Árleg Sviðaveisla Snæðingsins, sem kennd er við veitingamanninn Bjarna Geir Alfreðsson – Bjarna Snæðing – verður haldin í Víkinni úti á Granda um næstu helgi, föstudagskvöldið 16. október. Veislustjórar verða þeir Guðmundur Steingrímsson og Róbert Marshall og geta gestir gætt sér á þjóðlegum veitingum af bestu gerð.
Meðal þess sem á boðstólum verður eru soðin og reykt svið, sviðalappir, sviðasulta, reykt og soðin eistu, fyllt hjörtu, blóðmör og lifrarpylsa og steik og nýrnapæ. Fyrir herlegheitin borga gestir litlar 6.900 krónur en miðapantanir eru í Víkinni í síma 5710960 og 853 8088.
The post Reykt svið og soðin eistu af bestu gerð appeared first on Fréttatíminn.