Þann 1. ágúst s.l. sendi ég inn neðangreinda grein sem fjallaði um eitt af mörgum hneykslismálum Reykjavíkurborgar og þeirra sem að dvelja í glerhúsinu úti í tjörninni.
Núna verð ég að draga uppástunguna um að fjölga braggahverfum til baka, en ég stakk upp á því þá í einfeldni minni og algerum barnaskap. Að hægt væri að leysa vanda heimilislausra vesalinga með því að byggja ný fátækrahverfi eins og þekktust hér á árum áður, úr bröggum. Mynda veglegt braggahverfi t.d. í Laugardalnum.
.
Fátæka fólkið bjó þá í bröggum sem að herinn hafði skilið eftir, enda voru þeir á þeim tíma ekki svona rosalega verðmætir og þeir eru í dag og þeir einfaldlega bara skildir eftir og ekki þótti taka því að taka þá saman og fara með aftur heim til Bretlands. Ég las um að það hefði komið inn reikningur frá einhverjum fræðingi um að hann hefði eytt 2.000 klukkutímum í að hanna bragga og rukkað fyrir það 35 milljónir.
.
Ég held að bretarnir hafi ekki eytt svona miklum tíma í að pæla í að reisa hvern bragga fyrir sig. Þetta er nú sennilega ekki mjög flókið, að skella upp grind og svo er þetta nú að mestu leiti bara bárujárn. Ég náði mér í vasareikni og fór að hugsa til bretanna, sá þetta alveg fyrir mér í svarthvítu, þar sem að þeir voru að reisa þessa vesælu bragga hvern á fætur öðrum til þess að hafa þak yfir höfuðið í Reykjavík. Ég held að þeir hafi ekki lagt svona mikið upp úr náðhúsbyggingum eins og gert er nú til dags og ég hugsa að þeir hefðu ekki gúdderað að eyða hátt í 50 milljónum í náðhús eða WC eins og þeir hefðu líklegast kallað það.
.
Ég get vel ímyndað mér að það hafi tekið þá eina vinnuviku upp á 40 tíma að skella upp hverjum bragga fyrir sig. 2.000 tímar í að pæla í því hvernig á að byggja bragga gera samtals 50 vinnuvikur. Og nóta bene, þetta er bara einn reikningur frá einum aðila. Og við erum að tala um 500 milljónir fyrir einn bragga sem er ekki einu sinni tilbúinn ennþá eða fullkláraður. Enginn ber ábyrgð á málinu og Dagur B. Eggertsson getur ekki tjáð sig vegna skyndilegra veikinda eða mætt í Kastljós eða neitt en við vonum að sjálfsögðu að hann fari að Braggast.
.
2.000 tímar í að pæla og teikna bragga og eyða svo hálfum milljarði í stykkið, það hefði þýtt það að þeir hefðu frosið í hel áður en bragginn hefði orðið klár. Og hefðu örugglega tapað öllum þeim stríðum sem að þeir tóku þátt í og sett Bretland á hausinn. Þeir eru jú ekki eins vel stæðir og Borgarsjóður Reykjavíkur.
.
En semsagt ég verð að draga til baka uppástunguna um að reisa braggahverfi fyrir fátæklinga í Reykjavík, því að nú til dags eru slíkar byggingar bara fyrir elítuna og hefðarfólkið og jafnvel kóngafólk þegar að það kemur hingað í heimsóknir. Það væri nú gaman að sýna t.d. dönsku konungsfjölskydunni öll þessi fallegu dönsku strá fyrir utan, þeim finndist það nú alveg örugglega milljón, að fá að dást að þeim, hér úti í móa á Íslandi, ef þau lifa af veturinn.
.
Jón Gunnarsson, frkv.stj.
.
Hér er svo greinin sem var rituð í algerum misgáningi, þekkingarleysi og barnaskap 01.08.2018
Aukafundur var haldinn í borgarráði í gær vegna grafalvarlegrar stöðu heimilislausra í Reykjavík. Dagur B. Eggertsson og samfylkingin sem að fólk kaus að mundu alls ekki koma að því að stjórna borginni áfram skv. úrslitum í nýliðnum kosningum, er með allt niður um sig í þessum efnum eins og í svo mörgum öðrum.
Kollegi borgarstjórans, Heiða Björg Hilmisdóttir, formaður velferðarráðs og borgarfulltrúi Samfylkingarinnar í meirihlutanum, birtist á skjá allra landsmanna í gær, mjög úrill yfir því að geta ekki verið áfram í sumarfríi til haustsins eða alla vega fram að réttum í oktober.
Sagði þar að hún botnaði bara ekkert í þessum látum yfir þessu liði sem að væri heimilslaust, það væri ekkert nýtt vandamál og engin ástæða til þess að vera að rjúka upp til handa og fóta núna í miðju sumarfríi og kalla til fundar. En svona til fróðleiks, fyrir fólk sem býr í glerhöllum, þá hafa heimilislausir sem að margir hverjir liggja undir trjám, t.d. í Laugardalnum, Öskjuhlíðinni og víðar, ekki átt gott sumar þar sem að rignt hefur upp á nánast hvern einasta dag og hverja einustu nótt undanfarna mánuði. Fjöldi þeirra sem voru á biðlista eftir félagslegu húsnæði í Reykjavíkurborg í upphafi ársins voru 954 og þeim hefur örugglega fjölgað síðan þá.
Hinum sósíaliska leiðtoga var bent á að nú færi að kólna og svo að frysta og því væri málið alvarlegt og brýnt.
