt vitlaust, þegar 6 og hálf mínúta er eftir af leiknum kemur Nikita Gusev Rússum yfir, 10 sekúndum síðar jafnar Dominik Kahun fyrir þjóðverja

Þegar rúmlega 3 mínútur eru eftir kemur Jónas Muller þjóðverjum fyrir

Rússar jafna 3-3 þegar tæp mínóta er eftir með öðru marki Nikita Gushev, þegar liðið er manni færri

Leikurinn fer í framlengingu allt er í járnum en að lokum skorar Kiril Kaprisov gullmark og tryggir Rússum sigur 4-3 og gullverðlaunin í íshokkí karla

Benedikt Sigurðsson, íþrótta fréttamaður

The post Rússar eru ólympíumeistarar í íshokkí karla appeared first on Fréttatíminn.is.

Dóttir Bill Cosby’s, Ensa, 44 ára er látin en hún lést í Massachusetts vegna veikinda í nýrum að sögn talsmanns fjölskyldunnar

Bill Cosby missti annað af sínum fimm börnum árið 1997, þegar 27 ára sonur hans, Ennis, sem að hafði útskrifaðast við Columbia háskólann, var skotinn til bana meðan hann var að skipta um dekk sem hafði sprungið á bíl hans, nálægt lestarbrautinni í Los Angeles. Síðar var 22 ára gamall maður dæmdur sekur um morðið og dæmdur til lífstíðar í fangelsi án möguleika á því að verða sleppt aftur úr fangelsi.

Bill Cosby á heimili í vestur Massachusetts, í bænum Shelburne Falls.
Ensa Cosby talaði fyrir hönd föður síns og lýsti yfir sakleysi hans í réttarhöldum á síðasta ári vegna ákæru um að Cosby hefði byrlað konum ólyfjan og misnotað þær.

Hann hefur jafnframt neitað sekt og er laus gegn tryggingu en réttarhöld hefjast að nýju 2. apríl n.k.  Ensa Cosby trúði algerlega á sakleysi föður síns og hélt því fram að kynþáttafordómar stæðu að baki því að faðir sinn hefði verið ásakaður.

,,Það er sorglegt á sjá hvernig föður mínum er refsað af samfélagi sem trúir því enn að svartir menn nauðgi hvítum konum. En þegar hvítir menn eru sakaðir um kynferðisbrot er bara sagt, „strákar eru strákar“ og hvernig stjórnmál landsins láta draga sig inn í þessa kynþáttapólitík er með ólíkindum. Faðir minn hefur verið opinberlega tekinn af lífi í fjölmiðlum,“ sagði hún.

„Strákar verða strákar“ var augljós tilvísun í ummæli Donalds Trump er hann afsakaði ógeðslegar athugasemdir sínar um konur sem „búningsklefa spjall.“

Málaferlin vegna ásakana sem hafa verið lagðar fram af sjö konum sem hafa sakað Cosby um kynferðislega misnotkun, bíða enn réttarhalda í Massachusetts.

Ensa Cosby birtist á einum þætti í sjónvarpsþáttunum „The Cosby Show“, sem sýndir voru frá 1984 til 1992. En í þeim var Cosby íslendingum vel kunnur í þáttunum um farsæla lækninn og fullkomnu fjölskyldu hans hér á árum áður en Cosby er nú áttræður.

Í seinni tíð hefur Cosby verið talsvert í fjölmiðlum vegna fjölda ásakana kvenna sem að hafa sakað hann um kynferðisbrot, m.a. hefur hann ítrekað verið sakaður um að byrla konum svefnlyfi, áður en að hann misnotaði þær. Réttarhöld hafa verið vegna þessara ásakana undanfarin misseri en þess ber að geta að heilsa Cosby hefur verið slæm og hann verið studdur inn í réttasali af aðstoðarmönnum sínum. Áframhald langra réttarhalda bíða Cosby næstu misserin vegna þeirra ákæra sem liggja fyrir.

The post Dóttir Bill Cosby’s er látin appeared first on Fréttatíminn.is.

Mikill erill var í liðinni viku vegna veðurs. M.a. fóru bílar út af á Fróðárheiði og í Bröttubrekku. Gluggi losnaði í nýja hótelinu í Borgarnesi og skilti fauk í Borgarnesi.

Um tíma var sementsverksmiðjan á Akranesi vöktuð af lögreglu og björgunarsveitarmönnum, því talsverð hætta var talin á að járnplötur færu að fjúka. Til þess kom þó ekki en ýmiskonar smærra brak fór af stað.

