„Miðað við skoðanakannanir er helsta vafamálið hvort Guðni fái hreinan meirihluta, segir Guðmundur Hálfdánarson, prófessor í sagnfræði, við Háskóla Íslands. „En síðan hefur kjörsóknin mikið að segja. Því meiri sem hún er, því líkari verða úrslitin skoðanakönnunum, en ef hún er lítil kemur það líklega mest niður á þeim sem hefur mest fylgi.”
En væri æskilegt að taka upp tvær umferðir ef engum tekst að ná hreinum meirihluta?
„Áður var það ekki talið skipta öllu máli, en þessi umræða fór fyrst af stað eftir að Ólafur Ragnar fór að beita sér pólitískt og reka sjálfstæða utanríkisstefnu sem var ekki í takt við ríkisstjórn. Ef embættið á að breytast á þennan átt og verða pólitískara myndi það gefa forseta skýrari umboð að hafa verið kosinn af meirihluta þjóðarinnar. Og ef það verða áfram svona margir frambjóðendur, þá er hugsanlegt að forseti verði kjörinn með 15 prósent atkvæða, sem væri óæskilegt. En það þarf stjórnarskrárbreytingu til að breyta þessu.”
Hinn óvissuþátturinn er hver verður í öðru sæti.
„Fylgi Davíðs hefur verið að minnka og Halla og Andri eru á uppleið, en enginn er að sækja á Guðna. Að því leyti má segja að þetta sé keppni um silfrið og bronsið.”
The post Keppni um silfur og brons appeared first on Fréttatíminn.