Hvað ber að varast?
Á meðgöngu er hægt að ástunda flestar íþróttir en með gætni. En gott er af hafa eftirfarandi í huga:
- Forðastu harða þjálfun sem getur valdið óþægindum.
- Hættu alltaf þegar þú finnur fyrir vanlíðan.
- Ekki láta púlsinn fara yfir 140-145 slög á mínútu til að ofreyna ekki hjartað. Hjartað þarf að dæla mun meira blóði en venjulega á meðgöngunni, einnig um fylgjuna.
- Gerðu teygjuæfingar með sérstakri aðgát, því að allir liðir og liðbönd eru mun lausari í sér en venjulega, vegna hormónabreytinganna. Ástæða þess að hormónar valda losi í liðum og liðböndum er sú að líkaminn er að undirbúa sig fyrir sjálfa fæðinguna svo að grindin gefi nægilega eftir til að höfuð barnsins komist í gegn.
- Vertu dugleg að drekka vökva áður, á meðan og eftir að þú stundar líkamsræktina. Þú svitnar meira á meðgöngunni og þarft mikinn vökva til að þér líði vel.
- Sumar íþróttagreinar er best að forðast á meðgöngunni þar sem talsverð hætta er á að þú eða barnið getið beðið af þeim tjón t.d. við árekstra eða tæklingar.
- Farðu alltaf eftir heilbrigðri skynsemi og taktu mark á því sem líkami þinn segir þér.
- Ef þú finnur fyrir óþægindum eða öðrum einkennum skaltu hætta strax og ef þau líða ekki hjá skaltu hafa samband við lækni eða ljósmóður.
Heimild: doktor.is
The post Líkamsrækt á meðgöngu appeared first on Fréttatíminn.