Bíll valt á Vesturlandsveginum skammt frá Fiskilæk. Meiðsli voru minnihátttar en bíllinn talinn ónýtur á eftir. Lögreglu hafa borist nokkrar tilkynningar vegna bifreiða sem hafa skemmst við það að aka ofan í djúpa holu á Borgarfjarðarbraut, vestan við Skeljabrekku. Þarna hafa hjólbarðar sprungið og felgur beyglast.

Gat kom á olíutank flutningabifreiðar þegar hún var stödd í Borgarnesi. Um 100 lítrar af olíu láku niður á planið við Olís. Starfsmenn Olís hreinsuðu upp og var heilbrigðiseftirliti og slökkviliði tilkynnt um málið.

Tilkynnt var um að uppblásinn björgunarbát hefði rekið á land við Malarrif á Snæfellsnesi. Í ljós kom að hann hafði fallið af skipi fyrr um daginn. Björgunarsveitin Lífsbjörg tók að sér að sækja bátinn og koma honum í hús ásamt því að aftengja neyðarsendi.

Þrátt fyrir válynd veður í vikunni og stundum slæma færð kærðu lögreglumenn 9 ökumenn fyrir of hraðan akstur, allt að 130 km hraða og hraðamyndavélar mynduðu liðlega 260 hraðaakstursbrot í umdæminu.

The post Mikill erill hjá lögreglunni á vesturlandi appeared first on Fréttatíminn.is.

Velferðarráðuneytið birtir bréf ráðuneytisins til þriggja barnaverndarnefnda á höfuðborgarsvæðinu og til Barnaverndarstofu – Afrit af bréfunum eru hér að neðan

Velferðarráðuneytið birtir bréf ráðuneytisins til þriggja barnaverndarnefnda á höfuðborgarsvæðinu og til Barnaverndarstofu þar sem gerð er grein fyrir niðurstöðum ráðuneytisins vegna umkvartana nefndanna varðandi samskipti þeirra við forstjóra og starfsfólk Barnaverndarstofu.

Velferðarráðuneytið hefur sent meðfylgjandi bréf til hlutaðeigandi aðila. Í bréfunum er gerð grein fyrir þeim niðurstöðum sem ráðuneytið hefur komist að eftir að fara yfir formlegar umkvartanir sem því bárust frá barnaverndarnefndum Reykjavíkur og Hafnarfjarðarbæjar, í kjölfar fundar formanna þessara nefnda og barnaverndarnefndar Kópavogs með þáverandi félags- og jafnréttismálaráðherra 10. nóvember á liðnu ári, og greinargerð með afstöðu Barnaverndarstofu til þeirra umkvartana sem ráðuneytið óskaði eftir með bréfi 21. nóvember síðastliðinn.

Eins og fram kom í tilkynningu velferðarráðuneytisins sem birt var á vef þess síðastliðinn föstudag eru áformaðar ýmsar breytingar á sviði barnaverndar til að efla og þróa barnaverndarstarf í landinu, styrkja stjórnsýslu málaflokksins og bæta eftirlit. Meðal annars verða settar skýrar formkröfur um samskiptahætti stjórnvalda sem gegna hlutverki á sviði barnaverndar. Unnið er að því að koma á sameiginlegum fundum ráðuneytisins, barnaverndarnefnda, Barnaverndarstofu til þess að hefja þá vinnu. Vonir standa til þess að sú vinna geti hafist strax í næstu viku.

Ásmundur Einar Daðason, félags- og jafnréttismálaráðherra hafði samband við formann velferðarnefndar um nýliðna helgi og óskaði eftir fundi með nefndinni þar sem hann mun gera grein fyrir niðurstöðum ráðuneytisins og sitja fyrir svörum. Fundur hefur verður ákveðinn næsta miðvikudag, 28. febrúar.

• Bréf velferðarráðuneytisins til barnaverndarnefndar Reykjavíkur
• Bréf velferðarráðuneytisins til barnaverndarnefndar Hafnarfjarðarbæjar
• Bréf velferðarráðuneytisins til barnaverndarnefndar Kópavogsbæjar
• Bréf velferðarráðuneytisins til Barnaverndarstofu

The post Ásmundur Einar Daðason greinir frá niðurstöðu ráðuneytisins vegna Braga Guðbrandssonar appeared first on Fréttatíminn.is.

