Heimildarmynd um Jóhönnu Sigurðardóttur, fyrrum forsætisráðherrra, og sögu hennar sem stjórnmálamanns verður frumsýnd í Bíó Paradís 15. október næstkomandi. Myndin kallast Jóhanna – Síðasta orrustan.
Saga Jóhönnu er saga konu í miklum karlaheimi stjórnmálanna sem verður að lokum fyrsta konan til að gegna embætti forsætisráðherra á Íslandi. Í fréttatilkynningu kemur fram að í myndinni er fylgst náið með störfum Jóhönnu síðustu mánuði hennar í embætti og því sem gerist bak við tjöldin í stjórnarráðinu. Fylgst er með baráttu hennar og annarra fyrir því að fá Alþingi til að samþykkja nýja stjórnarskrá fyrir Ísland, segir í tilkynningu.
Leikstjóri myndarinnar er Björn B. Björnsson og er hann jafnframt handritshöfundur ásamt Elísabetu Ronaldsdóttur sem klippir myndina. Kvikmyndatöku annaðist Jón Karl Helgason og tónlistin er eftir Tryggva M. Baldvinsson.
Jóhanna á sínum yngri árum þegar hún var flugfreyja.
The post Kona í karlaheimi: Bíómynd um Jóhönnu Sigurðardóttur væntanleg appeared first on FRÉTTATÍMINN.