Hún aftur á móti sagði blákalt á rás tvö „Ég held að þessi fundur muni ekki breyta neinu, en gott er að setja nýja borgarfulltrúa inn í málið.“ – Alltaf sama hræsnin í þessu vinstra pakki, hún fer að verða á pari við forsætisráherra ekki vinstri stjórnarinnnar, ekki vinstri og ekki grænu, sem að nauðgaði út úr kjósendum atkvæðum sínum, íklædd sauðagæru.
![]()
Formaður velferðarráðs og hægri hönd borgarstjórans sem að fólk kaus að mundi ekki koma nálægt stjórnun á borginni meir og helst aldrei aftur. Sagði að vandamálið væri ekki að koma skyndilega upp núna, (mjög pirruð á öllu ónæðinu, þar sem hún var í vellaunuðu sumarfríi eftir einn fund í vor) en hópur heimilislausra hefði tvöfaldast á fimm árum, eða um 95% frá 2012-2017. Sagði hún sigri hrósandi, máli sínu til stuðnings um að alger óþarfi væri að kalla hátt sett fólk úr sumarfríum með tilheyrandi ónæði. Fólk sem að gæti hæglega verið í launuðum heimsreisum með milljónir á mánuði út af allri ábyrgðinni sem að það ber. M.a. vegna ábyrgðarinnir á heimilisleysingjum og öðrum sem að eru um alla borg og eiga hvoki fyrir húsaskjóli eða nauðþurftum. Eða þá eins og slökkviliðið hefur kvartað yfir, hafa hreiðrað um sig í óíbúðarhæfum iðnaðarhúsnæðum sem eru lífshættulegir íverustaðir fyrir fólk og fjölskyldur.
![]()
Hver var svo niðurstaðan? Jú, að búa til fátækrahverfi og fjölga þeim og redda liðinu bara tjöldum, bröggum eða einhverjum sambærilegum skýlum svo að það muni ekki frjósa í hel úti á víðavangi í haust. Um er að ræða 100 ára afturför, koma liðinu öllu á sama stað, og eyrnamerkja það sem fátæklinga í fátækrahverfum eins og var í byrjun síðustu aldar.
Ég minnist þess ekki að hafa lesið um þetta kosningaloforð á öllum plakötunum sem límd voru ólöglega af Degi B. Eggertssyni á húsnæði víðsvegar í borginni. Þá var bara talað um fallega borgarlínu sem aldrei verður að veruleika.
![]()
Á fínna manna máli, fólks sem er með tugi milljóna á ári + öll fríðindi, s.s. dagleg kokteilboð, utanferðir og dagpeninga og aksturspeninga og hvað þetta allt saman heitir, kallast þessi fyrirhuguðu fátækrahverfi,- ”Dagsskýli fyrir utangarðsfólk.”
Í áliti Umboðsmanns Alþingis var Reykjavíkurborg ávítt fyrir þá stöðu sem upp er komin í málaflokki heimilislausra og utangarðsfólks. Í álitinu er sagt að Reykjavíkurborg hafi ekki tryggt utangarðsfólki aðstoð við vandamálum sínum með fullnægjandi hætti: „Þegar þessi atriði og umgjörð við úrlausn á húsnæðisvanda utangarðsfólks hjá Reykjavíkurborg séu virt heildstætt, skorti á að Reykjavíkurborg tryggi utangarðsfólki, svo fullnægjandi sé, aðstoð við lausn á bráðum húsnæðisvanda í samræmi við ákvæði laga nr. 40/1991, eins og þau verða túlkuð í ljósi 1. mgr. 76. gr. stjórnarskrárinnar og fjölþjóðlegra mannréttindareglna. Umboðsmaður komst einnig að þeirri niðurstöðu að reglur Reykjavíkurborgar um félagslegar leiguíbúðir og sérstakar húsaleigubætur fullnægi ekki kröfum sem gera verður til skýrleika reglna um skilyrði sem í reynd eru sett fyrir úthlutun húsnæðis.“
Fólk kom skilaboðum til þessa hústökufólks sem er í Ráðhúsinu, um að það óskaði ekki lengur eftir starfskröftum þess þar sem að það hefur brugðist á svo marga vegu. Ekki bara í þessum málum, heldur svo mörgum öðrum.
Það er sárt að þurfa að horfa upp á það að lýðræðið er fótum troðið af valdasjúku fólki sem er hústökufólk í stjórnarráði borgarinnar. Fólki sem að grætur krókudílatárum yfir nýrri stjórnarskrá og kemur alltaf fram sem úlfar í sauðagærum þegar að á reynir. Ekki vantar smjaðrið fyrir kosningar, þar sem að þetta pakk býður sig eins og hórur á götuhorni og lofar öllu fögru bara ef það fær greiðslu, sem er atkvæðið. Bara svo það geti verið í vellaunuðu fríi og notið allra lífsins gæða á kostnað okkar. Þetta fólk er þarna fyrst og fremst fyrir sig en ekki heimilislausa eða aðra og hræsnin kemur svo fram í öllu viðmóti þessa fólks sbr. svör ”formanns velferðarráðs og borgarfulltrúa Samfylkingarinnar”
Höf. Jón Gunnarsson, frkv.stj.
Hver var svo niðurstaðan? Jú, að búa til fátækrahverfi og fjölga þeim og redda liðinu bara tjöldum, bröggum eða einhverjum sambærilegum skýlum svo að það muni ekki frjósa í hel úti á víðavangi í haust. Um er að ræða 100 ára afturför, koma liðinu öllu á sama stað, og eyrnamerkja það sem fátæklinga í fátækrahverfum eins og var í byrjun síðustu aldar.