Laun og kostnaðargreiðslur þingmanna

Hér eru birtar upplýsingar um laun þingmanna og kostnaðargreiðslur til þeirra. Hægt verður að skoða fyrir hvern þingmann m.a. hver laun hans eru (þ.m.t. álagsgreiðslur), hverjar eru fastar kostnaðargreiðslur til hans (t.d. húsnæðis- og dvalarkostnaður) og hvað hann hefur fengið endurgreitt fyrir útlagðan kostnað (t.d. ferðakostnaður innanlands) á vef Alþingis í framtíðinni.

Nöfn þingmanna eru birt í stafrófsröð. Þegar smellt er á nafn þingmanns birtast upplýsingar um hann. Þá er hægt að smella á einstaka kostnaðarþætti, t.d. húsnæðis- og dvalarkostnað, og fá upplýsingar hvað felst í þeim kostnaðargreiðslum.

Vefsíðan er ekki að fullu frágengin og sem stendur tekur hún eingöngu til fastra launagreiðslna og fastra kostnaðargreiðslna.

Gert er ráð fyrir að í næstu viku á bilinu 7.-10. mars verði hægt að opna á 2. áfanga vefsíðunnar en þá verða birtar upplýsingar um greiðslur sem eru breytilegar, þ.m.t. endurgreiðslur fyrir útlagðan ferðakostnað.

Bæði 1. og 2. áfangi í vinnslu vefsíðunnar miðast við birtingu upplýsinga frá 1. janúar 2018. Jafnframt er að hefjast undirbúningur að því að birta gögn frá liðnum tíma og miðast sá undirbúningur við að farið verði um áratug aftur í tímann. Hægt verður að fylgjast með uppfærðum kostnaði á vefsíðu Alþingis.

The post Laun og kostnaðargreiðslur þingmanna – Allt upp á borðinu og sundurliðað appeared first on Fréttatíminn.is.

Innbrot – tveir handteknir : 27 febrúar 2018 13:47

Tveir karlmenn eru í haldi Lögreglunnar á höfuðborgarsvæðinu grunaðir um innbrot í heimahús í Garðabæ á tíunda tímanum í morgun.

Rannsókn málsins er á frumstigi og ekki er unnt að veita frekari upplýsingar að svo stöddu.

Fréttatíminn hefur áður fjallað ítarlega um tíð innbrot inn á heimili í Garðabæ :

Innbrot var framið m.a. í Urðarhæð í gærkvöld, milli kl. 19.30 og 21.00. Spenntur var upp gluggi í svefnherbergi sem snýr að garði hússins. Öllu skarti og lausafé í húsinu var stolið.

Fótspor fundust einnig í fleiri görðum í hverfinu en innbrotin eru öll framin þannig að farið er inn í svefnherbergi þar sem að hreyfiskynjarar eru ekki virkir, þó að þjófavarnakerfi séu í húsunum. Greinilegt er að innbrotin eru vel skipulögð eins og áður hefur verið fjallað um.

Glæpamennirnir sækja sérstaklega í að komast inn um glugga í svefnherbergjum og því gott ráð að taka öll verðmæti burt úr svenherbergjum og geyma þau þar sem eru virkir skynjarar.

Bæjarstjóri Garðabæjar hefur samið um uppsetningu á öryggismyndavélum í bænum í samstarfi við Neyðarlínuna og lögregluna á höfuðborgarsvæðinu, þá verður hægt að greina bílnúmer ofl. sem að kann að koma að gagni við að upplýsa glæpi.

,,Það var brotist inn í húsið okkar í Holtsbúðinni um helgina. Farið var inn um svefnherbergis gluggann og rótað í öllum hillum og skúffum þar. Sem betur fer voru ekki mikil verðmæti þar en eitthvað smávegis af skartgripum. Þetta er ömurleg staðreynd að geta ekki verið öruggur um heimili sitt þegar farið er að heiman yfir helgi.“ segir einn af þeim íbúum í Garðabæ sem að hefur orðið fyrir því að fá þjófa inn í svefnherbergið sitt.

Ef þið hafið orðið vör við grunsamlegar mannaferðir í kringum Urðarhæðina, Holtsbúð eða í öðrum hverfum, hringið þá í lögregluna og tilkynnið málið. Gott er að taka myndir á t.d. síma af viðkomandi aðilum, bíl og bílnúmeri ef að grunur vaknar um eitthvað misjafnt eða óvenjulegt.

