„Sem unglingur hafði ég mikla ástríðu fyrir fötum og tísku en komst fljótt að því að það sem var í boði í verslunum passaði illa á mig. Þar sem ég er aðeins hávaxnari en margar hverjar og með breiðari axlir og bak, lengri handleggi og kvenlegan vöxt, ákvað ég í byrjun ferils míns að hanna föt sem pössuðu á konur eins og mig. Ég er lærður klæðskeri og innanhússhönnuður en mig hefur alltaf dreymt um að vera fatahönnuður. Þetta var í raun kveikjan að JonaMaria eins og hún er í dag,” segir Jóna María. Í dag er JonaMaria staðsett í Bæjarlind 16.
Hannar með vellíðan og vaxtarlag í huga
„Þegar kona klæðist fatnaði sem henni líður vel í og hæfir hennar vaxtarlagi þá geislar hún af sjálfstrausti og kynþokka,“ segir Jóna María. Sniðin hennar eru því útpæld og efnisvalið þaulhugsað. „Einlægustu ummælin sem ég hef fengið frá viðskiptavini eru: „Þetta er í fyrsta skipti sem ég fer ekki grátandi út úr fataverslun.“ Þessa konu þurfti ég að faðma. Svona umsagnir eru ástæðan fyrir því að ég er í fatahönnun og ég veit ekkert skemmtilegra en að skapa fallega hluti sem gleðja konur og láta þeim líða vel.”
Verslun og verkstæði í Bæjarlind
Jóna María kann mjög vel við sig í Bæjarlindinni þar sem JonaMaria hefur verið til húsa í eitt og hálft ár. „Viðtökurnar hafa verið frábærar og þar framleiðum við allan fatnað og skart og leggjum áherslu á flæði milli verslunar og verkstæðis. Við bjóðum einnig upp á styttingu á fatnaði og fleira gegn vægu gjaldi,“ segir Jóna María. Stemningin í versluninni er notaleg og afslappandi. „Við leggjum áherslu á góða þjónustu og fjölskylduvænt umhverfi. Við viljum að konur gefi sér tíma til að máta og við hjálpum þeim að finna réttu flíkina. Margar koma í verslunina eftir að hafa séð ljósmyndir sem við tökum í okkar eigin stúdíói, bæði fyrir fésbókina, JónaMaría JM Design, snapchat, jonamariadesign, og vefverslunina okkar, jonamaria.is.” JónaMaría Design er í hátíðarskapi og á næstu dögum fer af stað á fésbókinni lukkuleikur með slagorðinu „Gleðileg jól í íslenskum kjól“ og hvetur Jóna María alla til að fylgjast vel með.
Unnið í samstarfi við JónuMaríu
The post Jóna María lét drauminn verða að veruleika appeared first on Fréttatíminn.