Uppsagnir tólf ljósmæðra á Landspítalanum tóku gildi um síðustu mánaðamót. Það er mjög alvarleg staða uppi á spítalanum og óviðunandi ef að upp kemur t.d. alvarlegt tilfelli. Brugðist hefur við ástandinu með því að útskrifa konur fyrr eftir að þær hafa fætt.
Uppsögnum hefur farið fjölgandi vegna þess að ráðherrar hafa lýst því yfir opinberlega að ekki sé hægt að semja við ljósmæður á grundvelli þess að það muni ógna stöðugleika í þjóðfélaginu.
Formaður ljósmæðra hefur á móti bent á að bæði ráðherrar og alþingismenn hafi fengið tugi prósenta launahækkanir með dómum Kjararáðs. Þær hækkanir hafa átt sér stað á sama tímabili og ljósmæður hafa verið að reyna að semja um sín kjör. M.a. hefur formaður samninganefndar ljósmæðra kvartað yfir því að fjármálaráðherra hafi ekki svarað beiðnum um samtal vegna þeirrar alvarlegu stöðu sem uppi er.
Kjaramál hafa verið fyrirferðarmikil í umræðunni á undanförnum dögum og má þar nefna miklar hækkanir hjá ríkisforstjórum. Laun bankastjóra Landsbankans hækkuðu um 105%, þau voru 1,6 milljón og verða eftir hækkun 3,3 milljónir. Laun forstjóra Landsvirkjunar hækkuðu úr 1,7 milljónum í 3,3 milljónir á mánuðii og nam hækkunin samtals 95 prósentum. Isavía hækkaði laun forstjórans um 65% eða úr 1.5 milljónum í 2.4 milljónir.
Puttinn framan í launafólk – Forstjórar með 84 til 102.6 milljónir á ári
Ómöguleiki að hækka laun ljósmæðra – Myndi setja fordæmi í kjaraviðræðum
Þingmenn fá 45% hækkun – Vinstri stjórnin lýsir yfir ómöguleika á launahækkun ljósmæðra
,,Við erum þremur launaseðlum frá þeim lífskjörum sem við teljum okkur trú um að séu traust.”