Renndir leirmunir, handgerð skurðarbretti, púðar, dúkar, veggspjöld, jólaskraut og margt fleira verður á meðal þess sem verður á boðstólum á jólamarkaði á Bus Hostel í Skógarhlíð um helgina. Á markaðnum selja 13 hönnuðir og listafólk verk sín undir heitinu Ízlenska pop-up fjelagið.
Opið verður milli klukkan 12-17 laugardag og sunnudag og piparkökur og heitt kaffi verður á staðnum til að ylja gestum.
Þeir sem taka þátt eru: Bifurkolla, Ísa-fold design, Gluggagallery, Íris Ösp Heiðrúnardóttir, Aron Freyr Stefánsson, Hanna Gréta keramik hönnuður, Basalt Reykjavík, Ratdesign/Ragnheiður Tryggvadóttir, Valdór Bóasson, Gola & Glóra, Mixmix Reykjavík, Gunnarsbörn og Bismagg.
The post Hönnuðir og listafólk á jólamarkaði appeared first on Fréttatíminn.