Hin ellefu ára Amira Willighagen verður sérstakur gestur á Jólagestum Björgvins í Laugardalshöll hinn 12. desember. Amira vakti athygli víða um heima þegar hún sigraði í Holland’s Got Talent fyrir tveimur árum, þá aðeins níu ára gömul. Þessi unga óperusöngkona hefur síðan sungið á stærstu sviðum heims með stórstjörnum klassíkurinnar og heillað áhorfendur upp úr skónum.
Jólagestir Björgvins verða nú haldnir í níunda sinn og auk Björgvins Halldórssonar og áðurnefndrar Amiru koma margir hæfileikaríkir söngvarar og söngkonur fram. Má þar nefna Ágústu Evu Erlendsdóttur, Egil Ólafsson, Maríu Ólafsdóttur, Sölku Sól Eyfeld, Gissur Pál Gissurarson, Eivör Pálsdóttur, Eyþór Inga, Dísellu Lárusdóttur og Axel Flóvent. Auk þeirra stórsveit, strengjasveit, karlakór, barnakór, gospelkór og sigurvegari í Jólastjörnunni. Heiðursgestur er svo sjálfur Gunnar Þórðarson.
Miðasala hefst 22. október á Tix.is.
The post Ellefu ára óperustjarna syngur með Bó í Höllinni appeared first on Fréttatíminn.