Þar til nýlega hefur álfabikarinn aðeins verið fáanlegur hérlendis í versluninni Móðurást og í Heilsuhúsinu en nú er hann kominn í hillur apóteka landsins. Kostir álfabikarsins eru margir en fyrst og fremst er hann umhverfisvænn og ódýr.
Að meðaltali fer kona á 456 blæðingar á lífsleiðinni í 38 ár. Það gera 2,280 daga á blæðingum eða 6,25 ár.
Ef notast er við dömubindi eða túrtappa og þeim skipt á sex klukkustunda fresti líkt og mælt er með, gera það 9,120 dömubindi og túrtappa á hverja konu sem er fleygt í ruslið. Flest dömubindi eru gerð úr plasti og túrtöppum fylgja plastumbúðir eða hylki. Dömubindi og túrtappar eru einnig talin ýta undir sveppasýkingu og þurrka upp slímhúðina.
Kostnaðurinn við að fara á blæðingar fer eftir vali á vörum. Ef miðað er við 2000 krónur á mánuði í túrtappa og tvær týpur af dömubindum gera það 912.000 krónur yfir ævina. Bleikur skattur gerir það verkum að konur borga 19,35% skatt af óhjákvæmilegum blæðingum sínum sem nema þá 176.472 krónum.
Um álfabikarinn
- Álfabikarinn er ekki ósvipaður túrtappa í notkun. Endum bikarsins er þrýst saman og komið fyrir í leggöngum. Bikarinn má sitja í allt að 12 klukkustundir í leggöngum og fer eftir magni blæðinga hversu oft þarf að tæma hann.
- Álfabikarinn kemur í mismunandi stærðum hann fæst bæði úr gúmmíi og sílikoni og endist í nokkur ár.
- Ókostir álfabikarsins eru að sumar konur eiga erfitt með að koma honum þægilega fyrir.
The post Tölum um álfabikarinn appeared first on Fréttatíminn.