Frétt okkar frá 23.01.2018 : 

800 garðbæingar hlynntir öryggismyndavélum. Bæjarstjóri vinnur í málinu

-Uppfært kl.06.45 – Lögreglan hefur verið með mjög virkt eftirlit í ýmsum hverfum Garðabæjar síðan fréttin birtist í gær og m.a. lýst upp svæði í hverfum við eftirlit í nótt. Einnig hafa verið notaðir drónar til þess að skima svæðið.                                          Jafnframt er vert að geta þess að í gær voru 165 sektaðir fyrir of hraðan akstur í Garðabæ-

Talsverð ólga hefur verið á meðal íbúa í Garðabæ undanfarna daga vegna mikils fjölda innbrota upp á síðkastið í bænum og hafa bæjarbúar verið varir um sig gagnvart ókunnugum mannaferðum við hús sín.

Sumir íbúar skrá m.a. niður bílnúmer á ókunnugum bílum sem að hafa verið að aka rólega í gegnum hverfin án erindis. Einhverjir hafa sett upp öryggismyndvélar og þjófavarnarkerfi hjá sér. Fólk hefur verið að deila sögum af ákveðnum bílum sem hafa sést aka um hverfin.

U.þ.b. 800 íbúar hafa sett „like“ á það á vef íbúanna um að skora á bæjarstjórn að koma upp öryggismyndavélum í bænum.

Fréttatíminn spurði frétta af gangi mála hjá skrifstofunni í Garðabæ og fékk eftirfarandi svar vegna öryggis- og eftirlits- myndavéla.

,,Garðabær hefur látið setja upp öryggismyndavél við Álftanesveg á síðasta ári en um er að ræða samstarfsverkefni Garðabæjar, lögreglunnar á höfuðborgarsvæðinu og Neyðarlínunnar ohf.

Fyrir liggja drög að samstarfssamningi þar sem fram koma hlutverk hvers og eins samstarfsaðila að verkefninu. Hvað varðar upptökur og vörslur þeirra er það Lögreglan á höfuðborgarsvæðinu sem mun annast vörslur á upptökum samkvæmt gildandi reglum og fyrirmælum Persónuverndar.

Vélin á Álftanesi hefur ekki verið formlega tekin í notkun en um leið og samningur verður undirritaður verður lokið við að koma fyrir merkingum á svæðinu. Á vegum Garðabæjar hafa ekki verið settar upp neinar aðrar vélar við vegi innan bæjarmarka.

Bæjarstjóri Garðabæjar hefur þó eins og fram kom í frétt á vef Garðabæjar fyrir helgi óskað eftir fundi með lögregluyfirvöldum og Neyðarlínu til að ræða m.a. um með hvaða hætti best verður staðið að öryggi borgaranna, þar með talið að skoða möguleika á áframhaldandi samstarfi um uppsetningu fleiri öryggismyndavéla.“

Skv. skoðun Fréttatímans á málinu, virðist vera talsverð vinna í gangi hjá bænum vegna þessara mála en það er ljóst að ferlið getur tekið einhvern tíma vegna m.a. persónuverndar og fleiri atriða sem að þarf að líta til við vinnslu málsins.

Lögreglan varar við innbrotsþjófum

Töluvert hefur verið um innbrot í heimahús á höfuðborgarsvæðinu að undanförnu og leikur grunur á að um skipulagða brotastarfsemi sé að ræða. Flest innbrotanna eiga það sameiginlegt að vera framin á daginn og að stolið sé skartgripum og peningum, en önnur verðmæti látin ósnert. Oftar en ekki virðast skartgripir og peningar á heimilum vera geymdir í svefnherbergjum og þangað hafa þjófarnir leitað. Þótt þjófavarnarkerfi séu á mörgum heimilum virðist sem hreyfiskynjarar séu ekki staðsettir í eða við svefnherbergi og er það umhugsunarefni. Allt kapp er lagt á að reyna að upplýsa þessi mál og því viljum við rifja upp nokkur atriði, bæði í þeirri von hafa hendur í hári innbrotsþjófanna og ekki síður að koma í veg fyrir innbrot.

Ekki er ósennilegt að sést hafi til þjófanna í einhverjum tilvikum og því er ítrekað að fólk láti lögreglu vita um grunsamlegar mannaferðir (taki ljósmyndir ef slíkt er mögulegt) og að það skrifi líka hjá sér, t.d. bílnúmer eða jafnvel lýsingar á fólki, ef eitthvað óvenjulegt á sér stað í nánasta umhverfi þess. Innbrotsþjófar fylgjast gjarnan með húsum áður en þeir láta til skarar skríða, hringja jafnvel dyrabjöllunni og þykjast vera að spyrja eftir einhverjum, og því er mikilvægt að hafa þessi atriði í huga.

Munið að það er betra að hringja einu sinni of oft í lögregluna með upplýsingar af þessu tagi en einu sinni of sjaldan.

• Síðustu daga og vikur virðist hafa verið mikið um innbrot á höfuðborgarsvæðinu og þar á meðal í Garðabæ. Beðið er eftir upplýsingum frá lögreglunni á höfuðborgarsvæðinu um nákvæman fjölda innbrota hér í bænum upp á síðkastið.

Gunnar Einarsson, Bæjarstjóri

,,Það er ólíðandi ástand að verið sé að brjótast inn á heimili fólks hér í bænum sem og annars staðar á höfuðborgarsvæðinu og við hjá Garðabæ viljum koma í veg fyrir þessa þróun“ segir Gunnar Einarsson bæjarstjóri sem hefur óskað eftir fundi með Sigríði Björk Guðjónsdóttur lögreglustjóra á höfuðborgarsvæðinu, Skúla Jónssyni aðstoðaryfirlögregluþjóni og stöðvarstjóra á lögreglustöðinni í Hafnarfirði og Þórhalli Ólafssyni framkvæmdastjóra Neyðarlínunnar. Á þeim fundi á m.a. að ræða um með hvaða hætti best verður staðið að öryggi borgaranna, þar með talið áframhaldandi samstarf um uppsetningu fleiri öryggismyndavéla. Nýverið var sett upp eftirlitsmyndavél við innkomu á Álftanes og hefur sú vél þegar reynst vel.

Innleiðing nágrannavörslu – samstarfsverkefni Garðabæjar og lögreglu

Garðabær hefur á undanförnum árum staðið að innleiðingu nágrannavörslu í hverfum bæjarins í samstarfi við lögregluna á höfuðborgarsvæðinu. Með vorinu stendur til að halda innleiðingarfund um nágrannavörslu í einu nýjasta hverfi bæjarins, Urriðaholti. Einnig hafa verið haldnir upplýsingafundir með svokölluðum götustjórum nágrannavörslu. Íbúar eru áfram hvattir til að vera vel vakandi í sínu nærumhverfi og að fylgjast með húsum nágranna sinna. Nágrannavarslan er gott forvarnartæki, hægt er að finna ýmsar nytsamlegar upplýsingar um nágrannavörslu á vef Garðabæjar, gardabaer.is/mannlif/nagrannavarsla.

Góð ráð nágrannavörslu

Mikilvægt er að ganga vel frá húsum þegar þau eru mannlaus, læsa alltaf húsum þótt farið sé frá í stuttan tíma. Það sama gildir um bíla, læsa þeim alltaf þegar þeir standa tómir. Hér að neðan eru nokkrar ábendingar til íbúa um frágang á húsum sem mikilvægt er að hafa í huga:
• Læsa húsum alltaf, og loka gluggum vel með krækjum og stormjárnum
• Hafa ljós í húsinu, hægt að notast t.d. við innstunguklukkur sem kveikja á lömpum á vissum tímum
• Hreyfinemar á útiljósum þannig að þau kvikni þegar umgangur er
• Loka bakgarði og öðrum stöðum þar sem hægt er að athafna sig úr augsýn
• Ekki hafa aukalykla á aðgengilegum stöðum
• Viðvörunarkerfi tengd öryggisfyrirtæki
• Öryggismyndavélar á húsum hafa fælingarmátt “ segir á vef garðbæinga.

The post Innbrotin í Garðabæ – Tveir handteknir appeared first on Fréttatíminn.is.

Tveir karlar og ein kona voru handtekin í húsi í Kópavogi á fimmta tímanum í nótt eftir að lögreglu bárust áreiðanlegar upplýsingar um að þar inni væri maður vopnaður skammbyssu

Talsverður viðbúnaður var vegna málsins og naut Lögreglan á höfuðborgarsvæðinu aðstoðar sérsveitar ríkislögreglustjóra. Við húsleit var lagt hald á skammbyssu, skotfæri og skothelt vesti. Þremenningarnir, sem eru á þrítugs- og fertugsaldri, hafa áður komið við sögu hjá lögreglu.

The post Sérsveitin aðstoðar við handtöku manns, vopnuðum skammbyssu í Kópavogi appeared first on Fréttatíminn.is.

Hinn landsfrægi blaðasali, Auðunn Gestsson, sem fæddist þann 27. febrúar 1938, er áttræður í dag og er meðal elstu manna sem eru með Down´s heilkenni. Jafnframt sá elsti sem að uppi hefur verið á Íslandi með heilkennið. Hann hélt upp á afmælið sitt um helgina en á árum áður var hann einn helsti og þekktasti blaðasali á Íslandi.

The post Auðunn Gestsson blaðasali er 80 ára í dag appeared first on Fréttatíminn.is.